Eremyas 20:7 - Fanawbuid tagsibaliwas Fakayabian

⁷ Yawi, nafaylatan o ay nagbilug angku. Ngay taw kase gfalingun angku.

Eremyas 20:7 ပူးပေါင်းရင်းမြစ်များ

2 Fun 2:23

Elisyu nalao siginans Eriku tagsas Betel, ay kaduge glao sa sangaba dalan, e sik ngay baguama siginan sik furuan gfalingun anya. Nalong te, “O fag malanu, lag sanya! O fag malanu, lag sanya!”

Ub 12:4

Dewa katanya, ku ngay fagadgalangan gfalingun kase angku, dewa au matuyan ay deyud au malong, ay Dius dewa nabalus ku ngay darangin.

Ub 30:9

Ay katsi kafag ngay baguama nu gfalingun angku galubadan tua, ay katsi au kafag ngay taw kway lang at fagfalingunun.

Alubad. 119:51

Takamatungudun fag ngay taw gfalingun gugat angku, dewa katanya, kdi gsaruy siginan am faugali.

Isayas 8:11

Yawi nafoli sa angku at daluap ay nafararang sa angku te, “Lag gfaning am iba at fakamulun.

Eremyas 15:10

Afanyuan au! Ku mina nangus wa nafasalug ya angku! Ngay taw Uda gfawayan gugat angku. Kwa oma e bedan ay kwa yangay e fagfabedanan sas nusnga sinu, dewa katanya, kanya fagayu kadotama angku.

Eremyas 15:18

Wain ku fagidapanun yay gugat? Wain ku ngay bangbang way kafia ya? O ay namae fakabaluun way lang o angku kata sik liskung at kinlanggang gina mangune?”

Eremyas 17:16

Yawi, nafakamulun au am nafatigwanan sa angku fag fakamulun laman sik tagalaga am ngay taw. Kwa kaylat nu gfauri o anya fagayu. Saful way o ku ngay nalong.

Eremyas 20:9

Tiba ginan, gamatangan au te, deyud ya ku nafoyung sabaliwa emu ay ku nafamoyung am ngay suguan sa angku. Dewa katanya, kwa nafaragang, aroro am ngay longan kata sik afuy tagigang si ku amatanganan ay si ku ngay bini.

Eremyas 29:26

‘Yawi nafili emu fangungbus Euyada fag tagfakamulun sis Yawi at bale. Am fakamulun, taggamat ay tagsiuk salambitan sit liug nusnga sinu fag taw at yud mamatanganan taglong te, kanya sik taglong.

Eremyas 38:19

Ay fun Sedekya glong sas Eremyas te, “Kalimu au ngay taw Udyu at nafadiuganan sa sangay taw Babilunya, aroro ngay taw Babilunya mafon angku sa anya fagayu ay kanya fagayu mafauri angku.”

Takabalu 3:14

Ku ngay kaiban kase angku. Ay buktung menit kanya fagayu galubad gfalingun angku.

Esekyel 3:14

At Falad nabuba angku sa tangayayu. Nu katanya, maksvn nu kauri au ay kadotama, dewa katanya, Yawi nafaragang tua takatanya ku amatanganan.

Usea 9:7

Ngay taw Israel, andasug wan nu gafaurianan am fag menit, ay kafag menit namasure ban ay nafakamulun. Sumaful wam te, andasug wa ngaro kafag menit, ay glong am te, ‘Kanya fag taglong kata nu yud mamatanganan.’ Makatu wayam glong takatanya, aroro ngayu wan ay ngay asalanan ay kadotama am angku.

Unas 4:2

Nu katanya, Unas nalong sas Yawi te, “Yawi, matuyan ebi ku nalong gina au si em furuan te, nangafanyu o kafag ngay taw tagsis Ninibe nu gubun tua at ngay asalanan, aroro nasaful kwa te, sik Dius tuo at mafangafanyu ay at mafangamatang. Ay mafangesug tuo ay di o gfangadotama. Ay mafalganan tuo gfabali am amatanganan laman di o namaurianan. Kanya wan ku fagnalagyuun sas Tarsis.

Mikas 3:8

Dewa katanya, Yawi at Falad si tua gugat angku, kanya gfon angku fagmabalyananun laman mafafasludan au at matuyan, ay gfabitsug tua ku amatanganan laman mafafoyung au te, ngay taw Israel ay taw Uda gasalanan.

Lukas 16:14

Ay ngay taw Fariseu nu nadungug Isus at nalong, kanya fagayu nafalingun anya aroro kanya fagayu kesug salapi.

Lukas 23:11

Ay Erudes ay at ngay tagfawayan kase, gfalingun Isus. Ay kanya fagayu nafae lanbung Isus sik masine fag lanbung. Ay sanya ginan Erudes nalong te, “Fafolii Isus sas Pilatu.”

Fakamulun 17:18

Ay sanya e duak gaban taw takamoyung, laman gfabadbaboan Pablu. At fasadik gaban, Epikureu, at faduak gaban, Estuiku. Ay sanya tiba glong te, “Nataw manga kanya at ngay nalong yud e tungkul?” Ay tiba glong te, “Kanya kamoyung sa baliwa tibak fagsegan.” Ngay taw at fagnalongun katanya, aroro Pablu gfoyung sabaliwas Isus ay anggan nu gdog naleleg.

Fakamulun 17:32

Ay kanya nu nadungug Pablu at longan sabaliwa nu gdog gfaleleg at ngay kinbul, tibak taw gfalingun anya, ay tibak taw glong te, “Kaylat yaymi gdog gdungugan emu sabaliwa takatatuy fag foyungan.”

1 Kurintu 9:6

O nunda ami way lang Bernabe at masine gfakamulun laman e fakonun tuami?

Ebreu 11:36

Tibak taw nafalingunan, ay tibak taw nafalangan, ay tibak taw ankubung masiukan salambitan.