Eremyas 2:17 - Fanawbuid tagsibaliwas Fakayabian

¹⁷ Ngay taw Israel, am yay at nafaurianan ayu, aroro natalyuyan am angku, au ay Dius Yawi at naufud ayu gina am glao.

Eremyas 2:17 ပူးပေါင်းရင်းမြစ်များ

1 Krunika 28:9

“Ay o, ku baguama Sulumun, toglagi ay fakamuluni sa am mama at Dius sas fagdaul am amatanganan aroro Yawi glag way tam amatanganan ay saful tam algan ay tam fagamatanganun. Nu kakbang tua ban o gugat sa anya, ggubuk tua ban emu. Dewa katanya, nu natalyuyan way ban o anya, kanya ban gaiyan emu kabavn.

2 Krunika 15:2

Ay kanya nanangablang fun Asa, ay nalong anya te, “Fun Asa, dungugani, ay anggan am fag ngay taw Uda, ay ngay taw Benamin. Yawi si tua ayu nu gbanwan tuam si anya. Nu grvbvy tuam anya, lumag am anya. Ay nu natalyuyan wayam anya, kanya gaiyan yangay ayu.

Ub 34:27

Kanya nafakamulun takatanya aroro kanya fagayu natalyuyan anya, ay wa nafandungug at balyawvtan.

Ub 4:8

Sa ku nalag ay ku nasaful, ngay taw tagfakamulun at mauri, kanya ban fagayu umfaurianan.

Alubad. 107:7

Kanya nataban tua anya fagayu sat mataglayun fag dalan laman sat fagnamanwanan fag furuan.

Alubad. 136:16

Kanya naufud at ngay taw sis talun at yud e taw. Nu mafangesug di e fakatabuan.

Alubad. 77:20

Nataban o am ngay taw kata sik tagalaga tupa, ay nafili o Muisis ay Arun laman tagfangguna.

Fangatulun 15:10

Sik taw at yud matuyan, kauri way nu e gfoyung anya, ay sik taw at yud kaylat fangatulun, kanya kabul way.

Isayas 1:4

Ida! Kanya fagayu ngay tagasalanan way, ay sik gaban taw tagfakamulun at mauri sat iba. Ay sas fagdaul at talun maksvn wan at fagmauriun, nu katanya kanya fagayu kata nu gbuba at mabyat fag famubaun. Am fag ngay taw at maksvn nu mauri, natalyuyan am Yawi, nafalingun am Israel at Dius at yud e Malong, ay wam gfaning ya anya.

Isayas 59:13

Nafamabo tam ay anyayu Yawi, ay wa tam nafaning tam Dius. Ankuri tam ay nafalingun tibak taw. Ay maksvn nu gamatangan tam te, setain nu mafamuag tam.

Eremyas 13:22

Nu ginto o sam sadili te, “Wain ku faginfauriananun kata sik mangena at nagiratan at lanbung ay at natugtugan?” Andasug sa emu takatanya aroro siginan am asalanan at kayuan.

Eremyas 19:4

Namakamulun kban takatanya aroro ku ngay taw natalyuyan angku ay nafili sanya fag datag laman at fagnamonan at ngay fagirugun fag ngay fanggalangun sa sangay fagsegan at yud gleleg. Kanya fagayu ay anggan at ngay mangaguyang ay Uda at ngay fun wa toglag kafag fagsegan. Ay sanya fag datag kanya fagayu nafabul yangay at bagu kasalug fag ngay sisian.

Eremyas 2:13

Ku ngay taw nafakamulun duak asalanan: kanya fagayu natalyuyan angku, au oma tagfon leleg fag bulbug, ay naseg tibak fagsegan kata nu naali sik bubun takalanggang way.

Eremyas 2:19

Nu katanya, namaurianan au ayu aroro sa ay fagmauriun ay sa ay natalyuyanan angku. Amatangani nu se aksvn nu mauri am ay nu se maidap ay natalyuyanan ay ay nafamaboan angku. Au ay Fun, Yawi at Mabalyanan taglong tuy.

Eremyas 4:18

Ay ngay ugali ay ay fakamulun maksvn nu mauri, kanya wan at fagindasugun sa ayu faurianan. Maksvn nu maidap at kindasug sa ayu fag faurianan! At kaksvnan kata nu natalfus sa ay ngay amatanganan.”

Eremyas 44:3

aroro sa sangay taw tagbanwan sanya at ngay asalanan. Kanya fagayu nafadotama angku siginan nu girug at ngay famaebebanglu ay nu gseg tibak fagsegan at fagyudun toglag ay anggan at ngay mangaguyang at fagyudun toglag.

Eremyas 5:25

Siginan ay nafakamulun at mauri, fagayu nusnge wain anyayu siginan ayu. Ay ay ngay asalanan gsalag nu mabul am ngay famonun.

Esekyel 39:24

Nafakamulun au sa anya fag ngay taw kata at fagmauriun.

Usea 13:9

Gfamin au ayu ngay taw Israel, aroro au wan at nafalangfe ayu, ay dewa katanya, gfawayan wayam angku.

Mikas 1:5

Takatanya ban fagayu umfasludan aroro ngay taw Israel ay ngay taw Uda at ngay asalanan. Ay ngay taw Samarya nafaylat ngay taw Israel laman gasalanan. Ay ngay taw Erusalem nafamatangan ngay taw Uda laman gseg tibak fagsegan.

Tap 32:23

“Dewa katanya, nu dway am nafakamulun takatanya, e asalanan am sas Yawi, ay atuyani te, umsaful yay ban ay ngay asalanan.

Deuterunumyu 32:10

Yawi nalag anya fagayu sis talun at yud e taw, sas talun at yud bangan e gtugbung ngay fananum. Ay kanya nalaga kanya fag ngay taw kata sik taw nu gdiri at mata.

Deuterunumyu 32:19

Yawi nalag takatanya, ay siginan at dotama, kanya naiyan at ngay sisian.