Eremyas 2:3 - Fanawbuid tagsibaliwas Fakayabian

³ Ngay taw Israel, nafasamanan au ayu laman sa angku, kata taguna fag rawvg at nafon sa angku. Nafaurianan au at nafaidapan ayu, ay kanya fagayu anbul wan.’ Au, Yawi, taglong tuy.”

Eremyas 2:3 ပူးပေါင်းရင်းမြစ်များ

Nu Galin 22:29

“Lag am kalyam gfon sa angku siginan ay ngay gutluan, ay siginans fanlangu ay siginan sangay langis. Fatigwanani yangay sa angku ay ngay munama tiba kaka,

Nu Galin 23:16

“Mafuli ban gugat galay fagmafulun sabaliwa Fanggutluan siginan nu namuba am taguna ay ngay gutluan. Afuli yangay sabaliwa fagmafulun Taguyan fag Fanggutluan galay taguyan fag magdanun, gina am ganamafulun ay ngay gutluan siginan ay ngay gamasun.

Isayas 41:11

Fagayu ban takauri emu umkapla ay gaewan, ay fagayu am fawayan umfaurianan.

Isayas 47:6

Andotama au ku ngay taw ay naiyan au anya. Nu katanya, nafababawan au sa emu ay wo nfanyu ya. Ay nafaidapan o anggan at mafagtainan.

Eremyas 12:14

Yawi nalong yangay te, “Katanya yangay ban ku fakamulun sat mauri fag ngay talun at munakbang sis Israel at narasras ku nafon fag fagbanwanan sa ku ngay taw. Gaiyan kban anya fagayu siginan at fagbanwanan kata nu gaiyan au ngay taw Uda siginan at talun.

Eremyas 2:4

Ngay taw Israel, Akub at kasugfunanan, dungugani Yawi at longan.

Eremyas 30:16

Dewa katanya, namaurianan kyangay ban at nafauri ayu, ay fagayu ban ay fawayan gatabanan. E namawayan yangay ban fagayu at nafawayan ayu, ay at nabul ay ngay fagagbilugun, e gbul yangay ban siginan anya.

Eremyas 50:7

Ay kanya fagayu naonan nusnga sinu at nalag anya fagayu. Ay at ngay fawayan glong te, ‘Kanya fagayu anke asalanan sas Yawi, at ngay mangaguyang at fagfiangalayan ay at fagsegun, nu katanya, wa tam e asalanan dewa tam nanamawayan anya fagayu.’

Uel 1:3

Foyungi ban tuy fagayu sa ay ngay sisian, ay ay ngay sisian ban gfoyung yangay sat ngay sisian, ay kanya ban fagayu gfoyung yangay anggan sat fadogan fag ngay kasugfunanan.

Amus 6:1

Afanyuan am ngay tagfangguna sis Siun ay sis Samarya, aroro ay fakaylatun nu gbanwan am fagmabayanun way lang. Ay nu gamatangan am ay sadili, sik takadungug am fag ngay taw ay sik tagtungud sa tibak talun, ay sa wa ayu ay ngay taw nu nangakbang.

Abakuk 1:11

Sanya ginan, kanya fagayu masakit glao, kata tagmara nu gdalan. Nu katanya, kanya fagayu anke asalanan, aroro we fagtoglagun ngay fagsegan, nu bunway gseg wan at sadili fagmakatuun.”

Sakaryas 1:15

Dewa katanya, maksvn nu kadotama au ngay talun ayu daul takaylat way gfauseganan at leleg. Ay ya oma fia son maksvn nu kadotama au anya, ay kanya yay fagayu at nafaksvn.’

Sakaryas 2:8

Nu nalag au kanya fag taginfan, Yawi at Mabalyanan nasugu angku laman nanlong au at mauri sa sangay talun at taw at nafauri Erusalem ay at nafangkamul at ngay ramraman. Aroro nusnga sinu at nafakamulun at mauri sas Yawi at furuan, nafakamulun at mauri sat fakesugun fag ngay taw. Nu katanya, Yawi at Mabalyanan glong te,

Tap 18:12

Gfon kyangay sa ayu ngay masine fag fanggalangun ngay taw Israel at nafon siginans taguna fag gutluan: ulibu langis, wat ubas at mamam ay trigu.

Ruma 11:16

Taguna fag afud tinapay nu nafon way sas Dius, fagdaul tinapay nafon yangay. Ay nu nafon way sas Dius sik fun kayu at lalid, anggan fagayu at sanga nafon yangay.

Ruma 16:5

Longi yangay sa sangay tagafanud at maful sis dadwa at bale te, O manabayan tuam? Ay longi yangay sa ku fakesugun ku faduksay Epenetu te, O manabayan tuo? Kanya taguna gafanud sa tam Fun Isus sis talun Asya.

Efesu 1:4

Aroro siginan tam fagmasadiun sa anya, kanya nafili antam siginan yay nu yud nawat fagdaul daga, laman umsine tam ay di tam e malong sas Dius at daga salubangan. Aroro kesug tua antam,

Deuterunumyu 14:2

aroro am wan tam Dius Yawi at nafili fag ngay taw. Siginan fagayu taw sas fagdaul daga, am wan at nafili laman at fagagbilugun.

Deuterunumyu 26:19

Ay kanya ban nanfili ayu gtungud tua sas fagayu talun at taw, ay e gfauseganan ban ayu ay sik takadungug ban am. Ay ay Dius Yawi namayud e malong ayu kata at fatuyanan.

Deuterunumyu 7:6

Aroro ay Dius Yawi nafasaman ayu. Sas fagayu taw, am wan Yawi at nafili laman at fakesugun fag ngay taw.

Santiagu 1:18

Siginan tam natoglagan at matuyan, kanya nafili antam at ngay sisian, laman tagtungud sas fagayu at awatan.

1 Pedru 2:9

Dewa katanya, am sik nafili tuam fag ngay taw, ay tam Fun tuam at ngay tagfon fanggalangun, ay sik furuan at mafasamanan laman sas Dius. Dius nafili ayu laman gfoyung am at nafakamulun fag ngay madulo. Ay nauro yangay ayu siginan sad fagmadulumun laman glo am sat fagmayamagun at maksvn nu madulo.

At Nafasure 14:4

Kanya fagayu at yud batang gtugtug mangena aroro wa batang kamubay. Kanya tagalo Tupa Riangan nusnga nday nu glao. Kanya fag ngay taw at kinlangfe siginans wa taw, kata sik taguna fag fanggalangun sas Dius ay sas Tupa Riangan.