Eremyas 20:4 - Fanawbuid tagsibaliwas Fakayabian

⁴ Katatuy Yawi at longan: Umlimu ban o takadasug sa emu ay sa am ngay fagadgalangan. Lumag ban o ngay fawayan nu gfabul kanya fag ngay taw sis fagawayanan. Namagbilug kban talun Uda sas Babilunya at fun. Ay kanya ban fag fun gfabul tibak taw Uda, ay tiba bank taw gatabanan.

Eremyas 20:4 ပူးပေါင်းရင်းမြစ်များ

2 Fun 25:7

Ay sis Sedekya at daga salubangan, kanya fagayu nafabul at ngay baguama. Sanya ginan Babilunya at fun nasugu yangay te, “Guladi Sedekya at ngay mata, ay siuki anya salambitan.” Ay sanya ginan nataban anya sas talun Babilunya.

Alubad. 73:19

Kanya ban fagayu umfaurianan masakit: ay umke fakalimuun ay umbul.

Eremyas 13:10

Kanya fag ngay taw at mauri, wa kaylat gfaning ku longan. Kanya fagayu nafaning way at sadili amatanganan ay naseg ngay fagsegan. Nu katanya, kanya ban fagayu umkata kafag famutus fagwan at yud e tungkul ya.

Eremyas 13:19

Naningding wan sis Negeb fag ngay furuan at ngay sakbawan. Ay we masakbo ya ay we maduksun ya sanya ginan. Ay e nantaban wan fagayu tagbanwan sis Uda.

Eremyas 19:15

“Yawi at Mabalyanan, Israel at Dius, glong te, ‘Namadasug kban sanya fag furuan ay sa sangay furuan ayu sirut sit ligung ku nalong fag faurianan aroro kanya fag ngay taw kamatungudunun ay wa gdungugan ku ngay longan.’ ”

Eremyas 20:6

Pasur, e nantaban ban emu gasfuan am ngay kalongan sas talun Babilunya. Ay sanya yangay ban nu kabul o ay nu gfoli am bilug, gasfuan am ngay fagadgalangan am fakamuagan.”

Eremyas 25:9

namadasug au sa ayu sik ngay tagfawayan siginans fawalan fag alvngvdan ay ku fagsuguan Nabukudunusur, Babilunya at fun, tagfangguna. Kanya namawayan sa ay talun, ay sa sangay tagbanwan sanya, ay anggan sa sangay furuan tagsi ay ligung. Namamin kwan ayu, ay tiba bank taw umdulo at kindasug sa ayu, ay gfalingun ban gugat ayu aroro ay talun ban marasrasan way gugat.

Eremyas 29:21

Katatuy Yawi at Mabalyanan, Israel at Dius, at longan sabaliwas Akab, Kulaya at baguama ay Sedekya, Maaseya at baguama: “Kanya fag duama nalong ku ngayan laman kamuagan garingang sa ayu. Nu katanya, namon au duama sas fun Nabukudunusur ay kanya namabul kafag duama si ay daga salubangan.

Eremyas 46:5

Dewa katanya, nataw ku lagan? Gsugudan am gtadtaruyan kalimu. Nababawan am ay glagyu masakit yud gfanligbatan ya aroro at kaksvnan nu kalimu am.

Eremyas 52:24

Ay Nebusaradan nataban yangay Seraya fag fun tagfon fanggalangun, ay Sefanyas at faduak fun tagfon fanggalangun ay anggan fagtulu tagalaga sis Yawi at sakbawan bale.

Eremyas 52:27

sis Amat fag talun. Ay sanya wan nu gfabul anya fagayu. Ay ngay taw Uda natabanan sa tangayayu fag talun.

Eremyas 6:25

Wami gduksun ya laman gkoko sa em ngay gamasun, ay glao sas dalan aroro dewa nday e ngay tagfawayan at mafalganan gfabul. Kanya fagayu malimu.

1 Samwel 2:33

Ay kya ban gaiyan am kalongan tiba nu gfakamulun tua sa angku laman sik tagfon fanggalangun, dewa katanya, kanya ban fag ngay taw nandalan faurianan, ay wa yangay ban ngaduge nu gleleg.