Eremyas 20:5 - Fanawbuid tagsibaliwas Fakayabian

⁵ Namon kban sat ngay fawayan Erusalem at ngay ramraman: at ngay fagagbilugun at mabyat nu kabayad, ay fagayu at nainlufuyan, ay anggan Uda at fun at ramraman. Ay kanya ban fagayu namuba kafag ngay ramraman sas talun Babilunya.

Eremyas 20:5 ပူးပေါင်းရင်းမြစ်များ

2 Krunika 36:10

Ay gina gfasigad ginanya fag banwa, fun Nabukudunusur nataban Yuyakin sas talun Babilunya. Ay kanya nasugu sat ngay fagsuguan laman namul ngay fagagbilugun sis Yawi at bale, ay kanya nafili Sedekya Yuyakin at sai laman sik fun sas talun Uda ay furuan Erusalem.

Isayas 39:6

Umdasug ban sik buknga e namuba wan sas Babilunya fagayu am ramraman sim bale, gasfuan am ngay mangaguyang at nafaful fag ngay ramraman dasug katsi. Yawi glong te, wa ban e sawad.

Eremyas 12:12

At nanrasras kadasug siginans talun at yud e taw fag ngay tagbudbuksulanun. Ay gagbilug kban anya fagayu kata sik fiso tagsumbalian at uyup laman namauri galay sik taw, ay wa ban e malagyu ya.

Eremyas 15:13

Namagbilug kban say ngay fawayan ay ngay ramraman ay ay ngay fagagbilugun, aroro sa ay asalanan siginan ay nafakamulun at mauri sas fagdaul ay talun.

Eremyas 17:3

Nu katanya, nasugu au ay ngay fawayan laman namul ay ngay ramraman ay fagayu ay fagagbilugun, ay anggan ay fagnansegan fag ngay bale tagsis tungud buksul, aroro sa ay nafakamulun fag ngay asalanan sas fagdaul ay talun.

Eremyas 3:24

Siginan nu sisian ami nasaful wami te, fagayu em mangaguyang at nainlufuyan sa way lang em fagsegan at mapla, anggan em ngay fagbaugun ay em ngay sisian.

Eremyas 32:24

Ay katsi, ngay taw Babilunya gfabungsud lutuk si sangaba tigyangan dingding alad furuan Erusalem laman ro kanya fagayu masakbo ay magbilug kanya fag furuan. Aroro siginan sangay awayan, fanlunus, ay fakasaitun, ngayu at kinbul ay ngay taw Babilunya naago kafag furuan kata am longan.

Eremyas 39:2

Ay gina sis fasiamk menit sis faufatk magdanun ay sis falabi sadik banwa fun Sedekya nu gfunan, ngay taw Babilunya naiklas wan furuan at ngay alad.

Eremyas 39:8

Ay talun Babilunya at ngay tagfawayan nairug wan tagsis Erusalem fag ngay bale ay anggan fun at bale daul, ay narufa yangay ngay alad.

Eremyas 4:20

Gdoddogan faurianan nu kadasug, ay fagdaul talun anrasras wan. Anggan ku ngay bale ramit anrasras yangay.

Takabalu 1:10

At ngay fawayan nabul wan fagayu at ramraman. Kanya nalag tibak talun at taw nu gsakbo sas Yawi at bale, Yawi deyud kaylat kanya fagayu nu gsakbo.

Takabalu 1:7

Ngay taw sis Erusalem gina gidapan ay yud e fagbanwanan, gamatang at ngay ramraman ebi. Ay gina kanya fagayu gidapan we nagubuk ya, ay at ngay fawayan gfalingun kase.

Takabalu 4:12

Ngay fun sas fagdaul daga anggan at ngay fagfunanun wa gafanud te, ngay fawayan masakbo sas Erusalem at ngay sakbawan.

Esekyel 22:25

Ay at ngay tagfangguna at ngay algan mauri, kata ngay liun nu gngarngar ay nu gyukfu at fagnangagatun. Kanya fagayu kamabul, ay gfangkamul ngay ramraman ay nusnga setaw at mafanud, ay sit furuan ngayu at kinfagbubayun aroro e kamabul.

Daniel 1:2

Kanya nababo ay nataban fun Yuyakim kata Fun Dius at fakaylatun. Ay kanya nabul tibak fagagbilugun sis Dius at bale ay nabuba sas Babilunya, ay nafasat fagfasuksukan ngay ramraman sit fagsegan at bale.

Usea 13:15

Dewa am kata sik sigbo tagtugbung, gfadasug kban at masugba fag tagmara siginans fakamenitan, ay siginans talun at yud e taw, laman ay ngay bulbug ay anggan ay ngay bubun umlanggang. Ngay tagfangkamul ban gbul ay ngay ramraman.