Eremyas 20:9 - Fanawbuid tagsibaliwas Fakayabian

⁹ Tiba ginan, gamatangan au te, deyud ya ku nafoyung sabaliwa emu ay ku nafamoyung am ngay suguan sa angku. Dewa katanya, kwa nafaragang, aroro am ngay longan kata sik afuy tagigang si ku amatanganan ay si ku ngay bini.

Eremyas 20:9 ပူးပေါင်းရင်းမြစ်များ

Alubad. 39:3

Maksvn nu gafanawa au. Ay gamatangan au gugat, kaugat way nu gidapan au gamatangan. Nu katanya, nalong au te,

Eremyas 23:29

O nunda ku ngay longan wa mabalyanan? Ku ngay longan kata sik afuy nu girug ay sik famulpug nu marufa gang.

Eremyas 23:9

Kabalu au aroro sa takamuagan fag ngay taglong at foyungan. Anggan ku ngay bini anmomuy wan ay kata wa nu galangu au aroro sas Yawi at longan at yud e malong sabaliwa anya fagayu.

Eremyas 4:19

“Kwa magwanta ya gamatangan ku ngay fagidapun at kaksvnan nu maidap. Ku dubdub gsubsubuan ay kwa kagwanta ya. Aroro nadungug au sik budyung at awang ay sik uro siginans fagawayanan.

Eremyas 6:11

Maksvn yangay nu kadotama au, kata Yawi nu kadotama, ay kwa kagwanta ya.” Yawi nalong te, “Namadasug au ku dotama sa sangay sisian tagawean, ay sa sangay baguama at maful, ay sa sangay dadwa ay anggan sat ngay mafagtainan wan.

Esekyel 3:14

At Falad nabuba angku sa tangayayu. Nu katanya, maksvn nu kauri au ay kadotama, dewa katanya, Yawi nafaragang tua takatanya ku amatanganan.

Esekyel 3:3

Kanya nalong angku te, “Oni ay apsugi.” Ay naon au, nu kanamnam matamis kata sik deut.

Amus 3:8

Sinu at yud kalimu liun nu nasubang? Ay sinu at yud nanfamoyung, Fun Dius Yawi nu nasugu?

Unas 1:2

“Loi wan sas furuan daul Ninibe, ay namararang o sanya, aroro at ngay taw at fagmauriun andasug wan sa angku.”

Unas 1:3

Dewa katanya, kanya nananuksuan Yawi, at algan sas talun Tarsis. Kanya ndasug sas furuan Upa ay nalag sik sakayan lino tagsas Tarsis. Unas nafon at famayad ay nasakay magamut ngay tagfakamulun sis sakayan lino ay tiba yak tagsakay.

Lukas 9:62

Ay Isus glong anya te, “Sik taw gina garadu nu nadama way sat guyan, wa ban katap sas Dius at fagfagtainanan.”

Fakamulun 17:16

Kaduge Pablu gfanya Silas ay Timuteu sis Atenas, kanya nalag ngayuk fagsegan, ay kabalu maksvn.

Fakamulun 18:5

Silas ay Timuteu nu ndasug wan siginans talun Masidunya, Pablu nafalganan fagdaul at buknga laman kamoyung, ay gfoyung sa sangay taw Udyu te, Isus, Dius at nafili fag Fun.

Fakamulun 4:20

Aroro wa masine nu dway mi gfoyung em ngay nalag ay em nadungug.”