Eremyas 2:8 - Fanawbuid tagsibaliwas Fakayabian

⁸ Ay anggan ngay tagfon fanggalangun wa grvbvy ya angku. Ay ngay tagfoyung ku suguan wa yangay gtoglag ya angku. Ngay tagfangguna gfauri angku. Ay ngay taglong at foyungan sa way baliwas Baal at ngayan ay gseg at yud matuyan fag ngay fagsegan.

Eremyas 2:8 ပူးပေါင်းရင်းမြစ်များ

1 Fun 18:22

Ay Elyas gdog yay nalong sa sangay taw te, “Au way lang at sawad Yawi at taglong, ay sas Baal at taglong ufat yak sandan limak safulu.

1 Fun 18:29

Ay dewa nlangfe wan swabilug menit, kanya fagayu gfataglayun yay guro dewa anlangfe wan nu gfon fanggalangun sfafun, ay dewa katanya we nabalus ya anya fagayu.

1 Fun 18:40

Ay Elyas masakit nu nasugu sa sangay taw te, “Gamati Baal at ngay taglong. Ay nusdi sadi lag gfabayan nu e kalangfe.” Ay nagamat Baal at ngay taglong fagayu, ay Elyas natabanan anya fagayu sas Liskung Kisun ay sanya wan nu gfabul.

Ub 35:10

Dewa katanya, kanya fagayu wa get sat nawat anya fag Dius, ay tagfon fagmanabayanun gina e fagidapun.

Isayas 28:7

Ay dewa katanya, ngay tagfon fanggalangun ay ngay taglong granranugan aroro galangu, ay at ngay amatanganan wa maugali ya. Ay ngay taglong gsalan wan nu gfae masuad at ngay taginfan, ay ngay tagfon fanggalangun wa masine at ngay algan.

Isayas 29:10

Aroro Yawi kata nu nafatiug ayu ngabasad. Ay ay ngay taglong kata ay ngay alfuyu ay ay ngay mata, ay dewa katanya, Yawi natabun way.

Isayas 30:5

ay ngay taw Uda umke fakaplaun ban aroro ngay taw Igiptu wa ggubuk ya, nu bunway gfadasug way fakaplaun ay fagyudun e fagsegun.”

Eremyas 10:21

Anfasludan sa antam takatatuy fagayu, aroro tam ngay tagfangguna kata way sik ngay taw at yud e fagsafulun, ay wa nanangakbang sas Yawi laman nanget gubuk. Nu katanya, kanya fagayu nababawan, ay at fagfunanun fag ngay taw nalagyu wan.

Eremyas 12:10

Ngayuk tagfangguna nanrasras Uda, ku nafangayan fia te, ku tanuman wat ubas. Ay kanya umkata sik talun at yud e taw.

Eremyas 16:19

Nalong au te, “Yawi, o wan ku fagmabitsugun ay ku tagfasun gina au kabalu. Fagayu talun at ngay taw tagsis fagdaul daga nangakbang sa emu ay nanlong te, ‘Em ngay mangaguyang at ngay fagsegan we masuad. Kanya fagayu we nafakamulun nusnge wain at masine.

Eremyas 18:18

Sanya ginan, ngay taw glong sat ngay kaiban te, “Gewan, gbalyawvtan watam laman namaragang tam Eremyas! E ngay tagfon fanggalangun yangay si antam, tagfoyung sa antam ngay suguan, ay e mamatanganan yangay fag ngay taw si antam, ay e ngay taglong yangay tam tagfoyung Yawi at longan. Nu katanya, kawat tam sik ngay mamalong laman sas Eremyas ay lag tam gdungugan ya at ngay longan.”

Eremyas 2:11

O nunda tibak talun at taw natubus at ngay fagsegan deyud matuyan? Au wan at mabalyanan fag Dius, dewa katanya, ku ngay taw naseg wan tibak fagsegan abat ngate gseg angku.

Eremyas 2:6

Kanya fagayu wa grvbvy ya angku dewa au at nafalangfe siginans talun Igiptu, ay at nafangguna sas talun at yud e taw, ay sa tagagangun, ay sat magong fag daga, ay sa sangay buksul, ay sat malimu, ay sat yud e gbanwan, ay sat yud e gdalan ya.

Eremyas 4:22

Yawi nalong te, “Ku ngay taw we fagsafulun; kanya fagayu wa toglag angku, kata way sik ngay baguama yud e fagsafulun ay at yud gtogdungug, ay annanad gfakamulun at mauri ay wa saful gfakamulun at masine.”

Eremyas 5:31

At ngay taglong kamuag nu gfoyung, ay at ngay tagfon fanggalangun gfangguna siginan at ngay sadili fagsafulun, ay ku ngay taw maksvn nu kaylat takatanya. Dewa katanya, tain ban at fakamulun nu ndasug at fakatabuan fag buknga?”

Eremyas 7:8

“ ‘Amatangani nu nataw ay nafakamulun! Nafanud am at yud e tungkul fag ngay longan.

Eremyas 9:14

Abat ngate, nafaning way at ngay amatanganan takamaogatun, ay naseg Baal kata at ngay mangaguyang at nafakamulun.”

Esekyel 22:26

Kafag ngay taw at ngay tagfon fanggalangun wa gfaning ku ngay suguan, ay nafauri fagayu ku nafatuyan te, we malong. Ay nu sa anya fagayu, we fagsamanun at yud e malong ay at ke malong ay wa yangay e fagsamanun at masine ay at mauri, ay wa gfaning ku ngay suguan gina Famiangalay fag Menit. Ay wa gsuyu ya angku.

Esekyel 34:2

“Taw at baguama, nangaringang o sabaliwas Israel at ngay tagulit. Nanlong o sanya fag ngay taw te, ‘Fun Dius Yawi glong te, Afanyuan am. Ay fagalagaun ay ngay sadili way. O nunda tagalaga tupa, bunwa tupa at fagalagaun?

Usea 4:6

Ay gfaurianan kyangay ban ku ngay taw, aroro we fagsafulun sabaliwa angku. Aroro am oma fag ngay tagfon fanggalangun wam naylat fagsafulun, nu katanya, gfaurianan kyangay ban ayu. Ay wam yangay nafaning ku ngay suguan, nu katanya, gfaurianan kyangay ban ay ngay sisian.

Abakuk 2:18

Nataw ngay fagsegan at fanambagun? Kanya fagayu taw way at nawat siginan sik ngay kayu ay wa maringang.

Mateu 16:26

O e tungkul ro sa sik taw at nagbilug nusnge wain ste swa daga ay at leleg ban sa ways faurianan? Sik taw we famangsi at leleg.

Lukas 11:52

Ida am, tagfoyung Muisis at Faugali, aroro gsuksuk wayam fagsafulun at fanluang. Ay am, wam nasakbo, ay gsalag wayam takaylat gsakbo.”

Uan 16:3

Kafag ngay taw ban namakamulun takatanya, aroro wa toglag tam Mama ay wa yangay toglag angku.

Uan 8:55

Ay wam natoglag anya. Ay au gtoglag ktua anya. Nu glong kway ro te, kwa gtoglag anya, sik takamuag kyangay kata ayu. Ay duan, gtoglag ktua anya ay gfaning ktua at longan.

2 Kurintu. 4:2

Ay nu katanya naubun wami at mapla ay at masuksukan fag ngay fakamulun. Ay wami gfandaya ay wami gtubus Dius at Longan. Nu bunway, fagayu em foyungan matuyan tua. Dius wan em tagfatuyan, ay masine tua em amatanganan sa sangay taw at daga salubangan.

Deuterunumyu 33:10

Kanya ban fagayu gfoyung sa sangay taw Israel am ngay suguan ay am ngay faugali, ay gfon ban sa emu famaebebanglu ay tiba yak fagirugun fag ngay fanggalangun, ay nangirug ban sas fagirugan fanggalangun laman sa emu.

1 Samwel 12:21

Lag am nanseg ngay fagsegan, kanya fagayu we tungkul. Ay we fanggubukun ay wa yangay mafalangfe ayu.

1 Samwel 2:12

Eli at baguama fagdua mauri ay wa gfaning Yawi.