Eremyas 20:18 - Fanawbuid tagsibaliwas Fakayabian

¹⁸ Wain ro ku faginsalugun yay? O laman nandalan au at maksvn fag fagidapun, o ay nangabul au sas fakaplaun?

Eremyas 20:18 ပူးပေါင်းရင်းမြစ်များ

1 Fun 19:4

Ay kanya nu glao sas talun at yud e taw sadik menit. Kanya natungkud ay namalunggung si sik daga fun kayu, ay nadarangin laman kabul wan. Kanya nalong te, “Yawi, maksvn wan nu gidapan au! Buli wa ku leleg. Kwa ngap e fagsamanun ku ngay mangaguyang.”

Ub 14:1

Taw at leleg wa ngaba ay ngayu at fagidapun.

Ub 14:13

Dius, suksuki angku sa sangay kinbul at talun, yakmay o nafalyam am dotama sa angku, ay falganani yap sik buknga sabaliwa nu nangamatang o angku.

Ub 3:20

Wain Dius at fagfonun yay gugat fagmayamagun ay leleg sa sangay taw at ke fagagwantanun ay tagidapan?

Ub 5:7

Taw gidapan wan siginan ngay nu kasalug, kata sik singsing afuy at nalayug sat tungud.

Alubad. 102:3

Aroro ku leleg gakalyamun wan kata sik anus, ay ku bilug masugba kata nu kairug.

Alubad. 69:19

Nasaful o ku ngay fawayan nu setain nu gfapla ay nu gfalingun angku.

Isayas 1:6

Ay siginan ay alfuyu sitsigon ay basad darafa e fakasaitun wan; fagdaul ay bilug nalayungan wan, ay e fagafalanganan, ay e ngay fakarukan. Kafag ngay fakasaitun kabaga, ay wa kafutus ya ay we famafia.

Isayas 51:7

Dungugani angku, am tagsaful at matuyan ay tagfaning ku faugali! Lag am kalimu ngay taw tagfapla ay tagfalingun ayu.

Eremyas 15:10

Afanyuan au! Ku mina nangus wa nafasalug ya angku! Ngay taw Uda gfawayan gugat angku. Kwa oma e bedan ay kwa yangay e fagfabedanan sas nusnga sinu, dewa katanya, kanya fagayu kadotama angku.

Eremyas 15:18

Wain ku fagidapanun yay gugat? Wain ku ngay bangbang way kafia ya? O ay namae fakabaluun way lang o angku kata sik liskung at kinlanggang gina mangune?”

Eremyas 3:25

Yawi em Dius, nanuksuan ami emu, aroro maksvn nu kapla ami emu, aroro ami ay anggan em ngay mangaguyang nafamabo ami emu.”

Eremyas 8:18

Sanya ginan, Eremyas nalong te, Wa kafalyam ya ku fakabaluun. Maksvn nu gidapan au gamatangan.

Takabalu 1:12

Ay kanya glong sa sangay tagdalan anya te, “O batang wam e fagidapun takaksvn ku fagidapun katsi? Yawi nafadasug sa angku takatatuy fag fagidapun, aroro kadotama angku.

Takabalu 3:1

Gina Yawi kadotama, anfaurianan kyangay.

Abakuk 1:3

Wain yay am fagfalagun sa angku ngay fagmauriun? Dewa nday gfadfabulan, ay e fagmauriun, ay kadkaurian ay gbadbaboan.

Uan 16:20

Matuyan nu glong au sa ayu te, gwayway ban am, ay kabalu ban am, ay ste ban swa daga fag ngay taw guseganan. Ay maksvn ban nu kabalu am. Dewa katanya, ay fakabaluun ban umsik fagusegananun.

Fakamulun 5:41

Ay kafag ngay nasugu nalo wan siginans taw Udyu at ngay tagfangguna, ay maksvn nu guseganan aroro Dius nafon fangagwanta aroro sas Isus at ngayan.

2 Timuteu 1:12

Ay kanya wan ku fagmaubunganun. Ay dewa katanya kdi kapla, aroro toglag ktua ku fagafanudan, ay antuyan au te, kanya makatu galaga at nafatigwanan sa angku fag Masine fag Barita yakmay ban andasug fakatabuan fag menit.

Ebreu 10:36

Agwantani tua, laman mafafaning tuam Dius at fakaylatun, ay laman ban magbilug tuam at fatuyanan.

Ebreu 11:36

Tibak taw nafalingunan, ay tibak taw nafalangan, ay tibak taw ankubung masiukan salambitan.

Ebreu 12:2

Kabavn tam mata fasai tuas Isus. Aroro kanya wan at nafasigad tam fagafanudun ay kanya yangay tagfaksvn. Aroro tagfanya anya fagusegananun tua, kanya nagwantan nangabul sas fasulungan kayu, ay wa namatangan fakaplaun. Ay sanya ginan kanya malunggung sis Dius at fagmalunggungan at siun.

Ebreu 13:13

Nu katanya, nangakbang watam sas Isus sas day furuan ay nanginkaplan tam kata anya.