Eremyas 2:15 - Fanawbuid tagsibaliwas Fakayabian

¹⁵ At ngay fawayan kata sik ngay liun gsubang anya fagayu, ay nafauri at ngay daga, ay nairug at ngay furuan, ay we gbanwan ya sanya.

Eremyas 2:15 ပူးပေါင်းရင်းမြစ်များ

Ub 4:10

Tuy fag ngay taw kata ngay liun nu gngarngar, dewa katanya, umringo way ban at ngay bagang.

Alubad. 57:4

Ku ngay fawayan gligung angku. At ngay bagang kata sik bangko, ay at ngay leplep kata sik fiso at maglat. Kanya fagayu kata sik ngay liun tagagatun sik taw.

Isayas 1:7

Ay talun anrasras wan ay nirug wan ay ngay furuan. Ay tibak talun at ngay taw naago siginan ayu ay ngay gamasun, ay nalag wam fia kanya fagayu nu grasras. Nu katanya, kanya fagayu we fanambagun ya.

Isayas 24:1

Fagayu am, dungugani! Yawi rumasras ban fagdaul daga, ay namasaruayan fagayu taw.

Isayas 5:29

Kanya fagayu nu guro gina gfawayan malimu kata sik liun nu gsubang. Ay gtaban at ngay nagamat, ay we namalfas ya.

Isayas 5:9

Yawi at Mabalyanan nalong angku te, “Gtuyan au te, wa ban e namanwan ya sanya fag ngay bale ayu daul at masine.

Isayas 6:11

Ay nainto au te, “Ku Fun, seduge tua ban kanya fagayu nu kamaogatun?” Ay nabalus angku te, “Yakmay ban yud e gbanwan ya sat ngay bale, ay gina ban at ngay furuan ay at ngay tanuman anrasras,

Eremyas 10:22

Dungugani ngay tagfawayan takadasug siginans fawalan fag alvngvdan nu gtadtalasan! Kanya fagayu nanrasras Uda at ngay furuan ay at namanwan ban sanya ngay idu talun way lang.

Eremyas 25:30

“Eremyas, foyungi sanya fag ngay taw fagayu ku longan, ay longi yap te, ‘Yawi guro siginans banwa, ay at uro kata nu gtungtung siginan at yud e malong fag bale. Ay guro maksvn sat nafili fag ngay taw. Ay guro yangay sas fagayu tagbanwan sas fagdaul daga kata sik taw taguro kaduge gturis wat ubas at rawvg.

Eremyas 25:9

namadasug au sa ayu sik ngay tagfawayan siginans fawalan fag alvngvdan ay ku fagsuguan Nabukudunusur, Babilunya at fun, tagfangguna. Kanya namawayan sa ay talun, ay sa sangay tagbanwan sanya, ay anggan sa sangay furuan tagsi ay ligung. Namamin kwan ayu, ay tiba bank taw umdulo at kindasug sa ayu, ay gfalingun ban gugat ayu aroro ay talun ban marasrasan way gugat.

Eremyas 26:9

Wain am fagnalongun te, Yawi nalong sa emu te, grasras wan tuy fag bale kata Silu, ay tuy ban fag furuan mabaluanan way lang ay wa ban e gbanwan ya?” Nu katanya, kanya fagayu nagamat Eremyas.

Eremyas 33:10

Yawi glong yangay fia te, “Glong am te, mabalu way lang talun Uda ay furuan Erusalem aroro we taw ay we fagbaugun ya tagbanwan sanya. Dewa katanya, sik menit ban gdog yay kadungug sanya fag ngay furuan nu gfanagsag ay nu guseganan.

Eremyas 34:22

gsugu kyay ban anya fagayu laman namadog namawayan, nangagbilug, ay nangirug ayu. Fagayu ban furuan sis Uda namasik mabaluanan au ay wa ban e gbanwan ya.”

Eremyas 4:7

Tagrasras ngay talun kadasug wan kata sik liun at nalfas siginan at luib, laman namaurianan ay talun, kata ngay liun nu masakit gduksun siginan at fagsuksuanan. Ay fagayu ay furuan umrasras, ay wa ban e gbanwan ya.

Eremyas 44:22

Yawi wa nkagwanta ay ngay nafakamulun at mauri ay at masuya, nu katanya, kanya narasras ay talun ay ansik mabaluanan aroro we gbanwan ya.

Eremyas 5:6

Nu katanya, at ngay fawayan namaurianan anya fagayu kata sik idu talun, ay kata sik mela tagfanya at fagnangonun tagduksun siginans furuan. Umfasludan takatanya sa anya fagayu aroro ngayu ginan gtalyuyan Yawi.

Eremyas 50:17

“Ngay taw Israel kata way sik ngay tupa at nasaruayan aroro ngay liun gfafalo. Taguna, fun Asirya naon anya fagayu, ay Nabukudunusur, Babilunya at fun, at narufa at ngay bini.

Eremyas 51:38

Ay ngay taw Babilunya ban gsubang kata sik liun at riangan takalunus.

Eremyas 6:8

Ngay taw tagbanwan sis Erusalem, kanya sik famararang sa ayu, ay nu dway am kaylat gdungugan, nangayayu au siginan ayu, ay ay talun umsik mabaluanan at yud e gbanwan ya.”

Eremyas 9:10

Eremyas nalong te, Nanwayway au maksvn laman sa sangay buksul ay sa sangay fagnamafangonan, aroro at makmak an-gong wan ay we gdalan ya sanya. Ay kwe dungganan ya ngay baka nu guni, ay anggan ngay manuk tungud ay tiba yak mela anyayu wan.

Eremyas 9:11

Yawi glong te, “Nanrasras kwan Erusalem, ay kanya umkata at kinbaras fag ngay gang, ay tagbanwan ban sanya idu talun way lang. Ay fagayu ban furuan tagsis Uda namakata au at yud e taw fag talun, ay wa ban e gbanwan ya sanya.”

Esekyel 36:3

“Nu katanya, nanlong o sa kafag ngay buksul te, ‘Au, Fun Dius Yawi, glong au te, tibak talun at ngay taw nafawayan ay nagbilug ayu. Ay kanya fagayu gfalingun gugat ay gfapla ayu.

Esekyel 5:14

Nanrasras kban ay furuan daul ay tagligung ban ayu fag ngay furuan ay fagayu ban taw tagdalan sa ay furuan gfalingun ayu.

Usea 11:10

Galo am angku nung au gsubang kata sik liun. Ay gina au gsubang, masakit nu guli am siginans fakayabian.

Usea 5:14

Aroro kata kban sik liun laman namabo Israel ay Uda. Namabul kban anya fagayu, ay namuba sa tibak talun ay wa ban e mafalangfe anya.

Amus 3:12

Yawi nalong yangay fia te, “Sik liun nu nangon way sik tupa, tagalaga at fagmagoun, tibaginan dua way langk si, ay mannga sik talinga. Katanya yangay ban takadasug sa ayu ngay taw Israel tagbanwan sis Samarya, wa ban am e fagmafalangfeun sangay sik afud ay igyan.”

Amus 3:4

O nunda sik liun gsubang deyud e fagnangagatun? Ay o gngarngar deyud e nagamat?

Amus 3:8

Sinu at yud kalimu liun nu nasubang? Ay sinu at yud nanfamoyung, Fun Dius Yawi nu nasugu?

Naum 2:11

Furuan Ninibe ebi kata oma sik luib, ngay liun at fagbanwanan. Ngay liun talananan glo sanya yud e fakalimuun.

Sefanias 1:18

Gina kban gfaurianan fag menit, we mafalangfe anya fagayu, dewa at ngay salapi ay at ngay gintu. Ku dotama kata afuy tagirug fagdaul daga. Ay masakit nu gfamin au fagayu tagbanwan sas fagdaul daga.”

Sefanias 2:5

Ida am, ngay taw Filistia tagbanwan sis tigyangan dagat. Katatuy Yawi at longan sabaliwa ayu: Namaurianan kwan ayu fag ngay taw Filistia tagbanwan sis Kanaan; namamin kwan ayu fagayu, ay kwa namae sawad ya.

Sefanias 3:6

Yawi nalong te, “Nafabul kwan tibak talun at ngay taw ay narasras kwan at ngay furuan anggan at ngay alad ay at fagulitan fag ngay afud alad at mogat. We sawad ya tagbanwan sanya fag ngay furuan, nu katanya, we glao ya sat ngay dalan.

Sakaryas 11:3

Dungugani, ngay tagalaga tupa gwayway, aroro at fagnamafangonan wa masine ya. Dungugani yangay ngay mela nu guni aroro at fagbanwanan fag ngay araw tagsis tigyangan Urdan antubas wan.

Tagfangguna 14:5

Nu katanya, Samsun ay anggan at fagtainan nalao sas Timna. Ay gina glao, Samsun nadalan sa sik tanuman wat ubas ay sik liun tumad nafablang wa vtv anya.