Eremyas 20:16 - Fanawbuid tagsibaliwas Fakayabian

¹⁶ Kanya nangus fag taw umfaurianan kata Yawi at fagyudun anfanyu giklas fag ngay furuan. Buktung menit nangus kanya fag taw at dungganan taguro way lang gfandeng sis fagawayanan.

Eremyas 20:16 ပူးပေါင်းရင်းမြစ်များ

Eremyas 18:22

Fabayani wan kanya fagayu nu guro kalimu, gina at ngay fawayan nanrasras at ngay bale. Ay kanya fagayu nalusung laman ku fakatongan, ay nawat yangay sangdaw laman kasangdaw au.

Eremyas 18:8

ay kanya ro nu nafaragang tua nu gfakamulun at mauri, kdi ro gfafasludan ku algan sa anya fagayu.

Eremyas 23:14

Ay nalag kyangay te, sis Erusalem fag ngay taglong at nafakamulun nu mauri aksvn yap tua Samarya at ngay taglong at nafakamulun, aroro kanya fagayu wa matuyan sa angku ay kamuag. Kanya fagayu nafaksvn ngay taw mauri at ngay amatanganan laman gfataglayun gfakamulun at mauri, nu katanya, kanya fag ngay taw wa naubun at ngay fakamulun at mauri. Ngay taw Erusalem nu mauri gsud yay Suduma ay Gumura.”

Eremyas 26:13

Nu katanya, fabalii wan ay ngay ugali ay anggan nu mabanwan am, ay faningi tua ay Dius Yawi. Aroro nu nafakamulun tua ban am takatanya, Yawi ban wa gfataglayun nu gfaurianan ayu.

Eremyas 4:19

“Kwa magwanta ya gamatangan ku ngay fagidapun at kaksvnan nu maidap. Ku dubdub gsubsubuan ay kwa kagwanta ya. Aroro nadungug au sik budyung at awang ay sik uro siginans fagawayanan.

Takabalu 4:6

Ku ngay kaiban nu gafaurianan, aksvn yap ngay taw Suduma at nadalan fag faurianan. Dius nafauri wa vtv kanya fag furuan ay we nagubuk ya.

Esekyel 21:22

Ay at naguyud ban fag banyas at ke rirukan furuan Erusalem. Nu katanya, kanya ban guro ay gsugu te, ‘Sakboi sas Erusalem ay fabuli at ngay taw.’ Ay kanya gfoli sik kayu daul laman fangiklas Erusalem at sakbawan. Kafag ngay taw gfabungsud daga sa sangaba tigyangan alad furuan, laman makato sas alad.

Usea 10:14

kadasug ban sik awayan sa ay ngay taw, ay karasras ay ngay furuan ayu daul at maaladan. Am ngay fawayan gfakamulun kata Salman at nafakamulun sis furuan Bet-Arbel, gina kanya nafatong ay nafabul at ngay talnayan.

Usea 11:8

Ngay taw Israel, kwa ban gaiyan ay gfabayan ayu. Kwa ban gfamin ayu kata ku nafakamulun sa sangay furuan Adma ay Sebuyim. Kauri au sa ku amatanganan nung au gfakamulun takatanya sa ayu. Maksvn nu kafanyu au ayu.

Usea 13:14

Kwa ban gfalangfe ayu siginans fakabulun, abat ngate, glong kban sas fakabulun te, ‘Fakabulun, dada wan am famauri? Dada wan am famabul?’ Kwa kafanyu ya ayu.

Amus 1:14

Nu katanya, nangirug kban furuan Raba at ngay alad gasfuan at mogat fag ngay afud, kaduge at ngay fawayan gudguroan kata sik fulug nu kalung.

Amus 2:2

Nu katanya, nangirug kban Muab gasfuan Keryut at mogat fag ngay afud. Ay ngay taw ban Muab umbul kaduge at ngay fawayan gudguroan ay guyup at ngay budyung.

Amus 4:11

Nafabul kwan ayu tiba kata ku nafakamulun sas Suduma ay sas Gumura. Ay am at kinlangfe, kata am sik ngay famaygang at nabul siginan sad afuy. Dewa katanya, yam kafoli sa angku. Au, Yawi, taglong tuy.

Unas 3:4

Ay Unas nasakbo sas furuan Ninibe. Ay at nalao nu sik menit wan, kanya nauro sa sangay taw tagbanwan sanya te, “Ufat way langk safuluk menit ay furuan gafaurianan wan.”

Unas 4:2

Nu katanya, Unas nalong sas Yawi te, “Yawi, matuyan ebi ku nalong gina au si em furuan te, nangafanyu o kafag ngay taw tagsis Ninibe nu gubun tua at ngay asalanan, aroro nasaful kwa te, sik Dius tuo at mafangafanyu ay at mafangamatang. Ay mafangesug tuo ay di o gfangadotama. Ay mafalganan tuo gfabali am amatanganan laman di o namaurianan. Kanya wan ku fagnalagyuun sas Tarsis.

Sefanias 1:16

ay umdungug yangay ban nu e gbudyung gasfuan ngay tagfawayan nu gudguroan gfawayan sa sangay furuan at ke ngay alad ay dewa sat mogat fag ngay afud alad fag ngay fagulitan.

Lukas 17:29

Ay Lut nu nalao siginans Suduma, arak afuy ay asupri andasug siginans banwa kata nu karak, ay nafabul tagbanwan sanya fag ngay taw.

Deuterunumyu 29:22

Sa ban at fadogan ay kasugfunanan ay at ngay betaw tagsiginan tibak talun lumag ban takadasug fag ngay fagidapun, ay fag ngay fakasaitun, ay Dius Yawi at fagnamadasugun sa ayu.

Deuterunumyu 29:23

Ay fagdaul ban ay fagbanwanan umkata sik talun at yud e taw, asupre ay barara at natabun. Wa ban e gtanum ya sanya fag talun aroro we gtugbung ngay fananumun. Ay umrasras ban kata furuan Suduma ay Gumura, ay Adma ay Sebuyim, Yawi at nafaurianan aroro maksvn nu kadotama.

2 Pedru 2:6

Dius nafaurianan yangay Suduma ay Gumura fag duak furuan, ay nafamin tagsanya fagayu siginans afuy. Ay at kinfasludan sa kafag duak furuan sik famararang sat yud gfaning Dius.

Udas 1:7

Amatangani at kinfasludan sas furuan Suduma ay Gumura, ay sat fakbangan fag ngay furuan. Aroro kanya fag ngay furuan at ngay taw gugatan sat fagfanugtugun ay sas fagmauriun. Nu katanya, Dius nafaurianan kanya fagayu sat yud karabung fag afuy. Takatanya sik famararang sas fagayu taw.