Eremyas 19:4 - Fanawbuid tagsibaliwas Fakayabian

⁴ Namakamulun kban takatanya aroro ku ngay taw natalyuyan angku ay nafili sanya fag datag laman at fagnamonan at ngay fagirugun fag ngay fanggalangun sa sangay fagsegan at yud gleleg. Kanya fagayu ay anggan at ngay mangaguyang ay Uda at ngay fun wa toglag kafag fagsegan. Ay sanya fag datag kanya fagayu nafabul yangay at bagu kasalug fag ngay sisian.

Eremyas 19:4 ပူးပေါင်းရင်းမြစ်များ

2 Fun 21:16

Ngayu Manase at nafabul at yud e asalanan ay at ngay taguk ankapnu Erusalem at dalan. Saman ya nu gfae asalanan ngay taw Uda sis Yawi at daga salubangan.

2 Fun 23:10

Fun Usyas nasugu yangay laman giklas fagnansegan sis Tufet, sis datag Ben-Inum, laman we namon ya at ngay sisian laman at fanggalangun sas Mulek.

2 Fun 24:4

Manase nafabul ngay taw at yud e kwa ay nafatayuk taguk sas Erusalem, ay Yawi wa nafalyam at asalanan takatanya.

Alubad. 106:38

Kanya fagayu nafasik masuya at talun, siginan nu gfabul at ngay sisian dewa yud e asalanan, laman at fon sa sangay taw Kanaan at ngay fagsegan.

Isayas 59:7

Gabanganan am namakamulun at mauri ay gfabul am at yud e asalanan. Kabavn ay amatanganan mauri way, ay nusnga nday am, wam e nafakamulun masine nu bunway fagmauriun way lang.

Isayas 65:11

Ay dewa katanya, namaurianan kban ayu fag ngay taw at yud gfaning angku ay at yud gfae masuad ku nafili fag buksul at yud e malong. Nustua gfon wayam ay ngay fanggalangun sa sangay fagsegan nu dada nu gafanud am te, gfadasug ban sa ayu at masine.

Eremyas 1:16

Namaurianan kban ku ngay taw tagfakamulun at mauri, aroro kanya fagayu natalyuyan angku siginan nu girug famaebebanglu fag lune ay nu gseg at nawat fag ngay fagsegan.

Eremyas 11:13

Ngay taw Uda, ay ngay fagsegan at kayuan kayu yangay ay furuan. Ay nu seyu sis furuan Erusalem at ngay fagaweanan, kayu yangay nya ay nawat fagirugan laman ay fagfonan ngay fanggalangun laman sas Baal fag fagsegan at maksvn nu mauri.’

Eremyas 15:6

Natalyuyan am ay anyayu siginan angku. Nu katanya, au, Yawi, glong au te, namalugde au ku ngay take laman namamin ayu ay kwa kafanyu ya ayu.

Eremyas 16:11

Longi ban sa anya fagayu te, katatuy ku famalus: ‘Nafakamulun au takatatuy aroro ay ngay mangaguyang natalyuyan angku. Kanya fagayu nafaning ay naseg tibak fagsegan. Ay naubun angku ay wa nafaning ku suguan.

Eremyas 17:13

Yawi o wan Israel at fagsegun. Fagayu ban at kinyayu emu umkapla. E namoli ban anya fagayu sas daga, aroro kanya fagayu nafamabo emu, fag bukbuan leleg.

Eremyas 17:20

Ay nanlong o sas Uda at fun ay anggan sat fagfunanun fag ngay taw, anggan sa sangay taw tagbanwan sis Erusalem te, ‘Dungugani Yawi at longan.’

Eremyas 18:15

Dewa katanya, ku ngay taw nalyam wan angku. Kanya fagayu girug famaebebanglu laman sa tibak ngay fagsegan. Ay kanya fagayu naubun wan at masine ay at matuyan fag dalan, ay nalao way sat yud matuyan, nu inda nu kalub.

Eremyas 2:13

Ku ngay taw nafakamulun duak asalanan: kanya fagayu natalyuyan angku, au oma tagfon leleg fag bulbug, ay naseg tibak fagsegan kata nu naali sik bubun takalanggang way.

Eremyas 2:17

Ngay taw Israel, am yay at nafaurianan ayu, aroro natalyuyan am angku, au ay Dius Yawi at naufud ayu gina am glao.

Eremyas 2:19

Nu katanya, namaurianan au ayu aroro sa ay fagmauriun ay sa ay natalyuyanan angku. Amatangani nu se aksvn nu mauri am ay nu se maidap ay natalyuyanan ay ay nafamaboan angku. Au ay Fun, Yawi at Mabalyanan taglong tuy.

Eremyas 2:30

Nafauri koma ay ngay sisian, dewa katanya, wa naubun at fagmauriun, ay wa nafayfoyung. Ay nafabul wam ay ngay taglong, kata sik liun takalunus nu gfabul.

Eremyas 2:34

Ay ngay lanbung gatagukun ngay taw at yud e asalanan ay at yud e kwa at taguk. Nafabul am anya fagayu deyud am batang glag nu gsakbo sa ay ngay bale. Ay dewa kaksvn nya ay nafakamulun,

Eremyas 22:17

Dewa katanya, kabavn emu am fakaylatun gfandaya way o, ay namabul at yud e asalanan, ay nanfamalingun, ay namakamulun at mauri.

Eremyas 22:3

Fakamuluni tua at ke fagmanabayanun ay at ke fagmasineun. Gubuki at nafangkamulan, ay falangfei anya fagayu siginan tagfaidapan. Lag am gfauri ay ngay betaw, ay at yud e fagtainan ya, ay anggan ngay fagbubayun. Ay lag am gfabul ngay taw at yud e asalanan.

Eremyas 26:15

Dewa katanya, amatangani te, nu nafabul ro am angku, am ay anggan ay ngay taw umke mamalong ro, aroro nafabul am at yud e asalanan fag taw. At matuyan, Yawi nasugu angku laman gfoyung au sa ayu kata ay nadungug.”

Eremyas 26:23

Nu katanya, kanya fagayu nalao sas talun Igiptu ay nataban anya sas fun Yuyakim, ay kanya fagayu nafabul Urya siginans fiso tagsumbalian at uyup, ay naukas at bilug sas fagfolian at yud kadungug fag ngay taw.

Eremyas 44:3

aroro sa sangay taw tagbanwan sanya at ngay asalanan. Kanya fagayu nafadotama angku siginan nu girug at ngay famaebebanglu ay nu gseg tibak fagsegan at fagyudun toglag ay anggan at ngay mangaguyang at fagyudun toglag.

Eremyas 5:6

Nu katanya, at ngay fawayan namaurianan anya fagayu kata sik idu talun, ay kata sik mela tagfanya at fagnangonun tagduksun siginans furuan. Umfasludan takatanya sa anya fagayu aroro ngayu ginan gtalyuyan Yawi.

Eremyas 7:6

ay lag am gfaidapan ya ngay taw tagsiginan tibak talun, ay at yud e ngay fagtainan ya, ay ngay fagbubayun. Lag am gfabul at yud e asalanan ay lag am gseg ya tibak fagsegan tagtaban ayu sas faurianan.

Eremyas 7:9

Gfangkamul am, kamabul, kamatugtug, kamuagan nu gfatuyan, girug am famaebebanglu laman sas Baal, ay gseg am tibak fagsegan ay fagyudun toglag.

Takabalu 4:13

Andasug takatanya, aroro sa sangay taglong ay sa sangay tagfon fanggalangun at asalanan nu gfabul ngay taw at yud e asalanan.

Esekyel 20:26

Nafabayan kwan kafag ngay taw nu gfauri at ngay sadili siginan nu gfon ngay fanggalangun sat ngay fagsegan. Ay nafabayan kyangay nu gfon at ngay baguama tiba kaka laman at fanggalangun. Nafabayan au kanya fagayu nu gfakamulun takatanya laman kanya fagayu garinun kalimu ay sumaful te, au Yawi.

Esekyel 7:22

Kwa ban kasalag ya tagfangkamul nu gsakbo sa ku bale ay nu gfangkamul nusnge wain tagsanya. Ngay tagfangkamul ban nanakbo ay namasuya ku bale.

Esekyel 8:11

Ay malindug sanya Israel at ngay tagfangguna fag fituk safulu, ay at sadi tagsanya, Aasanya, Safan at baguama. Ay galay at sadi e bitbitan famanus famaebebanglu, ay kanus sat tungud.

Daniel 11:31

“Ay tagsis fawalan ban fag fun gsugu sat ngay tagfawayan laman gfauri Yawi at bale at maaladan. Kanya namaragang nu gfon fanggalangun ay namasakbo sas Yawi at bale at mauri fag fagagbilugun laman gfayud e masuad Yawi at bale.

Lukas 11:50

Nu katanya, e faurianan ban am aroro fagayu Dius at taglong at kinbul, siginan ngays fakasigadan tam fagdaul daga,

Deuterunumyu 13:13

e sik ngay taw mauri tagtaban sanya fag furuan at ngay taw glong te, “Nanseg watam sa tibak dius,” (ay fagyudun toglag fag ngay fagsegan,)

Deuterunumyu 13:6

Am faduksay ay mannga am sisian ay am fakesugun am mangena ay am fagadgalangan fia nu nataban emu ay nalong te, “Nanseg watam sa tibak dius,” (am ay anggan ay mangaguyang ay fagyudun toglag fag ngay fagsegan,

Deuterunumyu 28:20

Ay gasagsagan ban am ay kalyam sas fagayu ay fakamulun, yakmay ban am ankamin ay umkalyam, aroro nafamabo am anya.

Deuterunumyu 28:36

Yawi ban namataban ayu gasfuan ay nafili fag fun sa ay fagyudun toglag fag ngay taw, ay anggan ay ngay mangaguyang at fagyudun toglag. Ay nanseg ban am sat ngay fagsegan at mawatan kayu ay gang.

Deuterunumyu 28:64

Yawi ban gfasaruayan ayu nusnga nday fag talun. Ay sanya ban gseg am sa tibak ngay fagsegan at mawatan kayu ay gang, am ay anggan ay mangaguyang ay fagyudun toglag fag ngay fagsegan.

At Nafasure 16:6

Aroro kafag ngay taw nafabul am nafili fag ngay taw ay am ngay taglong, ay at ngay taguk ankugwag. Nu katanya, taguk yangay ban am famainum sa anya fagayu. Tuy at matuyan fag faurianan sanya fag ngay taw.”

Tagfangguna 5:8

Ngay taw Israel nu naseg tibak fagsegan, sit talun anke awayan. Ay nusdi sadi kafag ufatk safuluk taw Israel we famalabag ay bangko.