Eremyas 21:13 - Fanawbuid tagsibaliwas Fakayabian

¹³ Ku ngay fawayan fag ngay taw Erusalem tagbanwan sis tungud buksul fag datag, kamatungudun am glong te, “We manamawayan antam ste tam fagbanwanan at mogat!”

Eremyas 21:13 ပူးပေါင်းရင်းမြစ်များ

Alubad. 125:2

Yawi munakbang tua gugat sit ngay taw kabavn, kata ngay buksul at maligung sis furuan Erusalem.

Nu Galin 13:20

Ay kanya fagayu nalao siginans Sukut, ay anful sis Etam, sis tigyangan talun at yud e taw.

Nu Galin 13:8

Ay gina am gfauseganan fag buknga, fayamagi sa ay ngay mesa sisian te, ‘Namatang au Yawi at nafakamulun sa angku gina au glao siginans talun Igiptu.’

Isayas 22:1

Katatuy at foyungan sabaliwa sik tagubungan nu inda Dius gfalag ngay taginfan: Setain katsi takafasludan? Wain ay fagsiun ay tungud bale?

Eremyas 17:3

Nu katanya, nasugu au ay ngay fawayan laman namul ay ngay ramraman ay fagayu ay fagagbilugun, ay anggan ay fagnansegan fag ngay bale tagsis tungud buksul, aroro sa ay nafakamulun fag ngay asalanan sas fagdaul ay talun.

Eremyas 21:5

Au wan at namawayan ayu siginan ku fagmabalyananun aroro maksvn nu kadotama au ayu.

Eremyas 49:16

Gfaseg wayam ay ngay sadili, siginan nu kamatungudun am glong te, we mababo ayu aroro gbanwan am sis wa gang tagsis tungud fungsu. Dewa ban am kata sik bio tangabat nu glayug, ay dewa ban am nawat ay fagbanwanan kabat bio at fagfugadan, gfatong kway ban ayu. Au, Yawi, taglong tuy.”

Eremyas 50:31

“Au, ay Fun, Yawi at Mabalyanan, glong au te, o takamatungudun fag talun Babilunya, ku fawayan o! Aroro buknga wan nu gfaurianan au emu.

Eremyas 51:25

O, talun Babilunya, ku fawayan way o, nafangayan emu te, Tagfanrufa fag Buksul. Gfanrufa o fagdaul daga. Siginan ku fagmabalyananun nanrasras au ay nangirug emu.

Eremyas 7:4

Lag am gafanud ngay taw at longan te, “We kadasug at malimu aroro Yawi at bale si wa antam.”

Takabalu 4:12

Ngay fun sas fagdaul daga anggan at ngay fagfunanun wa gafanud te, ngay fawayan masakbo sas Erusalem at ngay sakbawan.

Esekyel 13:8

“ ‘Nu katanya, au, Fun Dius Yawi, glong au te, namawayan au anya fagayu, aroro kamuagan way nu ginsaful ay wa matuyan nu gtaginfan.

Esekyel 21:3

Nanlong o sa anya fagayu te, ‘Au Yawi at mabalyanan, glong au te, gfawayan au ayu! Gguyud kwan ku fiso tagsumbalian at uyup ay namabul au ayu.

Esekyel 34:10

am ku fawayan, ay am at ke malong sat kinfasludan sa ku ngay tupa. Kwa ban gfatigwanan ya sa ayu ku ngay tupa, aroro ay naalaga ay sadili way. Namalangfe au ku ngay tupa siginan ayu laman ban wam manangon ya anya.

Esekyel 5:8

Nu katanya, Au, Yawi ay Fun, kadotama au ayu. Namaurianan kban ayu sa sangay talun at daga salubangan.

Mikas 3:11

Gfadiuganan am sa tagfon ayu famayad gina am gfawabilugan. Anggan ngay tagfon fanggalangun nu gfoyung gbul yangay famayad. Katanya yangay ngay taglong, wa nanginsaful way ro e famayad. Ay gseg am te, Yawi ggubuk ayu, ay gamatangan yangay am te, Yawi gufud tua gugat ayu, nu katanya, we mauri takadasug sa ayu.

Naum 2:13

Yawi at Mabalyanan glong te, “Am fag ngay taw Ninibe, dungugani! Ku fawayan am! Nu katanya, nangirug au ay ngay faguyudan ay ay ngay tagfawayan umbul sas fagawayanan. Namaragang kwan ay ngay fakamulun at mauri. Ay wa ban am e tagfosuk ya longan.”