Eremyas 21:14 - Fanawbuid tagsibaliwas Fakayabian

¹⁴ Dewa katanya, namaurianan au ayu kata ay ngay nafakamulun. Nangirug au ay fagagbilugun fag ngay araw yakmay ankirug fagayu si ay ligung. Au, Yawi, taglong tuy.’ ”

Eremyas 21:14 ပူးပေါင်းရင်းမြစ်များ

2 Krunika 36:19

Ay kanya fagayu nairug wan Dius at bale, ay narufa wan Erusalem at ngay alad. Ay nairug yangay anggan at mogat fag ngay afud furuan Erusalem, ay naiklas wan at mafanud fag ngay fagagbilugun.

Fangatulun 1:31

Nu katanya, umdasug ban sa ayu fagidapun, aroro mauri way ay fakamulun anggan ay ngay algan.

Fangatulun 12:14

Galay ban sik taw mul famonun kata at nalong, kata nu e fanambagun siginan at nafakamulun.

Isayas 10:12

Dewa katanya, tam Fun Dius nalong te, “Gina ban antabu nu gagbilug au Asirya at fun nu namafasludan ku algan fag faurianan sas Buksul Siun ay sas furuan Erusalem, namaurianan kyangay ban anya, aroro kanya kamatungudun ay kamanagsag!”

Isayas 10:16

Nu katanya, tam Fun, Yawi at Mabalyanan, namae fakasaitun ban ngay taw Asirya at ngay tagfawayan at mabitsug, ay namadasug ban sik afuy daul tagigang laman nangirug kafag fun at fagmabitsugun ay at ramraman fagayu.

Isayas 24:21

Ginanya ban, Yawi namauri at mabalyanan fag ngay awatan sis banwa, anggan ngay fun iste sfagdaul daga.

Isayas 37:24

Nagbilug o am ngay fagsuguan laman gfalingun o angku, Nalong o sa angku te, “Siginan ku ngay faguyudan fangawayan naundaud au sa tangabat fag ngay buksul, anggan tungud buksul Lebanun. Nafuan kwan sanya fag ngay kayu tangabat, ay nalag au tangayayu fag fungfung tangrawan, ay at masine fag araw.

Eremyas 11:16

Ebi Yawi nu gdama kanya fagayu kata oma sik fun kayu ulibu at marabung ay tangayu at rawvg, dewa katanya, gina ban at maksvn fag afuy nadalan, kanya fagayu umkamin kata at nairug fag ngay sanga at yud e fanambagun ya.

Eremyas 17:10

Dewa katanya, au Yawi, saful kway taw at basad ay at amatanganan. Namakamulun kban sas galay sik taw kata at ugali ay at nafakamulun.

Eremyas 17:27

Dewa katanya, nu dway ban am gfaning angku, ay nu dway ban am gfae masuad Famiangalay fag Menit, ay nu namuba way ban am ay ngay famaloun sas Erusalem at ngay sakbawan ginanya fag menit, nangirug kwan Erusalem at ngay sakbawan anggan ngay furuan at ngay fagtungkudan, ay wa ban e mafarabung ya!”

Eremyas 22:1

Yawi nalong sa angku te, “Loi sas Uda at fun at bale ay nanlong o sa anya te,

Eremyas 22:7

Namadasug au at nangiklas emu ay kanya ban fagayu mesa gbuba at fanrasras ay gfuan am ngay turuk sidru ay gukas sasad afuy.

Eremyas 32:19

At kasine am ngay algan, ay at kadulo am ngay nafakamulun. Glag way o fagayu taw at nafakamulun ay gfasud o ngay taw kata at ngay ugali ay at nafakamulun.

Eremyas 46:23

Kanya fagayu namabul ngay taw Igiptu kata nu namuan at marabung fag ngay kayu. Ay kanya fag ngay fawayan ayu yap tua ngay liung yud e mafatap ya.

Eremyas 50:32

O takamatungudun, umrasras ban o ay wa ban e ggubuk ya gfalunggung emu. Nangirug kyangay ban am ngay furuan tagsim ligung.”

Eremyas 52:13

Ay kanya nairug Yawi at bale, ay fun at bale, ay fagayu bale tagsis Erusalem, ay anggan at mafanud fag ngay taw at ngay bale.

Eremyas 6:19

Ngay taw sas fagdaul daga, dungugani! Gfadasug kban sik maksvn fag faurianan sa sangay taw tagbanwan ste, laman sik faurianan sat ngay algan. Aroro kanya fagayu wa kaylat gdungugan ku ngay longan, ay wa nafaning ku ngay suguan.

Eremyas 6:29

Masugba oma at faigangan laman gfadalusan sanbung salapi siginan at mafasuglatan fag tansu, dewa katanya, kanya fag salapi wa kadalusan. Katanya yangay ku ngay taw, we masuad dewa au gfasine anya fagayu, aroro at fagmauriun wa nalyam.

Eremyas 9:25

Yawi nalong te, “Kadasug ban sik buknga namaurianan au fagayu at nafae fakatoglagan, at yud ngap natubus at ngay ugali;

Takabalu 2:3

Ay at kaksvnan nu kadotama, kanya nafalyam wan ngay taw Israel at fagmabalyananun ay nafababawan. Kata sik afuy, kanya nafamin ngay taw Israel ay anggan fagayu nusnge wain tagsit ligung.

Esekyel 21:3

Nanlong o sa anya fagayu te, ‘Au Yawi at mabalyanan, glong au te, gfawayan au ayu! Gguyud kwan ku fiso tagsumbalian at uyup ay namabul au ayu.

Mikas 7:13

Fagayu ban talun sas fagdaul daga umsik mabaluanan aroro sa sangay taw at fagmauriun.”

Sakaryas 11:1

Am tagbanwan sis talun Lebanun luangi ay ngay furuan at sakbawan laman afuy gsakbo ay nangirug ngay fun kayu sidru.