Eremyas 18:21 - Fanawbuid tagsibaliwas Fakayabian

²¹ Nu katanya, fabayani wan at ngay sisian nu kabul sis fanlunus ay sis awayan. Fasik ngay fagbubayuni wan at ngay mangena, ay fabayani wan at ngay sisian nu kabul. Ay fabayani yangay at ngay mangama nu kabul sas fakasaitun ay at ngay baguama nu kabul sas fagawayanan.

Eremyas 18:21 ပူးပေါင်းရင်းမြစ်များ

2 Krunika 36:17

ay naylat ngay taw Babilunya nu namawayan anya fagayu. Ngay taw Babilunya gfabul kafag ngay taw at ngay baguama dewa sis Yawi at bale. Kanya fagayu we afanyu ya sas nusnga sinu fag taw, mangama ay mangena, ay at mafagtainan ay at mamomuy. Dius nafagbilug at ngay taw sas fun Nabukudunusur.

Alubad. 63:10

Ay kanya fagayu umbul sas awayan, ay ngay idu talun nangon at ngay bilug.

Alubad. 63:11

Dewa katanya, fun ay anggan fagayu taw at nafatigwanan at ngay sadili sas Dius, guseganan. Ay Dius gfaragang wan ngay taw nu kamuag.

Nu Galin 22:24

Matuyan wan umdotama au ayu, ay namabul au ayu sas awayan. Ay ay ngay mangena ban umsik ngay fagbubayun, ay ay ngay sisian ban umsik yud e fagtainan ya.

Isayas 13:18

Ay kanya fagayu we afanyu ya gfabul taw Babilunya at ngay baguama siginans banyas. Ay wa yangay e afanyu ya sa sangay sisian.

Isayas 9:16

Taw Israel at ngay tagfangguna gtabanan way at fagfanggunaun fag ngay taw sat yud matuyan, nu katanya, kafag ngay taw gaduanun.

Isayas 9:17

Nu katanya, tam Fun wa kaylat ngay taw Israel at ngay baguama, ay wa kafanyu at ngay yud e fagtainan ay ngay fagbubayun. Kanya fagayu mauri way ay wa gfaning Dius, ay mapla way at ngay longan. Dewa katanya, Yawi at dotama ya nalyam, ay mafalganan yay namaurianan anya fagayu.

Eremyas 12:3

Yawi, dewa katanya, gtoglag tuo angku, ay saful way o ku amatanganan. Guyudani tuy fag ngay taw kata sik ngay tupa ay fasamani anya fagayu laman am fagfabulun.

Eremyas 14:16

Ay e nangukas ban sas furuan Erusalem at ngay dalan at ngay kinbul at nafanud sanya fag ngay taglong. Kanya ban fagayu umbul sas awayan ay sas fanlunus. Wa ban e namoli ya at ngay mangena ay at ngay sisian. Ay namadasug kban sa anya fagayu at kasakan fag faurianan.

Eremyas 15:7

Namaurianan kban ayu kata upa nu kalayug sas sakbawan furuan daul. Namamin kban ayu anggan ay ngay sisian, aroro wam nafaragang nu gugali am at mauri.

Eremyas 15:8

Namayu kban ay ngay fagbubayun kayu lagnas sis tigyangan dagat. Sis buknga menit ban namadasug au at namaurianan ay ngay baguama at ngay mina. Ay gfadasug kban masakit sa ayu fakabaluun ay at malimu.

Eremyas 50:30

Ginanya ban fag ngay menit, at ngay baguama anggan fagayu at tagfawayan kabul sas fagaweanan.

Eremyas 9:21

Ay fakabulun nasakbo wan sa tam mesa bale ay anggan sa tangabat fag bale. Ay kanya nafabul tam ngay sisian si sangay dalan anggan tam ngay baguama sis fagaweanan.

Takabalu 1:15

Fun Dius naiyan ku ngay tagfawayan siginan ku daga salubangan. Ay kanya nafaful ku ngay fawayan laman namabul ku ngay tagfawayan at mabaguama. Fun Dius nafamin ngay taw Uda kata nu gturis ubas at rawvg sis fagturisan.

Takabalu 5:3

Em ngay mama anbul wan, nu katanya, em ngay mina ansik ngay fagbubayun.

Esekyel 16:38

Namaurianan kban emu aroro kamatugtug o ay kamabul. Namabul au emu aroro maksvn nu kadotama au emu ay nu kasulup.

Esekyel 22:25

Ay at ngay tagfangguna at ngay algan mauri, kata ngay liun nu gngarngar ay nu gyukfu at fagnangagatun. Kanya fagayu kamabul, ay gfangkamul ngay ramraman ay nusnga setaw at mafanud, ay sit furuan ngayu at kinfagbubayun aroro e kamabul.

Amus 4:10

Ay nafadasug kyangay sa ayu sik ngay faurianan kata ebi ku nafadasug sas talun Igiptu. Nafabul kwan ay ngay baguama sas awayan, ay ay ngay fawayan nagbilug wan ay ngay kabayu. Ay nafaidapan kyangay ayu sat maksvn fag basung aroro ngayuk taw at kinbul si ay fagmafulan. Dewa katanya, yam kafoli sa angku. Au, Yawi, taglong tuy.

Deuterunumyu 32:25

Ay ngayu ban takabul sat ngay day bale siginans awayan, ay dewa ban sit basad bale umke malimu. Ay fagayu ban baguama ay baguina, ngay mafagtainan, ay anggan ngay sisian kabul wan.

2 Timuteu 4:14

Aleandru fag takawat ngay fagagbilugun siginans sanbung, kanya mauri at fakamulun sa angku. Tam Fun waban tagfasud sa anya kata at nafakamulun.

1 Samwel 15:33

Ay Samwel nalong te, “Nu setain ngayuk mina nu yud e sisian ya aroro nafabul am, katsi ro am mina man at yud e sisian ya.” Ay Samwel nabasing Agag sis Yawi at daga salubangan.