Eremyas 18:23 - Fanawbuid tagsibaliwas Fakayabian

²³ Dewa katanya, saful way o kanya fagayu at ngay algan laman namabul angku. Nu katanya, lag o gfalyam kanya fag ngay taw at ngay asalanan ay at ngay fagmauriun. Fabayani wan at ngay fawayan nu gbabo anya fagayu kaduge o gdama. Fadasugi wan am dotama sa anya fagayu.”

Eremyas 18:23 ပူးပေါင်းရင်းမြစ်များ

Alubad. 119:126

Yawi, fakamuluni wan, aroro ngay taw wa gfaning ya am faugali.

Alubad. 35:4

Ngay taw nangus at ke algan namabul angku umkapla wan. Ay salagi ngay taw at ke algan mauri sa angku.

Alubad. 56:8

Gfasadsadian way o fia ngay tagfabaluanan angku, ay saful way o ku fagwaywayun. O nunda wo nariruk sim fafil?

Isayas 10:3

Tain ban ay fakamulun nu ndasug nu gafaurianan am fag menit, gina ban faurianan andasug siginan tangayayu fag talun? Dada ban nu get am gubuk? Ay dada ban nu gfasuksuk am ay ngay ramraman?

Isayas 2:9

Nu katanya, kanya fagayu umfaurianan ay umkapla. Yawi, lag o kafanyu ya anya fagayu.

Eremyas 11:23

Gina kban nafadasug faurianan, ngay taw sis furuan Anatut umkamin.”

Eremyas 15:15

Eremyas nalong te, “Yawi, saful wayo fagayu, amatangi tua ay gubuki angku. Fasudi sas fagayu at nafauri angku. Saful au te, di o masakit gfangauri. Nu katanya, lag o gfabayan ku ngay fawayan nu gfabul angku. Amatangi ku ngay naidapan laman sa emu.

Eremyas 17:18

Falimui ay faplai fagayu tagfauri angku. Ay fadasugi sa anya fagayu fagmauriun laman umkamin wan. Dewa katanya, lag gfakamulun sa angku takatanya.

Eremyas 17:4

Bunwa ban am ya tagagbilug ku nafon ayu fag talun. Namasik ngay fagsuguan kban ayu sa ay ngay fawayan, sa ay fagyudun toglag fag talun, aroro nafadotama am angku, ay ku dotama kata sik ngay afuy tagigang at yud karabung ya.”

Eremyas 18:18

Sanya ginan, ngay taw glong sat ngay kaiban te, “Gewan, gbalyawvtan watam laman namaragang tam Eremyas! E ngay tagfon fanggalangun yangay si antam, tagfoyung sa antam ngay suguan, ay e mamatanganan yangay fag ngay taw si antam, ay e ngay taglong yangay tam tagfoyung Yawi at longan. Nu katanya, kawat tam sik ngay mamalong laman sas Eremyas ay lag tam gdungugan ya at ngay longan.”

Eremyas 26:11

Ngay tagfon fanggalangun ay ngay taglong glong sa sangay tagfangguna ay sa sangay taw tagsanya te, “Faurianani wan fakabulun tuy fag taw aroro nalong at mauri stie fag furuan.”

Eremyas 26:8

Ay Eremyas nu ntabu garingang, ngay tagfon fanggalangun, ay ngay taglong, ay ngay taw naligung anya, ay nalong te, “Masine nu kabul wo!

Eremyas 37:15

Ay kanya fagayu andotama Eremyas ay nafalang ay naubung sas Yunatan fag tagriruk at bale. Kafag bale kanya fagayu nawat wan laman at fagubungan.

Eremyas 38:4

Nu katanya, kafag ngay tagfangguna nalong sat fun te, “Fabuli wan Eremyas aroro at ngay longan gfamomuy way at kinsawad fag ngay tagfawayan ay tam ngay taw at ngay amatanganan. Kanya we algan ya at masine sa sangay taw, nu bunway fagmauriun way.”

Eremyas 6:15

O kanya fagayu kapla at ngay fakamulun at maksvn nu mauri? Duan! Kanya fagayu we apla ya! Nu katanya, glong au te, kanya fagayu umfaurianan yangay kata at ngay iba. Ay gina kban gfaurianan, kanya fagayu umkamin. Au, Yawi, taglong tuy.”

Eremyas 6:21

Nu katanya, namoli au sa sangay taw at dalan sik fakataidan laman umlub. Ngay fagtainan ay at ngay sisian, anggan at ngay fagadgalangan ay at ngay fasabale umbul.”

Eremyas 7:20

“Au, Yawi ay Fun, glong au te, namadasug au ste fag furuan ku dotama at maksvn: sa sangay taw, ay sa sangay fagbaugun, ay sa sangay fun kayu, ay sa sangay tanum. Ku dotama kata sik afuy at yud e mafarabung.

Eremyas 8:12

O kanya fagayu kapla at ngay fakamulun at maksvn nu mauri? Duan! Kanya fagayu we apla ya! Nu katanya, glong au te, kanya fagayu umfaurianan yangay kata at ngay iba. Ay gina kban gfaurianan, kanya fagayu umkamin. Au, Yawi, taglong tuy.

Takabalu 3:60

Saful way o kanya fagayu nu namasud sa angku, ay at ngay algan sa angku.

Takabalu 3:61

Yawi, nadungug o kanya fagayu nu gfalingun angku, ay nasaful o at ngay algan sa angku.

Lukas 21:22

Aroro ginanya wa ban fag buknga nu gfaurianan, laman gfafasludan Dius at Longan at kinriruk ebi.

Ruma 2:5

Ay aroro kamaogatun o siginan nu yud o gubun am fagmauriun, nafaksvn o faurianan sa emu, gina ban Dius nafadasug at dotama ay nanginsaful ngay taw at asalanan, sit nafalganan fag menit.