Eremyas 2:34 - Fanawbuid tagsibaliwas Fakayabian

³⁴ Ay ngay lanbung gatagukun ngay taw at yud e asalanan ay at yud e kwa at taguk. Nafabul am anya fagayu deyud am batang glag nu gsakbo sa ay ngay bale. Ay dewa kaksvn nya ay nafakamulun,

Eremyas 2:34 ပူးပေါင်းရင်းမြစ်များ

2 Fun 21:16

Ngayu Manase at nafabul at yud e asalanan ay at ngay taguk ankapnu Erusalem at dalan. Saman ya nu gfae asalanan ngay taw Uda sis Yawi at daga salubangan.

2 Fun 24:4

Manase nafabul ngay taw at yud e kwa ay nafatayuk taguk sas Erusalem, ay Yawi wa nafalyam at asalanan takatanya.

Nu Galin 22:1

“Sik taw nung way nafangkamul sik baka ay mannga sik tupa, ay kanya nung way nafabul ay mannga nafalao, masine nu gbayad. Sat nafangkamul fag sadik baka at famangsi limak baka, ay sat nafangkamul fag sadik tupa at famangsi ufatk tupa.

Nu Galin 22:2

“Ay sik taw nu nafabul sik tagfangkamul sisad yabi gina gfangkamul, kanya fag taw we asalanan.

Isayas 57:5

Ay gseg am ngay fagsegan gina am gtaladan si sangay fun kayu at marabung at lanbung, ay natuyan te, yud e malong. Ay gfon am ay ngay sisian laman ay fanggalangun si sangay fagfamiluganan mamam sis tigyangan buksul.

Isayas 59:3

Gfabul am ngay taw, ay gfakamulun nusnga setaw fag ngay fagmauriun. Kamuag am ay glong at mauri.

Isayas 59:7

Gabanganan am namakamulun at mauri ay gfabul am at yud e asalanan. Kabavn ay amatanganan mauri way, ay nusnga nday am, wam e nafakamulun masine nu bunway fagmauriun way lang.

Eremyas 19:4

Namakamulun kban takatanya aroro ku ngay taw natalyuyan angku ay nafili sanya fag datag laman at fagnamonan at ngay fagirugun fag ngay fanggalangun sa sangay fagsegan at yud gleleg. Kanya fagayu ay anggan at ngay mangaguyang ay Uda at ngay fun wa toglag kafag fagsegan. Ay sanya fag datag kanya fagayu nafabul yangay at bagu kasalug fag ngay sisian.

Eremyas 2:33

At kasakit nu galabian am ay fakaylatun kesug. Am yay tagfoyung sa takamatugtug fag ngay mangena.

Eremyas 6:15

O kanya fagayu kapla at ngay fakamulun at maksvn nu mauri? Duan! Kanya fagayu we apla ya! Nu katanya, glong au te, kanya fagayu umfaurianan yangay kata at ngay iba. Ay gina kban gfaurianan, kanya fagayu umkamin. Au, Yawi, taglong tuy.”

Eremyas 7:31

Ay kanya fagayu nawat sik fagirugan sis tungud buksul at nafangayan te, Tufet, tagsis datag Ben-Inum. Ay nairug sanya at ngay sisian laman at fanggalangun. Kdoma nasugu sa anya fagayu takatanya, ay kwe algan takatanya.

Eremyas 7:6

ay lag am gfaidapan ya ngay taw tagsiginan tibak talun, ay at yud e ngay fagtainan ya, ay ngay fagbubayun. Lag am gfabul at yud e asalanan ay lag am gseg ya tibak fagsegan tagtaban ayu sas faurianan.

Eremyas 8:12

O kanya fagayu kapla at ngay fakamulun at maksvn nu mauri? Duan! Kanya fagayu we apla ya! Nu katanya, glong au te, kanya fagayu umfaurianan yangay kata at ngay iba. Ay gina kban gfaurianan, kanya fagayu umkamin. Au, Yawi, taglong tuy.

Takabalu 1:9

Erusalem at fagmauriun andungug sas fagayu taw, ay kanya wa nasaful at fakadasugan. Maksvn nu malimu at kindasug sanya fag furuan ay we nagubuk ya anya. Nu katanya, kanya nalong te, “Yawi, damai ku fagidapun aroro ku ngay fawayan nababo wa angku.”

Takabalu 4:14

Ay katsi kanya fagayu gfantedan way lang sa sangay dalan kata sik ngay yud glag. Ay at ngay lanbung gatagukun wan, nu katanya, we mananted ya anya fagayu.

Esekyel 20:31

Siginan nu gfon am ay fanggalangun sa sangay fagsegan anggan nu gfon am ay ngay sisian tiba kaka laman ay fanggalangun, nafauri am ay ngay sadili. Nu katanya, au, Fun Dius Yawi, gfatuyanan au te, kafanud nu gleleg au, kwa ban gfoyung sa ayu at matuyan fag longan, dewa am get angku.

Esekyel 22:25

Ay at ngay tagfangguna at ngay algan mauri, kata ngay liun nu gngarngar ay nu gyukfu at fagnangagatun. Kanya fagayu kamabul, ay gfangkamul ngay ramraman ay nusnga setaw at mafanud, ay sit furuan ngayu at kinfagbubayun aroro e kamabul.

Esekyel 23:45

Dewa katanya, at matuyan ban fag ngay taw gfaurianan duksay tagalvngvdan sat nafamatugtug ay sat nafamabul.

Esekyel 24:7

Aroro fagayu taw nasaful te, kanya kamabul. Ay kanya naugwag kafag ngay taw at taguk sa sangay tungud gang, ay wa natabun ya, ay fagayu taw glag.

Esekyel 9:9

Kanya gbalus angku te, “Maksvn wan taw Israel ay taw Uda at asalanan. Ay maksvn wan nu gfadfabulan sit furuan ay we fagmatuyanun ya. Kanya fagayu glong te, ‘Yawi wa gdungug ya antam, ay natalyuyan wan.’