Eremyas 20:11 - Fanawbuid tagsibaliwas Fakayabian

¹¹ Yawi, kafag ngay taw at algan sa angku dewa kata kanya, gufud tuo angku. Kata o sik tagfawayan at maseganama ay at mabalyanan. Nu katanya, kanya ban fagayu wa gbabo angku ay umfaurianan ban ay umke fakaplaun takamatang gugat.

Eremyas 20:11 ပူးပေါင်းရင်းမြစ်များ

Alubad. 129:2

Siginan nu kasik talun ami, kanya fagayu ngayu ginan wan nu gfaidapan emi, dewa katanya, wa nababo emi.

Alubad. 35:26

Nangus ngay taw takamatungudun ay taguseganan gina au e fagidapun umkapla nangus fia. Ay umkapla yangay nangus ngay taw tagamatangan te, kwe tungkul.

Alubad. 40:14

Ngay taw nangus tagyafabulun ay takauri angku at ngay algan takatanya umragang ay umkalyam wan.

Alubad. 47:2

Yawi wan Tiba Tungud fag Dius, ay kanya sik fagsuyuun, ay sia wan fagdaul daga at Fun at mabalyanan.

Alubad. 6:10

Ku ngay fawayan masakit nu glagyu aroro maksvn nu nkapla ay nu kalimu.

Alubad. 65:5

Dius em tagfalangfe, nabalus tuo em darangin, ay nafalangfe tuo ay nafalag sa emi am ngay nafakamulun at madulo. Ay fagayu taw tagsas dife dagat anggan ngay taw sas fagdaul daga gseg tua emu.

Alubad. 66:5

Wainyayam, damai Dius at ngay nafakamulun at madulo laman sa sangay taw.

Isayas 41:10

Lag o kalimu aroro au wan am Dius. Namabitsug au ay nanggubuk emu. Ku fagmabalyananun tagfaksvn emu ay tagfalangfe.

Isayas 41:14

Dewa o mamomuy ay alay, lag kalimu aroro au wan taggubuk emu. Au Yawi taglong takatanya. Au wan am tagfalangfe, Israel at Dius at yud e malong.

Isayas 45:16

Ngay takawat fagsegan umke fakaplaun.

Eremyas 1:18

Katsi namaksvn au emu kaksvn sik furuan daul at ke alad, ay kamogat sik turuk ay sik dingding mawatan sanbung. Wa ban e mababo emu dewa ngay fun, ngay tagfangguna, ngay tagfon fanggalangun, ay fagayu tagbanwan sis Uda.

Eremyas 1:19

Kanya ban fagayu namawayan emu, dewa katanya, gababawan way ban, aroro gufud kban ay ggubuk emu. Au, Yawi, taglong tuy.”

Eremyas 1:8

Lag o kalimu ngay taw aroro gufud kban ay gdiri emu. Au, Yawi, taglong tuy.”

Eremyas 15:15

Eremyas nalong te, “Yawi, saful wayo fagayu, amatangi tua ay gubuki angku. Fasudi sas fagayu at nafauri angku. Saful au te, di o masakit gfangauri. Nu katanya, lag o gfabayan ku ngay fawayan nu gfabul angku. Amatangi ku ngay naidapan laman sa emu.

Eremyas 15:20

Namakata kban emu sik mogat fag alad at fangawat tansu laman sa sangay taw. Kanya ban fagayu namawayan emu, dewa katanya, wa ban gbabo aroro gufud ktua ban gugat emu. Gdiri kban ay gfalangfe emu. Au, Yawi, taglong tuy.

Eremyas 17:18

Falimui ay faplai fagayu tagfauri angku. Ay fadasugi sa anya fagayu fagmauriun laman umkamin wan. Dewa katanya, lag gfakamulun sa angku takatanya.

Eremyas 22:22

Nu katanya, namarapyagan au ay ngay tagfangguna kata tagmara at nafalayug fag ngay upa, ay ay ngay fagudgubukan fag ngay talun gatabanan. Umke fakaplaun am aroro sa ay fagmauriun.

Eremyas 23:40

Ay namae fakaplaun kban ayu yud e fakatabuan ay at yud ban kalyam ya kabavn.”

Eremyas 32:18

Nafalag o am fakafanyun sas ngayuk libuk taw, dewa katanya, gfaurianan o at ngay sisian aroro sat ngay fagtainan at ngay asalanan. Dius mabalyanan o, am ngayan Yawi at Mabalyanan.

Daniel 12:2

Ay ngayuk taw at kinbul ay at mafolian sis daga gdog yay ban gleleg. Tiba ban e leleg tua at yud e fakatabuan, ay tiba ban gaiyanan way sas fakaplaun at yud e fakatabuan.

Ruma 8:31

Nataw ya tam longan sa takatanya fagayu? Dius nu siwa antam, sinu at mafabadbaboan antam?

2 Timuteu 4:17

Dewa katanya, tam Fun naufud tua angku ay nafon angku fagmabitsugun laman mananfamoyung au at Masine fag Barita sas yud Udyu fag ngay taw. Tam Fun nafalangfe angku siginans fakabulun.