Eremyas 2:28 - Fanawbuid tagsibaliwas Fakayabian

²⁸ Ay wain? Dada wan katsi ay nawat fag ngay fagsegan? Kanyai wan ay faguroun. O makatu ro gfalangfe ayu sa ay fagidapun? Ay ngay fagsegan kayu oma ay ngay furuan sis talun Uda.

Eremyas 2:28 ပူးပေါင်းရင်းမြစ်များ

2 Fun 3:13

Elisyu nalong sas Israel at fun te, “Lag ta kadkasalagan. Loi wan sa am mama ay am mina at ngay taglong!” Israel at fun nalong te, “Duan! Aroro Yawi wan at nafauro emi fag tulu laman namon emi sa sangay taw Muab.”

Isayas 45:20

Yawi glong yay te, “Fagayu am at nalagyu siginan tibak talun, afuli ay akbangi sa angku. Ngay taw tagbuba at ngay fagsegan fag ngay kayu we fagsafulun. Kanya gdarangin sat ngay fagsegan at yud mafalangfe anya.

Isayas 46:2

Kanya fag ngay fagsegan mataygilid, ay wa mafafalangfe at nafasakay anya. Ay anggan kanya fag ngay fagsegan natabanan yangay.

Isayas 46:7

Ay namuba sat fagnamalindugan ay kanya sanya way gugat aroro wa malelegan. Ay nu e nandarangin sa anya, wa gbalus, ay wa ggubuk gina e fagidapun.

Isayas 57:13

Ay nu naet am gubuk, fabayani wan ay ngay fagsegan taggubuk ayu. Kanya ban fagayu kalayug siginan at maksvn fag tagmara. Dewa katanya, nusnga sinu tagafanud sa angku, namanwan tua ban sanya fag daga ay nangagbilug at yud e malong fag buksul.

Eremyas 1:16

Namaurianan kban ku ngay taw tagfakamulun at mauri, aroro kanya fagayu natalyuyan angku siginan nu girug famaebebanglu fag lune ay nu gseg at nawat fag ngay fagsegan.

Eremyas 11:12

Nu katanya, at fagnangetan gubuk sa way lang at ngay fagsegan at fagnamonan gugat ngay fanggalangun. Dewa katanya, faurianan nu ndasug, kanya fag ngay fagsegan wa mafalangfe nusnga sinu fag taw.

Eremyas 11:13

Ngay taw Uda, ay ngay fagsegan at kayuan kayu yangay ay furuan. Ay nu seyu sis furuan Erusalem at ngay fagaweanan, kayu yangay nya ay nawat fagirugan laman ay fagfonan ngay fanggalangun laman sas Baal fag fagsegan at maksvn nu mauri.’

Eremyas 30:7

Ay ginanya ban fag buknga maksvn nu malimu, ay wa ban e kaksvn nya kanya nu malimu. Ginanya ban Akub at ngay kasugfunanan gidapan, dewa katanya, sa ban taguyan kanya fagayu umlangfe yay sanya ginan fag fagidapun.

Eremyas 37:19

Dada wan ay ngay taglong taginsaful te, fun Babilunya ban wa namawayan tuy fag furuan?

Usea 10:1

Ebi, ngay taw Israel kata sik ngay tanum wat ubas mataglu ay marabung ay at rawvg ngayu tua. Dewa katanya, kaduge kanya fagayu ankayu, kayu yangay nya at nawat fag ngay fagirugan ay gfasine at fagsegan fag ngay gang.

Abakuk 2:18

Nataw ngay fagsegan at fanambagun? Kanya fagayu taw way at nawat siginan sik ngay kayu ay wa maringang.

Abakuk 2:19

Afanyuan am, tagdarangin sa sangay fagsegan te, ‘Mafuloani ay gubuki emi.’ At matuyan, kanya wa mafoyung ayu. Kanya fagayu dewa masifigan gintu ay salapi, wa gleleg.

Deuterunumyu 32:37

Kanya ban ginto sat ngay taw te, “Dada wan katsi ay fagsegan ay fagsarigan fag gang?

Tagfangguna 10:14

Wain wayam nanget gubuk sa ay ngay nafili fag fagsegan? Kanyai wan tagfalangfe ayu gina am gidapan.”