Eremyas 2:11 - Fanawbuid tagsibaliwas Fakayabian

¹¹ O nunda tibak talun at taw natubus at ngay fagsegan deyud matuyan? Au wan at mabalyanan fag Dius, dewa katanya, ku ngay taw naseg wan tibak fagsegan abat ngate gseg angku.

Eremyas 2:11 ပူးပေါင်းရင်းမြစ်များ

1 Fun 11:33

Namakamulun au takatanya aroro kanya natalyuyan angku ay naseg Asturet, taw Sidun at fagsegan mangena, ay Kemus, taw Muab at fagsegan, ay Mulek, taw Amun at fagsegan. Wa nafaning angku ay wa nafakamulun at masine sa ku daga salubangan laman gfaning ku ngay suguan ay ku ngay faugali, kata at mama Dabid.

2 Fun 1:3

Ay Yawi at tagbarita glong sas Elyas fag taw Tisbe te, “Namablang o Samarya at fun at ngay tagfosuk longan ay intoi sa anya fagayu te, ‘Wain yay ay fagnangakbangun sas Baal-Sebub, furuan Ekrun at fagsegan? O nunda we Dius sis Israel?’

2 Krunika 13:9

Naiyan am Yawi at ngay tagfon fanggalangun Arun at ngay kasugfunanan, ay ngay taw Lebi, ay nafili am ay sadili tagfon fanggalangun kata tibak talun at fakamulun. Nusnga sinu si ayu at ke baka tama ay at ke fituk tama tupa, nafili wam anya laman ay tagfon fanggalangun sa ay fagsegan at yud mafanud.

Alubad. 106:20

Dewa Dius tua at mabalyanan, kanya fagayu natubus anya sa sik fagsegan takata sik baka takon way makmak.

Alubad. 115:4

Kafag ngay taw at ngay fagsegan, taw way at nawat, at fangawat gintu ay salapi.

Alubad. 3:3

Ay at mafanud, o wan ku tagbalabag. Nafasik takadungug tuo angku, ay nafababo tuo angku sa ku ngay fawayan.

Isayas 37:19

Kanya fagayu nafamin wan fagayu at ngay fagsegan ay naukas sasad afuy. Aroro kanya fagayu bunwa at matuyan fag dius; sik ngay kayu way ay ngay gang ngay taw at nawat.

Eremyas 16:20

O nunda sik taw mawat way at Dius? Nu at nawat way ro, bunwa at matuyan fag Dius!’ ”

Eremyas 18:13

Nu katanya, katatuy Yawi at longan, “Intoi sa tibak talun te, ‘O e nadungug wam at kinfasludan takatanya?’ Ngay taw Israel wa oma e mamalong, dewa katanya, kanya nafakamulun nusnga setaw at mauri!

Eremyas 2:5

Katatuy at longan: “Nataw fag asalanan ay ngay mangaguyang at nalag si angku, at fagnatalyuyanun angku? Kanya fagayu naseg at yud e masuad fag ngay fagsegan, nu katanya, kanya fagayu ansik yud yangay e masuad.

Eremyas 2:8

Ay anggan ngay tagfon fanggalangun wa grvbvy ya angku. Ay ngay tagfoyung ku suguan wa yangay gtoglag ya angku. Ngay tagfangguna gfauri angku. Ay ngay taglong at foyungan sa way baliwas Baal at ngayan ay gseg at yud matuyan fag ngay fagsegan.

Eremyas 5:7

Yawi nalong sa anya fagayu te, “Wain ro ku fagfalyamun ay ngay asalanan? Ay anggan ay ngay sisian natalyuyan wan angku ay nafatuyanan sat yud matuyan fag ngay fagsegan. Nafon koma anggan sa ay ngay sisian at ngay fagayudanun. Dewa katanya, natalyuyan yayam fia angku ay maful am si takamatugtug fag mangena at bale.

Esekyel 14:5

Namakamulun kban takatanya laman ban umfoli yay fagayu taw Israel at kinyayu angku, siginan nu gseg tibak fagsegan.’

Esekyel 5:7

Au, Yawi ay Fun, glong kyay fia te, ngay taw Erusalem, nu mauri am, aksvn yap tua tagsi ay ligung fag ngay talun. Aroro wam nafaning ku ngay suguan ay ku ngay faugali, ay nusdi at munakbang si ayu fag ngay talun at ngay faugali wam nafaning.

Mikas 4:5

Ngay taw ban dewa gfataglayun gseg at ngay fagsegan, ami ban gfataglayun tuami gugat gseg Yawi em Dius.

Ruma 1:23

Kanya fagayu wa gseg at yud kabul fag Dius, abat ngate, gseg way tibak fagsegan takata sik taw at kawalungan, ay manuk tungud, ay fagbaugun tagufat at darafa, ay ngay tagalafangan.

1 Kurintu 8:4

Nu katanya, sabaliwas fakonun at nafon sat yud matuyan fag ngay fagsegan, saful watam te, ngay fagsegan bunwa kanya at matuyan fag Dius, ay tam Dius sadi way.

Galasya 4:8

Ebi, gina am yud natoglag Dius, gafagsuguanan am tibak fagsegan.

Deuterunumyu 32:16

Kanya fagayu nafasulup ay nafadotama Yawi, siginan nu gseg tibak fagsegan at maksvn nu mauri.

Deuterunumyu 32:21

Ay kanya fagayu gfasulupan angku sat yud matuyan fag fagsegan, ay nafadotama angku siginan nu gseg at yud e tungkul fag ngay fagsegan. Nu katanya, gfasulupan kyangay anya fagayu siginan nu gfon au ku ngay famonun sa tibak talun. Ay gfae fakauriun kyangay anya fagayu siginan nu gfon au ku ngay famonun sat yud e fagsafulun fag ngay talun at ngay taw.

Deuterunumyu 33:29

Ngay taw Israel, mauseganan tuam! We gfasud ayu, aroro ay Yawi nafalangfe ayu, Yawi wan ay tagdiri ay ay taggubuk, Yawi yangay tagfawayan laman sa ayu. Ay ngay fawayan ban galafangan sabaliwa ayu, ay gsiad ban am at ngay guyuy.”

1 Pedru 1:18

Nasaful wam at nafalangfe ayu siginan at yud e tungkul fag ugali, tagsiginan ay ngay mangaguyang. At nafalangfe ayu bunwa takarasras ay takamin, kata sanbung salapi ay gintu,

1 Samwel 4:21

Kanya nu gakabulun wan, nafangayan at sisian te, Ikabud, aroro kanya nalong te, “Dius at fagmasineun wa gufud ya ngay taw Israel.” Kanya nalong takatanya aroro Fagsuadan Nasadian nagoan wan, ay at mangama ay at nugangama anbul wan.