Eremyas 21:10 - Fanawbuid tagsibaliwas Fakayabian

¹⁰ Nafalganan kwan namadasug sik faurianan ste fag furuan, abat ngate, fagmasineun. Ay namagbilug kban anya sas Babilunya at fun, ay kanya nangirug. Au, Yawi, taglong tuy.’

Eremyas 21:10 ပူးပေါင်းရင်းမြစ်များ

2 Krunika 36:19

Ay kanya fagayu nairug wan Dius at bale, ay narufa wan Erusalem at ngay alad. Ay nairug yangay anggan at mogat fag ngay afud furuan Erusalem, ay naiklas wan at mafanud fag ngay fagagbilugun.

Alubad. 34:16

Dewa katanya, Yawi gfawayan fagayu tagfakamulun mauri. Ay gfabul wan kafag ngay taw laman at ngay ngayan wa kamatang ya, ay umkalyam wan siginans fagdaul daga.

Eremyas 17:27

Dewa katanya, nu dway ban am gfaning angku, ay nu dway ban am gfae masuad Famiangalay fag Menit, ay nu namuba way ban am ay ngay famaloun sas Erusalem at ngay sakbawan ginanya fag menit, nangirug kwan Erusalem at ngay sakbawan anggan ngay furuan at ngay fagtungkudan, ay wa ban e mafarabung ya!”

Eremyas 26:6

grasras kban tuy fag bale kata ku nafakamulun sis Silu. Ay fagayu ban talun sas fagdaul daga gfauri kanya fag furuan!’ ”

Eremyas 33:5

ngay taw Babilunya ban masakbo way. Ngayu ban takabul ste fag furuan, ay aroro maksvn nu kadotama au ayu, nangiklas kwan ay furuan. Gtalyuyan kwa ban tuy fag furuan aroro sat fagmauriun.

Eremyas 34:22

gsugu kyay ban anya fagayu laman namadog namawayan, nangagbilug, ay nangirug ayu. Fagayu ban furuan sis Uda namasik mabaluanan au ay wa ban e gbanwan ya.”

Eremyas 38:17

Eremyas nalong sas fun Sedekya te, “Katatuy Yawi at Mabalyanan, Israel at Dius, at longan: nu gfababaun tua ban o sas Babilunya at fun, umlangfe yay ban o, ay ngay taw Babilunya ban wa girug tuy fag furuan ay anggan ban am talnayan gleleg tua.

Eremyas 38:18

Dewa katanya, way ban o gfababaun, Dius ban namagbilug wan tuy fag furuan sas talun Babilunya ay kanya ban fagayu nangirug.”

Eremyas 38:23

“Kanya ban fagayu gtaban wan fagayu am mangena ay anggan am ngay sisian sas talun Babilunya ay wa ban o malagyu ya. Ay kanya ban fagayu girug wan tuy fag furuan.”

Eremyas 38:3

Yawi nalong yangay te, ‘Matuyan, ngay taw Babilunya nangago wan ay nangagbilug tuy fag furuan.’ ”

Eremyas 39:16

“Loi sas Ebed-Melek fag taw Etiupya ay nanlong o anya te, ‘Au, Yawi at Mabalyanan, Israel at Dius, glong au te, gfafasludan kwan ku ngay nalong laman ste fag furuan. Kwa namae ramraman ya tuy fag furuan nu bunway nangiklas kwan. Ay lumag ban o nu kafasludan.

Eremyas 39:8

Ay talun Babilunya at ngay tagfawayan nairug wan tagsis Erusalem fag ngay bale ay anggan fun at bale daul, ay narufa yangay ngay alad.

Eremyas 44:11

“Nu katanya, au Yawi at Mabalyanan, Israel at Dius, mafalganan kwan namaurianan ay namamin fagdaul talun Uda.

Eremyas 44:27

Abat ngate kban gdiri ayu laman e fagmasineun am, gfaurianan kway ban ayu. Ay fagayu am tagbanwan stes talun Igiptu, kabul ban am sas awayan, sas fanlunus yakmay ban am ankamin.

Eremyas 52:13

Ay kanya nairug Yawi at bale, ay fun at bale, ay fagayu bale tagsis Erusalem, ay anggan at mafanud fag ngay taw at ngay bale.

Esekyel 15:7

Anud, namaurianan kban kafag ngay taw. Dewa ban anlakwi siginan sad afuy, kanya ban fagayu kairug yay. Ay sumaful ban te, au Yawi.

Esekyel 24:11

Sanya ginan, at yud e bilug fag bisu fasai stungud singsing afuy yakmay masugba ay at ngay layungun katinas. Sa takatatuy fag balyawvtan, bisu umsine ay umkalyam at ngay anenay.

Lebitiku 17:10

“Nusnga sinu si ayu at naon taguk, tuyani anya te, Yawi at fawayan ay tuyani yangay te, bunwa ya ay kaiban.

Lebitiku 26:17

Gfabayan kban ay fawayan nu gbabo ayu, ay kanya ban fagayu gagbilug ayu. Ay at kaksvnan ban nu kalimu am gtadtaruyan ban am glagyu, dewa yud e gfafalo ayu.

Amus 2:5

Nu katanya, nangirug kban talun Uda, gasfuan Erusalem at mogat fag ngay afud.”

Amus 9:4

Ay at ngay fawayan ban dewa tumaban anya fagayu, namabul kyay fia anya fagayu. Aroro ku algan wan namamin, ay yud nanggubuk anya fagayu.’ ”

Sakaryas 1:6

Dewa katanya, anfasludan say ngay mangaguyang ku ngay nalong ay ku ngay famararang siginan ku ngay fagsuguan fag ngay taglong. Ay ay ngay mangaguyang namatangan ay nalong te, ‘Yawi at Mabalyanan nafaurianan antam kata tam nasalan ay at algan sa antam.’ ”