Eremyas 2:21 - Fanawbuid tagsibaliwas Fakayabian

²¹ Kata oma am sik masine fag wat ubas ku natanum, dewa katanya, wain ay faginkataun sik rawvg at madanan?

Eremyas 2:21 ပူးပေါင်းရင်းမြစ်များ

Fakasigadan 18:19

Nafili au anya laman namafasludan sat ngay sisian ay sat kasugfunanan ku balyawvtan laman gfakamulun at matuyan ay at mafanud. Nu katanya, umfasludan ban ku ngay fatuyanan sa anya.”

Fakasigadan 32:28

Ay kafag mangama nalong sa anya te, “Siginan ban katsi Israel wan am ngayan, bunwa ban Akub ya, aroro nafawayan o Dius ay anggan ngay taw, ay nababo o.”

Alubad. 44:2

Siginan am fagmabalyananun, naiyan o tibak gaban taw at yud gafanud sa emu siginan at furuan, ay nafaurianan o anya fagayu. Dewa katanya, nafabanwan tuo sanya em ngay mangaguyang, ay nafae ramraman tuo.

Alubad. 80:8

Kata ami sik wat ubas am nabuba siginans talun Igiptu. Ay am natanum sim naiyan fag ngay taw at daga.

Alubad. 80:9

Ay nafasine o tuy fag daga, ay wat ubas nalalid ay anfagdaul sas fagdaul talun.

Nu Galin 15:17

Yawi, nantaban ban o am ngay taw sam sadili daga, ay namabanwan sam fagagbilugun fag buksul, sam fagbanwanan, am awatan fag bale.

Isayas 1:21

Amatangani! Ebi furuan Erusalem sik matuyan oma fag furuan, ay katsi, kata way sik takamatugtug fag mangena. Ebi ngay taw tagbanwan sanya, matuyan oma, ay katsi, sik ngay takamabul way.

Isayas 27:2

Ginanya yangay ban fag menit, nangalubad am sik alubad sabaliwas tanuman wat ubas gina ngayu at narabas.

Isayas 41:8

Dewa katanya, Israel, o wan ku nafili ay ku fagsuguan, ku fagadgalangan Abrayam at kasugfunanan,

Isayas 5:4

Nataw ya ku fagnamakamulunun ku nayud nafakamulun? Aroro ku fagsegun ku tanuman at rawvg matamis tua, ay aroro mangaro mayat way. Wain fakatanyaun?

Isayas 60:21

Ay am ngay taw ban umsik matuyan tua, ay kanya ban fagayu gagbilug at talun kabavn. Kanya fagayu nafakata au sik tanum ku natanum laman gfalag au ku fagmasineun.

Eremyas 11:16

Ebi Yawi nu gdama kanya fagayu kata oma sik fun kayu ulibu at marabung ay tangayu at rawvg, dewa katanya, gina ban at maksvn fag afuy nadalan, kanya fagayu umkamin kata at nairug fag ngay sanga at yud e fanambagun ya.

Eremyas 11:17

Yawi at Mabalyanan wan at nafili Uda ay Israel, dewa katanya, katsi gsugu wa te, “Famini wan anya fagayu aroro mauri at ngay fakamulun, ay nafauri angku siginan nu gfon at ngay fagirugun fag ngay fanggalangun sas Baal.”

Eremyas 5:10

“Israel at ngay fawayan, nanrasras am at ngay tanuman wat ubas, dewa katanya, lag yap gfamin. Gatvngi yap lang at ngay sanga, aroro kanya fagayu ansaruayan wan siginans Yawi.

Takabalu 4:1

Ngay taw tagbanwan sis furuan Erusalem ankata sik gintu at yud masine ya, ay kata yangay at mafanud fag ngay gang tagrapyagan way lang sa sangay dalan.

Esekyel 15:2

“Taw at baguama, setain wat ubas nu gtungud tibak fun kayu at sanga?

Mateu 21:33

Isus nalong yangay fia te, “Dungugani sadi ya ku faydayuanan. Sik tagagbilug daga natanum sik ngay wat ubas sit daga ay naalad at tanuman, ay nawat yangay sik fagturisan ubas at rawvg, ay nawat sik bale ngabat laman fagulitan at tanuman. Ay kanya nafaalaga at tanuman sa sik ngay tagalaga ay nalo sa tangayayu fag talun.

Markus 12:1

Isus gfasigad gfoyung sa sangay taw sik faydayuanan te, “Sik taw natanum ubas sit daga ay naalad at tanuman ay nawat sik fagturisan ubas at rawvg, ay nawat yangay sik bale ngabat laman fagulitan at tanuman. Ay kanya nafaalaga at tanuman sa sik ngay tagalaga, ay nalo sa tangayayu fag talun.

Lukas 20:9

Isus gfasigad gfoyung sanya fag ngay taw tuy fag faydayuanan. Glong te, “Sik taw natanum sik ngay wat ubas sit daga. Ay kanya nafaalaga at tanuman sa sik ngay tagalaga ay nalo sa tangayayu fag talun ay glugo tua ban nu gbanwan sanya.

Uan 15:1

“Au wan at matuyan fag fun wat ubas, ay ku Mama tagalaga.

Deuterunumyu 32:32

Tam ngay fawayan nu mauri kaksvn furuan Suduma ay Gumura at fagmauriun, kanya fagayu kata sik wat ubas at rawvg at mayat ay at malangu.

Deuterunumyu 4:37

Ay aroro kanya kesug tua ay ngay mangaguyang, kanya nafili ay naufud ayu, ay siginan at fagmabalyananun kanya nafaduksun ayu siginans talun Igiptu.

Uswe 24:31

Ay kaduge Uswe gleleg, ngay taw Israel gfaning tua Yawi. Ay dewa Uswe anbul wan, kanya fagayu gfataglayun tua nu gfaning Yawi kaduge Israel at ngay fagtainan gleleg, at nalag Yawi at nafakamulun madulo sas Israel.