Eremyas 20:10 - Fanawbuid tagsibaliwas Fakayabian

¹⁰ Nadungug au kafag ngay taw nu ginasan gfalingun angku. Ay kanya fagayu glong kata ku longan te, “Malimu takadasug sa antam!” Ay glong yangay fia te, “Gewan, katsi wan at buknga nu namasud tam Eremyas.” Anggan ku ngay fagadgalangan gfanya nu kafaurianan au. Kanya fagayu glong te, “Bangaran ro manandaya tua tam anya. Nu nfasludan tua ban takatanya, nababo tam ay mafasud anya.”

Eremyas 20:10 ပူးပေါင်းရင်းမြစ်များ

1 Fun 19:2

Nu katanya, Esebel nafadasug sik longan sas Elyas te, “Ngay fagsegan ban nangus gfaurianan angku, kway ban nafabul emu balabag kata katsi fag buknga, kata am nafakamulun sas Baal at ngay taglong.”

1 Fun 21:20

Akab nu nalag Elyas, kanya gagras glong te, “O nablangan yay ta ngaro gayvd!” Ay Elyas nabalus te, “Sabv, nastie au aroro nasaful au te, nafakamulun o at mauri sas Yawi at daga salubangan.

1 Fun 22:27

Longi te, ‘Katatuy fun Akab at suguan: Ubungi tuy fag taw. Tinapay yakman lang ay mamam ay fagfonun, yakmay kban anfoli manabayan siginans fagawayanan.’ ”

1 Fun 22:8

Ay Israel at fun nabalus Eusafat te, “Sabv, e sik taw yay tam fagnangintoan Yawi at fakaylatun. Dewa katanya, kauri au anya, aroro we longan ya sa angku at masine nu bunway at mauri way lang. At ngayan Mikaya, Imla at baguama.” Ay Eusafat nalong te, “Lag glong takatanya.”

Ub 19:19

Fagayu ku ngay fagadgalangan at munakbang si angku nkuri wan angku, ay anggan ku talnayan nyayu yangay angku.

Alubad. 31:13

Nadungug au ngayuk taw taginasan sabaliwa angku. Nu katanya, kwa malao ya nusnga nday, aroro kanya fagayu gafabulun angku.

Alubad. 31:14

Yawi, dewa katanya, gafanud ktua gugat sa emu; glong au te, “O wan ku Dius.”

Alubad. 41:10

Yawi, afanyui ay fafiai angku laman ban manamasud au ku ngay fawayan.

Alubad. 41:9

Ay dewa ku fagadgalangan fia ay tagfasfuan angku gfangon ay ku fagananadun gugat, ankuri ay natalyuyan wa angku.

Alubad. 57:4

Ku ngay fawayan gligung angku. At ngay bagang kata sik bangko, ay at ngay leplep kata sik fiso at maglat. Kanya fagayu kata sik ngay liun tagagatun sik taw.

Fangatulun 10:18

Tagsuksuk at dotama kamuag way, ay takamauri at ngay iba, we fagsafulun.

Isayas 29:21

anggan taglong at yud matuyan sabaliwa tiba, anggan takamuagan laman gfaylatan tagwabilug, ay anggan ngay takamuagan tagfatuyan laman at yud e asalanan fag ngay taw wa umke fagmatuyanun.

Eremyas 1:19

Kanya ban fagayu namawayan emu, dewa katanya, gababawan way ban, aroro gufud kban ay ggubuk emu. Au, Yawi, taglong tuy.”

Eremyas 11:19

Kanya fagayu nu gamatangan angku kata kway sik fagfabulun fag tupa ay kwa saful te, mauri at algan. Kanya fagayu glong te, “Gfabul watam anya, kata nu gfuan sik fun kayu tangayu at rawvg, ay laman ban umkalyam wan ay we gamatang ya anya sas fagdaul daga.”

Eremyas 11:21

Ngay taw Anatut e algan gfabul angku, kway gfaragang nu kamoyung au Yawi at longan. Nu katanya, Yawi at Mabalyanan nalong te, “Namaurianan au kanya fag ngay taw: at ngay baguama umbul sas awayan, ay at ngay sisian umbul sas lunus.

Eremyas 18:18

Sanya ginan, ngay taw glong sat ngay kaiban te, “Gewan, gbalyawvtan watam laman namaragang tam Eremyas! E ngay tagfon fanggalangun yangay si antam, tagfoyung sa antam ngay suguan, ay e mamatanganan yangay fag ngay taw si antam, ay e ngay taglong yangay tam tagfoyung Yawi at longan. Nu katanya, kawat tam sik ngay mamalong laman sas Eremyas ay lag tam gdungugan ya at ngay longan.”

Eremyas 20:3

Ay balabag di, Pasur nafalfas wan Eremyas siginans fagubungan, ay Eremyas nalong sa anya te, “Pasur, Yawi natubus wan am ngayan. Katsi, am ngayan Magur-Misabib.

Eremyas 37:13

Ay Eremyas nu ndasug sa sangay taw Benamin at furuan at sakbawan, Irya, ngay tagulit sakbawan at fun, Selemya at baguama, Kananya at fufu, nagamat anya. Ay kanya nalong anya te, “Ggubuk o ngay taw Babilunya.”

Eremyas 6:25

Wami gduksun ya laman gkoko sa em ngay gamasun, ay glao sas dalan aroro dewa nday e ngay tagfawayan at mafalganan gfabul. Kanya fagayu malimu.

Esekyel 22:9

Ay e gbanwan yangay sanya takamuagan laman gfabul at iba. Ay e kon yangay ngay fanggalangun at nafon sa sangay fagsegan, tagsi sangay buksul fag fagnansegan. Ay e tiba yak tagfakamulun at mauri.

Daniel 6:4

Ay Daniel at ufud fagdua ay kafag ngay fun ayu sirut maksvn nu galabian anya. Nu katanya, kanya fagayu grvbvy Daniel at fakamulun at yud kasakan laman at fanlonganan sabaliwa anya. Dewa katanya, kanya fagayu we nalag Daniel at kakurangan aroro matuyan tua ay sik fagfatigwanan.

Lukas 20:20

Ngay tagfoyung Muisis at Faugali ay ngay tagfon fanggalangun naulit Isus at fakamulun, ay nasugu at ngay fagsuguan laman nandaya kata nu kaylat gdungugan. At fakaylatun fia namae asalanan Isus sit longan, ay namagamatan sat fun.

Fakamulun 24:13

Kanya fagayu we famatuyan sa emu sabaliwa angku te, mauri au.

Fakamulun 5:33

Ngay tagfangguna nu nadungug takatanya, maksvn nu kadotama, ay gyafabulun kafag ngay nasugu.

Fakamulun 7:54

Ay taw Udyu at ngay tagfangguna nu nadungug takatanya, maksvn nu kauri Esteban, sak gfaringgit at bagang.