Eremyas 2:12 - Fanawbuid tagsibaliwas Fakayabian

¹² Ay fagdaul banwa anlipsik aroro sa kafag ngay taw at nafakamulun, ay at kaksvnan nu kalimu gtadtaruyan. Au, Yawi, taglong tuy.

Eremyas 2:12 ပူးပေါင်းရင်းမြစ်များ

Isayas 1:2

“Au, Yawi, glong au te, am tagsis banwa ay tagsis daga, dungugani! Nalaga au ay nafagurang ku ngay sisian fag ngay taw Israel, dewa katanya, kanya fagayu kamabo way angku.

Isayas 29:9

Am fag ngay taw Uda, katai yud e nasafulan. Katai yud glag. Alangui ay ranranugani, bunwa aroro nainum am fanlangu.

Eremyas 18:13

Nu katanya, katatuy Yawi at longan, “Intoi sa tibak talun te, ‘O e nadungug wam at kinfasludan takatanya?’ Ngay taw Israel wa oma e mamalong, dewa katanya, kanya nafakamulun nusnga setaw at mauri!

Eremyas 22:29

Am fag ngay tagbanwan sis talun Uda, dungugani Yawi at longan.

Eremyas 4:23

Sanya ginan, nabanawan au sas fagdaul talun ay nalag au te, we kawalungan ya ay we gleleg ya. Ay natangda au sas banwa ay we yamag ya.

Eremyas 6:19

Ngay taw sas fagdaul daga, dungugani! Gfadasug kban sik maksvn fag faurianan sa sangay taw tagbanwan ste, laman sik faurianan sat ngay algan. Aroro kanya fagayu wa kaylat gdungugan ku ngay longan, ay wa nafaning ku ngay suguan.

Mikas 6:2

Ay am fag ngay buksul, fagdaul daga at mogat at fagtungkudan, dungugani Yawi at longan sat ngay taw Israel.”

Mateu 27:45

Ay siginans wabilug menit, andulum way lang sanya fag talun. Ay nu madulum, sitsigon sfatulu sas fafun baliwa.

Deuterunumyu 32:1

Banwa dungugani, garingang au! Ay daga dungugani ku ngay longan.