Eremyas 20:8 - Fanawbuid tagsibaliwas Fakayabian

⁸ Yawi, galay au namoyung am longan, ku fagfoyungun gugat sa way lang baliwa nu karasras ay fakabulun! Nu katanya, ngay taw kase ay gfalingun angku.

Eremyas 20:8 ပူးပေါင်းရင်းမြစ်များ

2 Fun 2:23

Elisyu nalao siginans Eriku tagsas Betel, ay kaduge glao sa sangaba dalan, e sik ngay baguama siginan sik furuan gfalingun anya. Nalong te, “O fag malanu, lag sanya! O fag malanu, lag sanya!”

2 Krunika 36:16

Dewa katanya, kafag ngay taw nafalingun way Dius at ngay taglong, ay naase ay nafaeyud e masuad at ngay foyungan. Nu katanya, Yawi andotama anya fagayu, ay we mafaragang ya at dotama,

Isayas 57:4

Gfadangungu am laman gfalingun at matuyan fag ngay taw. Am wan fag kasugfunanan takamabo ay takamalingun.

Eremyas 15:10

Afanyuan au! Ku mina nangus wa nafasalug ya angku! Ngay taw Uda gfawayan gugat angku. Kwa oma e bedan ay kwa yangay e fagfabedanan sas nusnga sinu, dewa katanya, kanya fagayu kadotama angku.

Eremyas 15:15

Eremyas nalong te, “Yawi, saful wayo fagayu, amatangi tua ay gubuki angku. Fasudi sas fagayu at nafauri angku. Saful au te, di o masakit gfangauri. Nu katanya, lag o gfabayan ku ngay fawayan nu gfabul angku. Amatangi ku ngay naidapan laman sa emu.

Eremyas 17:27

Dewa katanya, nu dway ban am gfaning angku, ay nu dway ban am gfae masuad Famiangalay fag Menit, ay nu namuba way ban am ay ngay famaloun sas Erusalem at ngay sakbawan ginanya fag menit, nangirug kwan Erusalem at ngay sakbawan anggan ngay furuan at ngay fagtungkudan, ay wa ban e mafarabung ya!”

Eremyas 20:7

Yawi, nafaylatan o ay nagbilug angku. Ngay taw kase gfalingun angku.

Eremyas 28:8

Ngay taglong at naguna anta nalong te, kadasug ban awayan, fanlunus, ay fakasaitun sa sangay talun ay sa sangay takadungug fag fagfagtainanan.

Eremyas 5:1

Yawi nalong te, “Ngay taw Erusalem, loi sa ay ngay dalan ay damai ay ngay fagaweanan! Ay nu e nalag tua ro am at masine ay at matuyan, gfalyam kban ay furuan at asalanan.

Eremyas 5:6

Nu katanya, at ngay fawayan namaurianan anya fagayu kata sik idu talun, ay kata sik mela tagfanya at fagnangonun tagduksun siginans furuan. Umfasludan takatanya sa anya fagayu aroro ngayu ginan gtalyuyan Yawi.

Eremyas 6:10

Ay nainto au sas Yawi te, “Sinu ro ku fagnamararangan? Ay sinu yaro takaylat gdungugan angku? Ay kanya fag ngay taw nataup wan at ngay talinga laman wa gdungug angku. Ay kanya fagayu maksvn nu kauri am longan, ay wa kaylat gdungugan.

Eremyas 7:9

Gfangkamul am, kamabul, kamatugtug, kamuagan nu gfatuyan, girug am famaebebanglu laman sas Baal, ay gseg am tibak fagsegan ay fagyudun toglag.

Abakuk 1:3

Wain yay am fagfalagun sa angku ngay fagmauriun? Dewa nday gfadfabulan, ay e fagmauriun, ay kadkaurian ay gbadbaboan.

Lukas 11:45

Sik tagfoyung Muisis at Faugali nalong sas Isus te, “Takamoyung, nu nalong o katanya, gagras wo anggan emi.”

Ebreu 11:26

Muisis namatangan te, gtungud yay ban nu e tungkul at nagwantan at maidap aroro sa tam Fun Isus, abat ngate, nangagbilug talun Igiptu at fagmaramramanun, aroro nu gdama sa tua baliwa at fagnamulun ban fag famonun.

Ebreu 13:13

Nu katanya, nangakbang watam sas Isus sas day furuan ay nanginkaplan tam kata anya.

1 Pedru 4:14

Ay nu e gfalingun ayu aroro sa tam Fun Isus, mauseganan am, aroro si tua ayu at Masine fag Falad tagsiginans Dius.