Eremyas 19:13 - Fanawbuid tagsibaliwas Fakayabian

¹³ Fagayu bale sis Erusalem anggan fun Uda at bale gtuyan au te, masuya kata Tufet. Aroro sit ngay tungud bale kanya fagayu nairug ngay famaebebanglu laman sat ngay fagsegan fag ngay galeme, ay sanya yangay nu gfon at fanggalangun fag fanginum laman sa tibak ngay fagsegan.’ ”

Eremyas 19:13 ပူးပေါင်းရင်းမြစ်များ

2 Fun 17:16

Kanya fagayu natalyuyan Yawi at ngay suguan ay nawat duak fagsegan tumad baka, ay turuk fagtoglagan Asera fag fagsegan. Fagayu taw naseg nusnge wain tagsis banwa ay sas Baal.

2 Fun 23:10

Fun Usyas nasugu yangay laman giklas fagnansegan sis Tufet, sis datag Ben-Inum, laman we namon ya at ngay sisian laman at fanggalangun sas Mulek.

2 Fun 23:12

Usyas nasugu laman giklas Uda at ngay fun at nafawat fag ngay fagirugan sis Akas at tungud bale, ay Manase at nafawat fag ngay fagirugan sis Yawi at bale at duak fagaweanan, ay kanya narufa wan kafag ngay fagirugan ay naukas sas Liskung Kidrun.

2 Fun 23:14

Usyas nasugu laman grufa ngay famamatang fag gang ay gfuan ngay turuk fagtoglagan Asera fag fagsegan. Sanya ginan, kanya nafasuya sanya fag daga siginan nu gfarapyag ngay taw at bini.

Alubad. 74:7

Kanya fagayu nafasuya ay nairug am bale, ay nafauri yangay am ngayan.

Alubad. 79:1

Dius, tibak talun at ngay taw nababo am nafili fag talun, ay nafasuya am bale, ay naiklas furuan Erusalem.

Isayas 22:1

Katatuy at foyungan sabaliwa sik tagubungan nu inda Dius gfalag ngay taginfan: Setain katsi takafasludan? Wain ay fagsiun ay tungud bale?

Eremyas 19:12

Namakamulun kban takatanya sas Erusalem ay sas fagayu tagbanwan sanya. Gtuyan au kanya fag furuan te, masuya kata Tufet.

Eremyas 32:29

Ay kanya ban fagayu girug wan tuy fag furuan, anggan at ngay bale ke ugun at madatag nu inda ste fag ngay taw nafae fakadotamaun angku siginan nu girug at famaebebanglu fag ngay fanggalangun laman sas Baal fag fagsegan ay anggan nu gfon fanginum fag fanggalangun sa tiba yak fagsegan.

Eremyas 44:18

Dewa katanya, gina ami nafaragang girug famaebebanglu laman sas fagsegan fag Mangena tagsis Banwa ay gina ami nafaragang gfon sa anya ngay fanginum fag fanggalangun, anke fagidapun ami ay ngayu at kinbul sas awayan ay sas fanlunus.”

Eremyas 52:13

Ay kanya nairug Yawi at bale, ay fun at bale, ay fagayu bale tagsis Erusalem, ay anggan at mafanud fag ngay taw at ngay bale.

Eremyas 7:18

Ngay sisian ayu daul gfansarab, ay at ngay mama gfaigang, ay at ngay mina kawat tinapay laman at fanggalangun sat fagsegan at nafangayan te, Tagsis Banwa fag Mangena fag Fagsegan. Ay kanya fagayu gfon yangay ngay fanlangu sa tibak fagsegan laman gfauri angku.

Eremyas 8:2

Ay namarapyagan kban sa sik talun kafag ngay taw at ngay bini. Ay matimrangan ban sis menit at sugba ay sis magdanun ay si sangay galeme at yamag. Katanya ban at faurianan sa kafag ngay taw aroro nesug menit ay magdanun ay ngay galeme, ay nafaning kafag ngay tagyamag ay ankakbang sanya ay nafauseganan.

Esekyel 20:28

Aroro gina au natabanan kafag ngay taw sa ku nafatuyanan fag daga, kanya fagayu nafon at ngay fanggalangun: ngay famaebebanglu fag lune ay ngay fanginum, si tangabat fag buksul ay sis daga fun kayu at marabung. Nu katanya, andotama au anya fagayu.

Sefanias 1:5

Namamin kyangay anggan ngay taw tagsas tungud bale laman nanseg menit ay magdanun ay ngay galeme. Namamin kyangay ngay taw takamuagan glong te, ‘Gfaning ami emu,’ ay aroro mangaro gseg way Mulek fag fagsegan.

Fakamulun 10:9

Ay balabag di nu swabilug menit wan, Kurnelyu at fagsuguan fag tulu nu munakbang wan sas furuan Upa, Pedru nasas tungud bale laman nandarangin.

Fakamulun 7:42

Ay siginan takatanya, Dius natalyuyan anya fagayu ay nafabayan nu gseg ngay galeme. Kata ngay taglong at rirukan te, ‘Ngay taw Israel, gina am sis talun at yud e taw kaduge ufatk safuluk banwa, gfon am fanggalangun, dewa katanya, wa sa angku nu gfon am.

Deuterunumyu 4:19

Lag am galo sa tagseg nusnge wain tagsis banwa kata menit, magdanun, ay ngay galeme. Yawi nafasanya kanya fagayu laman sas fagayu tagbanwan sis fagdaul daga.