Eremyas 2:5 - Fanawbuid tagsibaliwas Fakayabian

⁵ Katatuy at longan: “Nataw fag asalanan ay ngay mangaguyang at nalag si angku, at fagnatalyuyanun angku? Kanya fagayu naseg at yud e masuad fag ngay fagsegan, nu katanya, kanya fagayu ansik yud yangay e masuad.

Eremyas 2:5 ပူးပေါင်းရင်းမြစ်များ

2 Fun 17:15

Kanya fagayu wa naylat Yawi at foyungan, ay at nawat fag nasadian sat ngay mangaguyang. Ay kanya fagayu wa nadungugan at ngay famararang, abat ngate nafaning way at yud e masuad fag ngay fagsegan ay anggan kanya fagayu ansik yud yangay e masuad. Kanya fagayu nafaning tagsit ligung fag ngay gaban taw at nafakamulun, Yawi at nalong te, lag gfaning.

Alubad. 115:8

At nawat kafag ngay fagsegan ay fagayu tagseg, umkata kafag ngay fagsegan.

Isayas 29:13

Ay tam Fun glong te, “Kafag ngay taw nu gseg angku ay nu gfauseganan angku sit bibig way lang, ay dewa katanya, at amatanganan ngayayu way angku. Ay nu gseg angku gfaning way taw at suguan.

Isayas 44:9

We tungkul ngay taw takawat ngay fagsegan, ay wa yangay e tungkul at fakesugun fag ngay fagsegan. Nusnga sinu tagseg takatanya fag ngay fagsegan kata nu yud glag ay nu yud e fagsafulun, ay umke fakaplaun way.

Isayas 46:12

Dungugani angku, am fag ngay taw takamabo, ay at yud matuyan.

Eremyas 10:8

Ngay taw tagsiginan tibak talun kamaogatun at ngay amatanganan, ay we fagsafulun ay tagfoyung anya, at yud way e tungkul fag ngay fagsegan at mawatan siginans kayu.

Eremyas 12:2

Nafamanyun o sa anya fagayu kata sik fun kayu tangayu at rawvg. Ay kanya fagayu nu gfauseganan emu si way lang at longan ay wa siginan at amatanganan.

Eremyas 14:22

Nusdi sadik fagsegan sa sangay talun we mafadasug arak, ay we mafae ayuyus, ay anggan banwa wa mafae arak. Yawi em Dius, o way lang at mafafakamulun takatanya, ay sa way lang emu nu gafanud ami.

Eremyas 2:31

Katsi am fag kasugfunanan, dungugani ku longan. O nu glong am kata kway sik tagagangun fag daga, ay sik talun at madulum? Wain ay fagnalongun te, ‘Gfaning wami em fakaylatun ay wami kaylat ya nangakbang sas Yawi.’

Eremyas 2:4

Ngay taw Israel, Akub at kasugfunanan, dungugani Yawi at longan.

Eremyas 8:19

Dungugani! Ku ngay kaiban gwayway kadungug sas fagdaul talun, ay glong te, “O nunda Yawi naubun wan furuan Erusalem? O nunda Siun at fun wa sanya ya?” Yawi nabalus te, “Wain ay fagnafadotamaun angku, siginan nu gseg am tibak fagsegan?”

Esekyel 11:15

“Taw at baguama, at sawad sis furuan Erusalem fag ngay taw gkamatoan sabaliwa at ibama at natabanan, kanya fagayu glong te, ‘Kanya fagayu ngayayu wan siginans Yawi, nu katanya, Yawi at fagfonan tuy fag daga, sa wa antam.’

Esekyel 14:5

Namakamulun kban takatanya laman ban umfoli yay fagayu taw Israel at kinyayu angku, siginan nu gseg tibak fagsegan.’

Unas 2:8

Ngay taw tagseg at yud e tungkul fag ngay fagsegan, wa kesug emu.

Mateu 15:8

‘Tuy fag ngay taw, nu gseg angku si way lang at aringang, dewa katanya at amatanganan ngayayu way siginan angku.

Fakamulun 14:15

“Wain ay fagfakamulunun takatanya? Ami, taw yangay ami kata ayu. Gfoyung waymi sa ayu at Masine fag Barita laman gubun am ay ngay fagsegan at yud e tungkul ay tumoglag am tagleleg fag Dius at nawat banwa ay daga, dagat ay anggan fagayu tagsanya.

Ruma 1:21

Kafag ngay taw dewa saful Dius, wa gseg ay wa gfauseganan anya. Abat ngate at ngay amatanganan sa way lang at yud e tungkul, ay nalyam wan at amatanganan sabaliwa at matuyan, kata wan nu ndulum.

Deuterunumyu 32:21

Ay kanya fagayu gfasulupan angku sat yud matuyan fag fagsegan, ay nafadotama angku siginan nu gseg at yud e tungkul fag ngay fagsegan. Nu katanya, gfasulupan kyangay anya fagayu siginan nu gfon au ku ngay famonun sa tibak talun. Ay gfae fakauriun kyangay anya fagayu siginan nu gfon au ku ngay famonun sat yud e fagsafulun fag ngay talun at ngay taw.

1 Samwel 12:21

Lag am nanseg ngay fagsegan, kanya fagayu we tungkul. Ay we fanggubukun ay wa yangay mafalangfe ayu.