Eremyas 2:36 - Fanawbuid tagsibaliwas Fakayabian

³⁶ Masakit ay malayun nu gtubus am ay fagadgalangan fag ngay talun. Dewa katanya, ay fagadgalangan ngap ban fag talun Igiptu gfapla yangay ayu kata talun Asirya at nafakamulun sa ayu.

Eremyas 2:36 ပူးပေါင်းရင်းမြစ်များ

2 Krunika 28:16

Ay ginanya fun Akas naet gubuk sas Asirya at fun.

Isayas 20:5

Ay fagayu tagseg Etiupya ay takamatungudun talun Igiptu umlimu ban ay umkapla.

Eremyas 2:18

Nataw ay nabul gina am nanangakbang sas talun Igiptu ay sas Asirya? Wain ay fagnasauns Liskung Nilu ay Eufrates?

Eremyas 2:23

Setain nu malong am te, ‘Wami masuya ay wami gseg Baal?’ Amatangani nu se aksvn nu mauri ay ngay nafakamulun sis datag Inum ay tiba yak asalanan ay nafakamulun. Kata am sik kamelyu tina tagrvbvy at tama.

Eremyas 2:33

At kasakit nu galabian am ay fakaylatun kesug. Am yay tagfoyung sa takamatugtug fag ngay mangena.

Eremyas 22:20

Ngay taw Uda, nangundaud am sas tungud buksul Lebanun ay nanwayway am, aroro namin wan ay fagadgalangan fag ngay talun. Ay nanguro am anya fagayu sas Basan ay sas Abarim.

Eremyas 22:22

Nu katanya, namarapyagan au ay ngay tagfangguna kata tagmara at nafalayug fag ngay upa, ay ay ngay fagudgubukan fag ngay talun gatabanan. Umke fakaplaun am aroro sa ay fagmauriun.

Eremyas 31:22

Ku ngay sisian at nalyam, ginain yaban nu kafoli am sa angku? E fagnamakamulunun kban at yud yay batang e nfasludan ste swa daga: mangena tua ban tagbalabag sik mangama.”

Eremyas 46:12

Ay fagayu ban talun sas fagdaul daga sumaful ay fagmaplaun ay anggan ay fagwaywayun. Ay ay ngay tagfawayan ban umbul gtudtungudan.”

Takabalu 4:17

Gyawyawa wan nu kamanawan ami at kadugean nu gfanya ami em ngay fagadgalangan fag talun nu ggubuk emi. Ay gulit ami gugat si em fagulitan laman gfanya em ngay fagadgalangan fag ngay talun at yud ngap makatu gfalangfe emi.

Takabalu 5:6

Ansik ngay fagsuguan ami sa sangay taw Igiptu ay sa sangay taw Asirya, laman e fakonun ami.

Esekyel 16:28

“ ‘Ay yo nkagwanta, nafagbilug yay o am sadili sas talun Asirya. Kafanud kanya, yo kagwanta.

Esekyel 29:7

Ay ngay taw nu nananted emu, anbaltak o ay at ngay mesa take anke fakarukan. Ay kanya fagayu nu nasarare sa emu, an-gatvng o, nu katanya, kafag ngay taw antaygilid ay naslu.

Usea 10:6

ay gbuba sas Asirya laman sik famonun sat mabalyanan fag fun. Ay nu katanya, ngay taw Israel umkapla aroro gafanud sat ngay fagsegan.

Usea 12:1

Ngay taw Israel gseg at yud e masuad. Fagngabak menit kanya fagayu gfafalo nusnge wain tagtaban anya sas faurianan. Kanya fagayu gtungud yay nu mauri ay nu kamuagan, ay nanangasadi sas Asirya ay talun Igiptu, nu katanya, kanya fagayu gfon sas talun Igiptu langis at yud e famayad.

Usea 14:3

Ay wami get ya fanggubukun siginans Asirya, ay wa yangay mi gseg ya em ngay tagfawayan tagsakayan sis kabayu. Ay wa yangay mi gngayan ya em nawat fag ngay fagsegan te, em ngay dius. Aroro anfanyu tuo emi kata sik ngay sisian at yud e fagtainan ya.’ ”

Usea 5:13

Ngay taw ban Israel ay ngay taw Uda nu nalag nu gidapan gbanwan, Israel nanget gubuk sas Asirya at fun at mabalyanan, dewa katanya, kafag fun wa magubuk.

Usea 7:11

Kanya fagayu kata way sik labikung tagfangafalingunan ay at yud e fagsafulun. Kanya fagayu nananget oma gubuk sa sangay taw Igiptu ay sa sangay taw Asirya.