Eremyas 18:8 - Fanawbuid tagsibaliwas Fakayabian

⁸ ay kanya ro nu nafaragang tua nu gfakamulun at mauri, kdi ro gfafasludan ku algan sa anya fagayu.

Eremyas 18:8 ပူးပေါင်းရင်းမြစ်များ

2 Krunika 12:6

Nu katanya, fun Reubuam ay Israel at ngay tagfangguna nafamababaun ay nalong te, “Yawi matuyan.”

Alubad. 106:45

Ay Dius namatang at nasadian sat ngay taw, ay siginan nu mafangesug, di nafataglayun nu kadotama at ngay taw.

Alubad. 135:14

aroro kabavn ban gfababo tuo am nafili fag ngay taw, ay kafanyu tua ban o gugat am ngay fagsuguan.

Alubad. 90:13

Yawi, afolii wan sa emi! Seduge tua ban nu kadotama o emi? Dungugi tua ay afanyui emi, am ngay fagsuguan!

Nu Galin 32:12

Ngay taw Igiptu ro glong te, ‘Dius nataban kanya fag ngay taw laman namabul anya sas buksul laman umkalyam sas fagdaul daga.’ Lag yap gfataglayun nu kadotama o am ngay taw.

Nu Galin 32:14

Nu katanya, Yawi di nafataglayun at algan nu namabul at ngay taw.

Eremyas 12:16

Ay kanya ban fag ngay talun at taw nu gafanud tua fia sa angku kata ku ngay taw ay nu gfatuyan tua ban fia sa ku ngayan, kata at nafoyung sa ku ngay taw nu gfatuyanan sas Baal, kanya ban fagayu ku ngay taw yangay.

Eremyas 15:6

Natalyuyan am ay anyayu siginan angku. Nu katanya, au, Yawi, glong au te, namalugde au ku ngay take laman namamin ayu ay kwa kafanyu ya ayu.

Eremyas 26:13

Nu katanya, fabalii wan ay ngay ugali ay anggan nu mabanwan am, ay faningi tua ay Dius Yawi. Aroro nu nafakamulun tua ban am takatanya, Yawi ban wa gfataglayun nu gfaurianan ayu.

Eremyas 26:19

“O Esekyas ay ngay taw Uda nafabul Mikas? Duan! Esekyas anlimu tua Yawi ay ankakbang sa anya. Nu katanya, Yawi wa nafataglayun at algan fag faurianan sa anya fagayu. Ay nu nafabul ro tam Eremyas, itam yay tagfaurianan antam.”

Eremyas 26:3

Bangaran ro kanya fagayu gdungugan yay emu ay gtalyuyan at ngay ugali at mauri. Ay kanya ban fagayu nu nafakamulun tua takatanya, kwa gfataglayun ya ku algan sa anya fagayu aroro sat ngay fakamulun at mauri.

Eremyas 36:3

Ngay taw Uda ro manga gubun tua at ngay ugali at mauri nu nadungug te, gfadasug kban sik faurianan. Ay kanya ban fagayu nu naubun tua at ngay ugali at mauri, gfalyam kban at ngay asalanan.”

Eremyas 42:10

‘Nu gbanwan tua ban am gugat ste fag talun, gfadog kyay ban gfalindug ayu ay kwa ban gfaurianan ya ayu. Gtanum kban ayu ay kwa ban ggulad ya. Aroro at matuyan, anbalu au sa ku nafadasug sa ayu fag faurianan.

Esekyel 18:21

“Ay at mauri fag taw nu naubun tua fagayu at asalanan, ay nu gfaning tua ku ngay faugali ay nu gfakamulun tua at masine ay at matuyan, kanya ban di kabul ay ngaduge tua ban nu gleleg.

Esekyel 33:11

Nanlong o sanya fag ngay taw te, ‘Au, Fun Dius Yawi gfatuyanan au te, kafanud nu gleleg au, kwa guseganan at mauri fag ngay taw nu kabul. Ku fakaylatun, kafag ngay taw nu gubun tua at ngay ugali at mauri laman gleleg tua. Nu katanya, ngay taw Israel, ubuni wan ay ugali at mauri. O nunda kaylat am kabul?’

Esekyel 33:12

“Taw at baguama, nanlong o sam ngay kaiban te, ‘At matuyan fag taw nu nke asalanan way, at nafakamulun at masine wa mafalangfe anya. Ay at mauri fag taw nu naubun tua at fagmauriun, kanya ban wa gafaurianan ya sat ngay asalanan.’

Esekyel 33:13

Nu nalong au sat matuyan fag taw te, anud kanya ban gleleg tua, dewa katanya, kanya gseg way sat nafakamulun at masine, ay nu nafakamulun way at mauri, kanya kabul aroro sat asalanan ay kwa ban gamatangan ya at ngay nafakamulun at masine.

Esekyel 33:14

Ay nu nalong au sat mauri fag taw te, anud kanya ban kabul, dewa katanya, kanya nu naubun tua at fagmauriun ay nu nafakamulun tua at masine ay at matuyan,

Usea 11:8

Ngay taw Israel, kwa ban gaiyan ay gfabayan ayu. Kwa ban gfamin ayu kata ku nafakamulun sa sangay furuan Adma ay Sebuyim. Kauri au sa ku amatanganan nung au gfakamulun takatanya sa ayu. Maksvn nu kafanyu au ayu.

Amus 5:15

Saruyi at mauri ay fakamuluni at masine, ay fafasludani fagmatuyanun say ngay faginsafulan asalanan. Tiba ginan ro manga, Yawi umfanyu yay ayu, Use at ngay kasugfunanan at sawad.

Unas 4:2

Nu katanya, Unas nalong sas Yawi te, “Yawi, matuyan ebi ku nalong gina au si em furuan te, nangafanyu o kafag ngay taw tagsis Ninibe nu gubun tua at ngay asalanan, aroro nasaful kwa te, sik Dius tuo at mafangafanyu ay at mafangamatang. Ay mafangesug tuo ay di o gfangadotama. Ay mafalganan tuo gfabali am amatanganan laman di o namaurianan. Kanya wan ku fagnalagyuun sas Tarsis.

Deuterunumyu 32:36

Yawi ban gfalangfe at ngay taw, ay kanya ban kafanyu at ngay fagsuguan, nu nalag ban te, kanya fagayu we fagmabitsugun ya, ay nu alay way lang at sawad, ay anggan at ngay fagsuguan.

Tagfangguna 2:18

Yawi nagubuk tua fagayu at nasugu fag ngay tagfangguna ay nafalangfe ngay taw Israel siginan at ngay fawayan kaduge ngay tagfangguna gleleg, ay anfanyu tua, aroro nalag at ngay nakalpan siginan at ngay nafaidapan ay at nafauri anya fagayu.