Eremyas 19:7 - Fanawbuid tagsibaliwas Fakayabian

⁷ “ ‘Nansalag au Uda ay Erusalem at algan. Ay nangagbilug kban at ngay fawayan laman gfabul anya fagayu, ay namaon kban at ngay bilug sa sangay manuk tungud ay sa sangay mangilafang tagsisad araw.

Eremyas 19:7 ပူးပေါင်းရင်းမြစ်များ

2 Fun 21:14

Naiyan au dewa ku ngay taw at sawad, ay nafatabanan au sat ngay fawayan.

Fangatulun 21:30

We mafasud Yawi at fagsafulun ay at fagmamatanganun.

Isayas 29:14

Nu katanya, gdog kyay nangawat sik madulo fag ngay fakamulun sanya fag ngay taw. Ay umkalyam ban at ke fagsafulun fag ngay taw at nasafulan, ay umkalyam ban tagtogdungug fag ngay taw at fagmatogdungugun.”

Isayas 8:10

Nusnga setaw ban ay nafalganan fag fakamulun laman gfawayan am emi, wa ban umfasludan kata ay algan, aroro Dius gufud tua emi.

Eremyas 15:2

Ay kanya fagayu nu nainto te, ‘Dada ro nu glao ami?’ nanlong ro wo te, ‘Yawi glong te, Fagayu ku natuyan kabul sas fakasaitun, umbul sas fakasaitun. Ay ku natuyan te, kabul sas awayan umbul sas awayan, ay ku natuyan te, kabul sas fanlunus umbul sas fanlunus, ay ku natuyan te, gatabanan, e tumaban ban.’

Eremyas 15:9

E sik mina at ke baguama fitu. Kanya karanug ay gidapan gengasan. Aroro at ngay baguama kata sik menit at kinfalyu gina mamenit yay. Ay kanya umkapla aroro we baguama ya. Ay namabul kban sas awayan fagayu at sawad. Au, Yawi, taglong tuy.”

Eremyas 16:4

Kanya ban fagayu umbul siginan at maksvn fag fakasaitun. Wa ban e gamatang ya ay we namoli ya anya fagayu. At ngay bilug ban grapyagan sanya fag talun kata sik fagbaugun at ngay kek. Ay e kabul yangay ban sas awayan ay sas fanlunus. Sanya ginan ban ngay manuk tungud ay at madot fag ngay mela nangon kanya fag ngay taw at ngay bilug.”

Eremyas 18:21

Nu katanya, fabayani wan at ngay sisian nu kabul sis fanlunus ay sis awayan. Fasik ngay fagbubayuni wan at ngay mangena, ay fabayani wan at ngay sisian nu kabul. Ay fabayani yangay at ngay mangama nu kabul sas fakasaitun ay at ngay baguama nu kabul sas fagawayanan.

Eremyas 21:7

Ay o Sedekya, Uda at fun, ay am ngay tagfangguna, ay anggan ban fagayu at kinsawad at yud anbul sas faurianan, sas awayan, ay sas lunus, namon au ayu sa ay fawayan Nabukudunusur, Babilunya at fun. Ay kanya ban we afanyu ya gfabul ayu. Au, Yawi, taglong tuy.’

Eremyas 22:19

Nu namoli ban anya kata way nu gfoli sik asnu at kinbul; nangguyudan ban at bilug ay namaduksun sas Erusalem at sakbawan laman nangukas.

Eremyas 22:25

Ay namon au emu sam ngay fawayan takaylat namabul emu. Namon au emu sas Nabukudunusur, Babilunya at fun ay sat ngay tagfawayan.

Eremyas 32:28

Nu katanya, amatangani, namon kwan tuy fag furuan sa sangay taw Babilunya ay sat fun Nabukudunusur, ay kanya ban fagayu gagbilug wan tuy fag furuan.

Eremyas 34:20

Ay gfon kban anya fagayu sa sangay taw takaylat gfabul anya fagayu. Ay at ngay bilug ban umsik fakonun sa sangay manuk tungud ay sa sangay mangilafang tagsis talun.

Eremyas 46:26

Namon kban anya fagayu sas nusnga sinu takaylat gfabul anya fagayu, sas Nabukudunusur, Babilunya at fun, ay sat ngay tagfangguna. Dewa katanya, kadasug yangay ban at buknga, ngay taw nu gdog namanwan sas talun Igiptu kata ebi taguna. Au, Yawi, taglong tuy.

Eremyas 7:33

Ngay manuk tungud ay at madot fag ngay mela nangon ku ngay taw at bilug at mabulan, ay nusnga sinu we manansabug ya.

Eremyas 8:2

Ay namarapyagan kban sa sik talun kafag ngay taw at ngay bini. Ay matimrangan ban sis menit at sugba ay sis magdanun ay si sangay galeme at yamag. Katanya ban at faurianan sa kafag ngay taw aroro nesug menit ay magdanun ay ngay galeme, ay nafaning kafag ngay tagyamag ay ankakbang sanya ay nafauseganan.

Eremyas 8:8

Setain nu malong am te, e fagsafulun am? O aroro saful wayam Yawi at faugali? At matuyan, ay ngay takamoyung natubus wan Yawi at faugali.

Eremyas 8:9

Ngay taw taglong te, e fagsafulun ami, umke fakaplaun ay umke fakalimuun aroro e nantaban ban anya fagayu. Aroro kanya fagayu natalyuyan ku ngay longan, nataw fag fagsafulun tagsi anya?

Takabalu 3:37

Fun Dius nu dway kaylat, we kafasludan nusnge wain.

Lebitiku 26:17

Gfabayan kban ay fawayan nu gbabo ayu, ay kanya ban fagayu gagbilug ayu. Ay at kaksvnan ban nu kalimu am gtadtaruyan ban am glagyu, dewa yud e gfafalo ayu.

Lebitiku 26:25

Gfadasug kban sa ayu ay ngay fawayan laman namaidapan ayu aroro wam nafaning tam nasadian. Dewa ban am nasuksuan sa ay furuan, gfaurianan kyay ban fia ayu, ay gafabulunan ban am namababaun sa ay ngay fawayan.

Ruma 3:31

Nu katanya, o gfae yud tam e tungkul Muisis at Faugali, siginan tam fagafanudun? Anud, duan. Nu bunway kaugat nu gfae tungkul tam Muisis at Faugali.

Ruma 4:14

Sik taw nu nangagbilug Dius at fatuyanan nu siginan way at fagfaningun Muisis at Faugali, fagafanudun we tungkul, ay Dius at fatuyanan wa yangay e tungkul.

1 Samwel 17:46

Katsi ro fag menit Yawi ro ggubuk angku laman mababo au emu. Gfabul kro emu ay glifung am liug. Ay am ngay kaiban ro fag ngay taw Filistia at ngay bilug namaon au sa sangay manuk tungud ay sa sangay tagfangagat fag ngay mela laman ngay taw sas fagdaul daga sumaful te, taw Israel e Dius.