Eremyas 2:13 - Fanawbuid tagsibaliwas Fakayabian

¹³ Ku ngay taw nafakamulun duak asalanan: kanya fagayu natalyuyan angku, au oma tagfon leleg fag bulbug, ay naseg tibak fagsegan kata nu naali sik bubun takalanggang way.

Eremyas 2:13 ပူးပေါင်းရင်းမြစ်များ

2 Fun 22:17

Namalag au ku dotama stae fag furuan, ay wa ban e mafaragang, aroro ku ngay taw natalyuyan angku ay nawat tibak fagsegan ay naseg.’

Alubad. 36:9

Aroro o wan takata sik bulbug tagfon leleg. Siginan am fagmayamagun, em ngay amatanganan ansine tua.

Takamoyung 1:14

Nalag au te, taw at fakamulun fagayu ste sfagdaul daga we masuad. Kata way nu gfafalo o tagmara, fagayu nusnge wain we masuad.

Takamoyung 1:2

We masuad! Fagayu we masuad!

Takamoyung 12:8

Takamoyung nalong te, we masuad! Matuyan wan fagayu we masuad!

Takamoyung 2:11

Dewa katanya, nu namatangan au fia ku ngay nafakamulun ay ku ngay nagdalanan stes fagdaul daga, we masuad.

Takamoyung 2:21

Aroro dewa o nagwantan nangagbilug fagsafulun sam amatanganan ay am fagmakatuun, kanya ban fagayu gfamato way o sat yud nainlufuyan fag taw. Ay takatanya wa yangay e masuad ay wa matuyan.

Takamoyung 2:26

Aroro Dius gfae fagsafulun ay gfae fagusegananun, ay gfasik mamatanganan, fagayu tagfauseganan anya. Ay Dius gfon sa sangay taw tagfakamulun mauri ngay fakamulun laman gfaful ngay ramraman ay gfon sas fagayu tagfauseganan Dius. Nu katanya, ngay taw mauri at fakamulun fagayu we masuad. Kata way nu gfafalo tagmara.

Takamoyung 4:4

Nalag kyangay taw nu gugatan gfakamulun fagayu sas fagdaul at fagmakatuun aroro galabian at ngay iba. Fagayu takatanya we masuad, kata way nu gfafalo tagmara.

Isayas 1:3

Ngay baka gtoglag tua at tagalaga, ay ngay asnu saful tua nu dada at fagnamafangonan, dewa katanya, ku ngay taw Israel wa gtoglag angku, ay we fagsafulun.”

Isayas 1:4

Ida! Kanya fagayu ngay tagasalanan way, ay sik gaban taw tagfakamulun at mauri sat iba. Ay sas fagdaul at talun maksvn wan at fagmauriun, nu katanya kanya fagayu kata nu gbuba at mabyat fag famubaun. Am fag ngay taw at maksvn nu mauri, natalyuyan am Yawi, nafalingun am Israel at Dius at yud e Malong, ay wam gfaning ya anya.

Isayas 12:3

Nu setain sik mamam marios nu mafafauseganan sik taw takadanum, katanya yangay anggan am, useganani sas Yawi siginan at nafalangfe ayu.

Isayas 5:13

Nu katanya, ku ngay taw ban gatabanan, aroro kanya fagayu wa gamatangan ya ku ngay nafakamulun laman sa anya fagayu. Kabul ban am sas fanlunus ay sas fandanum gasfuan ay ngay tagfangguna.

Isayas 55:2

Wain ay fagfangulanun ay ngay salapi sat yud e tungkul fag ngay fakonun? Wain ay fagfaminun ay nalufuyan sat yud mafapsug ayu? Dungugani angku, ay oni at mataba fag ngay fakonun.

Isayas 63:8

Yawi nalong te, “Matuyan kanya fagayu ku ngay taw, ay ku ngay sisian at yud nafamabo angku.” Nu katanya, Yawi nafalangfe anya fagayu.

Eremyas 1:16

Namaurianan kban ku ngay taw tagfakamulun at mauri, aroro kanya fagayu natalyuyan angku siginan nu girug famaebebanglu fag lune ay nu gseg at nawat fag ngay fagsegan.

Eremyas 14:3

At ngay maramraman nasugu at ngay fagsuguan laman nanagub. Ay kafag ngay fagsuguan nalao sa sangay bubun, dewa katanya we mamam. Nu katanya, kanya fagayu anfoli ay we bilug at ngay baringan, ay at kaksvnan nu kapla natabun at ngay alfuyu.

Eremyas 15:6

Natalyuyan am ay anyayu siginan angku. Nu katanya, au, Yawi, glong au te, namalugde au ku ngay take laman namamin ayu ay kwa kafanyu ya ayu.

Eremyas 17:13

Yawi o wan Israel at fagsegun. Fagayu ban at kinyayu emu umkapla. E namoli ban anya fagayu sas daga, aroro kanya fagayu nafamabo emu, fag bukbuan leleg.

Eremyas 18:14

O dagat ro kalanggang? O sik liskung kasik fagtanuman? Duan!

Eremyas 19:4

Namakamulun kban takatanya aroro ku ngay taw natalyuyan angku ay nafili sanya fag datag laman at fagnamonan at ngay fagirugun fag ngay fanggalangun sa sangay fagsegan at yud gleleg. Kanya fagayu ay anggan at ngay mangaguyang ay Uda at ngay fun wa toglag kafag fagsegan. Ay sanya fag datag kanya fagayu nafabul yangay at bagu kasalug fag ngay sisian.

Eremyas 2:11

O nunda tibak talun at taw natubus at ngay fagsegan deyud matuyan? Au wan at mabalyanan fag Dius, dewa katanya, ku ngay taw naseg wan tibak fagsegan abat ngate gseg angku.

Eremyas 2:17

Ngay taw Israel, am yay at nafaurianan ayu, aroro natalyuyan am angku, au ay Dius Yawi at naufud ayu gina am glao.

Eremyas 2:26

Ngay taw Israel, umkapla ban am kata at nagamatan fag tagfangkamul. Gafaplan ban am, anggan ay ngay fun, ay ay ngay tagfangguna, ay ay ngay tagfon fanggalangun ay ay ngay taglong.

Eremyas 4:22

Yawi nalong te, “Ku ngay taw we fagsafulun; kanya fagayu wa toglag angku, kata way sik ngay baguama yud e fagsafulun ay at yud gtogdungug, ay annanad gfakamulun at mauri ay wa saful gfakamulun at masine.”

Eremyas 5:26

Ku ngay taw at mauri gfanya at fagnamauriun. Kanya fagayu kata sik takawat sangdaw fanggamat ngay manuk tungud, ay nafoli sangdaw laman sa sangay taw.

Eremyas 5:31

At ngay taglong kamuag nu gfoyung, ay at ngay tagfon fanggalangun gfangguna siginan at ngay sadili fagsafulun, ay ku ngay taw maksvn nu kaylat takatanya. Dewa katanya, tain ban at fakamulun nu ndasug at fakatabuan fag buknga?”

Esekyel 14:5

Namakamulun kban takatanya laman ban umfoli yay fagayu taw Israel at kinyayu angku, siginan nu gseg tibak fagsegan.’

Esekyel 47:1

Sanya ginan, kafag taw tagfakamatoan angku nataban angku sas Dius at bale at sakbawan, ay sanya nalag au mamam nu gfamilugan siginans Dius at bale at daga sakbawan. (Kafag sakbawan sibaliwas fakamenitan.) Ay kafag bulbug gfamilugan sabaliwas fasiunan fag tigyangan fagirugan.

Mikas 2:8

Dewa katanya, gfawayan wayam ku ngay taw at yud e kwa kata sik ngay fawayan. Kanya fagayu nu glong, nu noli tua ro sat furuan siginans fagawayanan, anlangfe wan. Aroro mangaro nangagbilug wayam kafag ngay taw at ngay lanbung.

Mikas 6:3

Yawi nalong te, “Ku ngay taw, nataw ku nafakamulun sa ayu at mauri? O nunda nafaidapan au ayu? Balusi angku.

Sakaryas 13:1

Yawi at Mabalyanan nalong te, “Ginanya ban fag menit, nanluang au bulbug at fun laman sas Dabid at kasugfunanan ay sa sangay taw Erusalem laman namalyam at ngay asalanan ay at fagmasuyaun. Namalyam kwan ngay fagsegan siginans Erusalem laman kanya fagayu wa gamatang ya. Nangaiyan kwan siginans Erusalem ngay taglong ay at mauri fag ngay falad.

Uan 4:10

Isus gbalus anya te, “Nu nasaful di o te, nataw Dius at fagnamonun sas taw, ay sinu taget sa emu mamam, malgau ro o way taget sa anya ay gfon ro emu tagfon leleg fag mamam.”

Uan 4:11

Kanya fag mangena glong te, “Fagmangama, wo e fantas, ngabasad way bubun. Dada ro nu namul o tagfon leleg fag mamam?

Uan 4:14

Ay dewa katanya, nusnga sinu ban at nainum ku fon fag mamam di kadanum ya. Ay kanya fag mamam kata sik bulbug gfamilugan sat basad, laman gfon leleg at yud e fakatabuan.”

Uan 7:37

Nu ndasug taguyan ay at mafanud fia fag menit ginanya fag fagmafulun, Isus namalindug ay maksvn nu glong te, “Nusnga sinu takadanum akbangi sa angku ay inumi.

Deuterunumyu 31:16

Ay nalong sas Muisis te, “Munakbang wan nu kabul o ay nu nangalo o am ngay mangaguyang. Nu nbul ban o, ngay taw ban nanseg tibak fagsegan, sa ban at fakadasugan fag talun at ngay fagsegan. Kanya ban fagayu gtalyuyan angku, ay namayud ban e masuad ku nawat fag nasadian laman sa anya fagayu.

2 Pedru 2:17

Kanya fag ngay taw kata way at malanggangan fag bulbug, ay kata linyabu nu nauyupan fulug. Dius nafalganan wan sik fagmadulumun laman sa kafag ngay taw.

At Nafasure 21:6

Ay kanya glong yangay fia sa angku te, “Anfasludan wan. Au wan taguna ay taguyan, ay at fakasigadan ay at fakatabuan. Nusnga sinu takadanum, gfainum au yud e bayad fag mamam tagsiginans bulbug tagfon leleg.

At Nafasure 22:1

Sanya ginan kafag tagbarita nafalag sa angku sik tagfon leleg fag liskung, malyo mandi, gbulbugan siginans Dius ay Tupa Riangan at faglunggungan,

At Nafasure 22:17

At Masine fag Falad ay Tupa Riangan at bubay glong te, “Gewan.” Ay fagayu at nadungug tuy at masine nu glong yangay te, “Gewan.” Ay nusnga sinu takadanum, akbangi, ay nusnga sinu takaylat, buli at yud e famayad fag mamam tagfon leleg.

Tagfangguna 10:13

Dewa katanya, nafamabo am angku ay naseg tibak fagsegan. Nu katanya, katsi kwa gfalangfe ya ayu.

1 Samwel 12:10

Ay kafag ngay taw nadog yay naet gubuk sas Yawi ay glong te, ‘Yawi, anke asalanan ami. Nafamabo ami emu ay naseg ami Baal ay Asturet fag fagsegan. Katsi falangfei emi siginan em ngay fawayan, ay gseg ban mi emu.’