Eremyas 2:19 - Fanawbuid tagsibaliwas Fakayabian

¹⁹ Nu katanya, namaurianan au ayu aroro sa ay fagmauriun ay sa ay natalyuyanan angku. Amatangani nu se aksvn nu mauri am ay nu se maidap ay natalyuyanan ay ay nafamaboan angku. Au ay Fun, Yawi at Mabalyanan taglong tuy.

Eremyas 2:19 ပူးပေါင်းရင်းမြစ်များ

1 Fun 18:18

Ay Elyas gbalus te, “Bunwa au at nafae fagidapun sis Israel nu bunway o way ay am mama at talananan, aroro natalyuyan am Yawi at ngay suguan ay nafauseganan am Baal fag fagsegan.

2 Krunika 12:5

Sanya ginan, Semaya fag taglong nalao sas Reubuam ay sas Uda at ngay tagfangguna, at nalagyu sas Erusalem aroro anlimu fun Sisak. Ay kanya nalong sa anya fagayu te, “Katatuy Yawi at longan, ‘Namababawan au ayu sas Sisak aroro nafamabo am angku.’ ”

2 Krunika 21:10

Ay dasug katsi ngay taw Edum kamabo yay gugat ngay taw Uda. Ay ginanya anggan ngay taw Libna nafamabo yangay, aroro Euram nafamabo at ngay mangaguyang at Dius Yawi.

2 Krunika 25:16

Ay gina kanya fag taglong garingang, fun nalong te, “Wain am fagfoyungun angku? O nunda nafili au emu laman ku takamoyung? Lag garingang ya, mafabul au emu!” Nu katanya, kanya fag taglong nafaragang wan nu garingang nu nalong wan sas fun te, “Matuyan wan Dius ban gfaurianan emu aroro naseg o kafag ngay fagsegan ay wo nadungugan anya.”

Alubad. 36:1

Asalanan gfamatangan gugat at mauri fag ngay taw; kanya fagayu we fakalimuun ay wa gsuyu Dius.

Nu Galin 33:6

Ay gina ngay taw Israel sis Buksul Kureb, nabul at ngay famasine.

Fangatulun 1:31

Nu katanya, umdasug ban sa ayu fagidapun, aroro mauri way ay fakamulun anggan ay ngay algan.

Fangatulun 1:32

Aroro tagfabul at yud mamatanganan fag ngay taw at fakamaboun wan, ay tagfaurianan ngay taw at yud e fagsafulun, at fagyudun wa gfae masuad.

Fangatulun 5:22

Ay at mauri fag taw nafaylatan kafag mangena at fagmauriun, kata nu nangasangdaw sa sik litag.

Isayas 3:9

Ay katoglag sit ngay kamatan te, e ngay asalanan. Ay kanya fagayu wa kapla gfakamulun at mauri kata ngay taw Suduma nu yud gsuksuk at ngay fakamulun at mauri. Ida! Kanya fagayu afanyuan way lang! Kanya yay fag ngay taw at nafadasug faurianan sat sadili.

Isayas 5:5

Namoyung au ayu ku fagnamakamulunun ban sa ku tanuman wat ubas: Nanrasras kban at matunglu fag ngay tanum, ay nanrufa kban at alad, laman ngay mela nangon ay nansiad.

Isayas 50:1

Yawi nalong sat ngay taw te, “O nunda naiyan kwan furuan Erusalem kata sik mangama at naiyan at mangena? Inday am rirukan am famatuyan? O nunda nafataban au emu sa tibak talun at taw kata sik taw at nafafagsuguanan at sisian sat fagbedanan, laman famayad at bedan? Duan! Am fagnatabananun aroro siginan am ngay asalanan. Erusalem, naiyan au emu, aroro nafamabo o.

Eremyas 1:16

Namaurianan kban ku ngay taw tagfakamulun at mauri, aroro kanya fagayu natalyuyan angku siginan nu girug famaebebanglu fag lune ay nu gseg at nawat fag ngay fagsegan.

Eremyas 13:22

Nu ginto o sam sadili te, “Wain ku faginfauriananun kata sik mangena at nagiratan at lanbung ay at natugtugan?” Andasug sa emu takatanya aroro siginan am asalanan at kayuan.

Eremyas 2:17

Ngay taw Israel, am yay at nafaurianan ayu, aroro natalyuyan am angku, au ay Dius Yawi at naufud ayu gina am glao.

Eremyas 3:22

“Ku ngay sisian takamaogatun, afolii wan sa angku, ay gfalyam au ay natalyuyanan angku.” Ay kanya fagayu gbalus te, “Agvd, namaning wami emu aroro o wan em Dius Yawi.

Eremyas 4:18

Ay ngay ugali ay ay fakamulun maksvn nu mauri, kanya wan at fagindasugun sa ayu faurianan. Maksvn nu maidap at kindasug sa ayu fag faurianan! At kaksvnan kata nu natalfus sa ay ngay amatanganan.”

Eremyas 5:22

Yawi glong te, “O nunda wam kalimu ya angku? Wain ay fagyudun gtadtaruyan si ku daga salubangan? Au wan at nawat ngay lagnas laman fatuan dagat, laman mamam wa masakfo. Ngay lugwak gdalusung lagnas sis tigyangan dagat, dewa katanya, wa masakfo.

Eremyas 5:24

Ay at ngay longan wa siginan at ngay amatanganan, kanya fagayu dewa glong fia te, ‘Gseg watam Yawi tam Dius, tagfon antam arak gina abagat, ay tagfon antam ngay rawvg gina fanggutluan.’

Eremyas 5:6

Nu katanya, at ngay fawayan namaurianan anya fagayu kata sik idu talun, ay kata sik mela tagfanya at fagnangonun tagduksun siginans furuan. Umfasludan takatanya sa anya fagayu aroro ngayu ginan gtalyuyan Yawi.

Eremyas 7:19

O au kanya fagayu at nafauri? Duan! At ngay sadili yay at nafauri ay at nafapla.

Eremyas 8:5

Dewa katanya, am fag ngay taw Erusalem, wain ay fagtalyuyanun gugat angku? Ay wain ay fakaylatun yay gugat ay ngay fagsegan at yud matuyan, ay wayam kafoli sa angku?

Esekyel 23:30

Anke asalanan o aroro nafamatugtug o sa tibak talun, ay nafasuya o am sadili siginan nu gseg o kafag ngay taw at fagsegan.

Esekyel 39:24

Nafakamulun au sa anya fag ngay taw kata at fagmauriun.

Usea 11:7

Ku ngay taw namatangan nangayayu angku, nu katanya, dewa kanya fagayu masadi nangakbang sa angku, kwa ban ggubuk ya anya.

Usea 13:9

Gfamin au ayu ngay taw Israel, aroro au wan at nafalangfe ayu, ay dewa katanya, gfawayan wayam angku.

Usea 14:1

Usea nalong te, “Am fag ngay taw Israel, afolii wan sa ay Dius Yawi. Nafaurianan am aroro say asalanan.

Usea 4:16

Aroro ngay taw Israel kamaogatun at amatanganan, kata sik tumad baka tina at yud magup. Nu katanya, tain ro nu mafaulit au anya fagayu kata sik ngay tupa sas fagnamafangonan?

Usea 5:5

Ay fakamatungudunun gfatuyan te, masine nu gafaurianan am. Ngay taw Israel, umfaurianan am, anggan am ngay taw Uda, aroro sa ay ngay asalanan.

Usea 7:2

Kanya fagayu wa gamatangan ya te, kwa ban kalyam at ngay fagmauriun. Anggan katsi, kanya fagayu gasalanan way gugat.

Usea 9:1

Usea nalong te, “Am fag ngay taw Israel, faragangi wan nu guseganan am kata tibak ngay talun, aroro gseg am sa tibak fagsegan ay kayayu wayam ay Dius. Dewa nday fag fagruyusan fare, gseg wam ay gutluan ay glong am te, ‘Tuy wan tam famayad siginan tam ngay fagsegan aroro gseg tam anya.’

Amus 8:10

Ay abat ngate ban am guseganan ginam maful, gwayway way ban am, ay abat ngate ban am guseganan galubad, kabalu wayam. Ay namalanbungan kban ayu saku, ay gsugu au ayu te, ufoi ay ngay buk, laman gfalag am ay fakabaluun, kata sik ngay fagtainan tagwayway aroro at sisian tagsesadi anbul. Ay dewa katanya, amaidap yap ban taguyan fag faurianan.”

Mikas 1:5

Takatanya ban fagayu umfasludan aroro ngay taw Israel ay ngay taw Uda at ngay asalanan. Ay ngay taw Samarya nafaylat ngay taw Israel laman gasalanan. Ay ngay taw Erusalem nafamatangan ngay taw Uda laman gseg tibak fagsegan.

Sakaryas 7:11

“Ay kanya fagayu wa nadungugan ku longan. Kanya fagayu natalyuyan angku ay wa nafaning.

Ruma 3:18

“Ay kanya wa saful kalimu Dius.”

Tagfangguna 10:13

Dewa katanya, nafamabo am angku ay naseg tibak fagsegan. Nu katanya, katsi kwa gfalangfe ya ayu.