Eremyas 18:18 - Fanawbuid tagsibaliwas Fakayabian

¹⁸ Sanya ginan, ngay taw glong sat ngay kaiban te, “Gewan, gbalyawvtan watam laman namaragang tam Eremyas! E ngay tagfon fanggalangun yangay si antam, tagfoyung sa antam ngay suguan, ay e mamatanganan yangay fag ngay taw si antam, ay e ngay taglong yangay tam tagfoyung Yawi at longan. Nu katanya, kawat tam sik ngay mamalong laman sas Eremyas ay lag tam gdungugan ya at ngay longan.”

Eremyas 18:18 ပူးပေါင်းရင်းမြစ်များ

2 Samwel 15:31

Ay e nalong sas Dabid te, “Akitufel galo wan Absalum.” Nu katanya, Dabid gdarangin te, “Yawi, lag gfae tungkul Akitufel at ngay nalong.”

2 Samwel 17:14

Nu katanya, Absalum ay anggan at ngay tagfakamulun sis Israel glong te, “Kusay at famalun, amasine yap tua sas Akitufel at famalun.” At mafanud, Akitufel tua at famalun at matuyan, dewa katanya, Yawi naylat Absalum nu yud gfaning, laman kanya gababawan.

1 Fun 22:24

Ay Sedekya, Kenaana at baguama, ankakbang sas Mikaya ay nafalang sit fingi ay nalong te, “Setain nu malong o te, Yawi at falad nalao siginan angku, ay nanamakamatoan emu?”

2 Krunika 24:21

Ay ngay tagfakamulun anke algan namabul Sakaryas. Ay fun nasugu te, fanai wan Sakaryas, ay kanya fagayu nafana anya sis Yawi at basad bale, ay kanya anbul wan.

Ub 5:13

Kanya saful way te, at ke fagsafulun kamasaweun way, ay nasalag way ngay tagfandaya at algan.

Alubad. 21:11

Kanya fagayu at ngay algan sa emu mauri, dewa katanya, kanya wa mababo.

Alubad. 52:2

Kabavn am fagamatanganun kaylat o namauri am ngay iba. Ay sik takamuag o, ay am leplep kamabul kata sik maglat fag fangufo.

Alubad. 57:4

Ku ngay fawayan gligung angku. At ngay bagang kata sik bangko, ay at ngay leplep kata sik fiso at maglat. Kanya fagayu kata sik ngay liun tagagatun sik taw.

Alubad. 64:3

At ngay nalong mauri way gugat, kata sik fiso tagsumbalian at uyup, ay kata sik banyas matares.

Fangatulun 18:21

Sik taw at aringang makatu gfalangfe ay gfabul. Nu katanya, dirii tua nu garingang o, aroro gumutlu ban o kata am ngay nalong.

Isayas 32:7

Ngay tagfandaya at ngay balyawvtan wa masine. Kanya fagayu gfalganan gugat at mauri sat yud e kwa fag ngay taw siginan at fakamuaganun, dewa at yud e kwa at fagetun matuyan.

Eremyas 1:19

Kanya ban fagayu namawayan emu, dewa katanya, gababawan way ban, aroro gufud kban ay ggubuk emu. Au, Yawi, taglong tuy.”

Eremyas 11:19

Kanya fagayu nu gamatangan angku kata kway sik fagfabulun fag tupa ay kwa saful te, mauri at algan. Kanya fagayu glong te, “Gfabul watam anya, kata nu gfuan sik fun kayu tangayu at rawvg, ay laman ban umkalyam wan ay we gamatang ya anya sas fagdaul daga.”

Eremyas 18:11

“Nu katanya, nanlong o sa sangay taw Uda ay sa sangay taw Erusalem te, ‘Dungugani! E algan au namaurianan ayu. Nu katanya, faragangi wan nu gugali am at mauri. Ay galay am at sadi ubuni wan ay fakamulun ay anggan ay ugali at mauri.’

Eremyas 18:19

Nu katanya, nadarangin au sas Yawi te, “Gubuki angku! Dungugi ku ngay fawayan at ngay algan sa angku.

Eremyas 2:8

Ay anggan ngay tagfon fanggalangun wa grvbvy ya angku. Ay ngay tagfoyung ku suguan wa yangay gtoglag ya angku. Ngay tagfangguna gfauri angku. Ay ngay taglong at foyungan sa way baliwas Baal at ngayan ay gseg at yud matuyan fag ngay fagsegan.

Eremyas 20:10

Nadungug au kafag ngay taw nu ginasan gfalingun angku. Ay kanya fagayu glong kata ku longan te, “Malimu takadasug sa antam!” Ay glong yangay fia te, “Gewan, katsi wan at buknga nu namasud tam Eremyas.” Anggan ku ngay fagadgalangan gfanya nu kafaurianan au. Kanya fagayu glong te, “Bangaran ro manandaya tua tam anya. Nu nfasludan tua ban takatanya, nababo tam ay mafasud anya.”

Eremyas 26:11

Ngay tagfon fanggalangun ay ngay taglong glong sa sangay tagfangguna ay sa sangay taw tagsanya te, “Faurianani wan fakabulun tuy fag taw aroro nalong at mauri stie fag furuan.”

Eremyas 37:13

Ay Eremyas nu ndasug sa sangay taw Benamin at furuan at sakbawan, Irya, ngay tagulit sakbawan at fun, Selemya at baguama, Kananya at fufu, nagamat anya. Ay kanya nalong anya te, “Ggubuk o ngay taw Babilunya.”

Eremyas 43:2

Asarya, Usaya at baguama, ay Ukanan, Kareak at baguama, ay tiba yak mangama takamuag nalong sas Eremyas te, “Kamuag way o! Yawi em Dius wa nasugu emu laman nanlong o sa emi te, wami masine glao sas talun Igiptu laman namanwan sanya.

Eremyas 44:16

“Wami gafanud am ngay nalong sa emi sas Yawi at ngayan!

Eremyas 44:17

Gfakamulun ami nusnge wain em fakaylatun. Nangirug ami ngay famaebebanglu sa em fagsegan at nafangayan te, Tagsis Banwa fag Mangena fag Fagsegan! Ay namon ami sa anya fanginum fag ngay fanggalangun kata em nafakamulun si sangay furuan tagsis Uda ay sis Erusalem at ngay fagaweanan, kata em ngay mangaguyang, ay em ngay fun, ay em ngay tagfangguna at nafakamulun. Ebi manabayan tua nu gbanwan ami: ngayu tua em fakonun, ay di e kadasug sa emi at mauri.

Eremyas 8:8

Setain nu malong am te, e fagsafulun am? O aroro saful wayam Yawi at faugali? At matuyan, ay ngay takamoyung natubus wan Yawi at faugali.

Takabalu 3:62

Fagngabak menit kanya fagayu gkamatoan laman namaurianan angku.

Esekyel 7:26

Ay umdasug ban sa anya fagayu nusnga setaw fag malimu ay at mauri fag ngay barita. Ay kanya ban fag ngay taw nanginto sa sangay taglong, dewa katanya, wa ban mafabalus at ngay fagintoun. Ay namayfoyung yangay ban sa sangay tagfon fanggalangun ay nanget famalun sa sangay tagfangguna, dewa katanya, wa ban e gfoyung ay we mafalu anya fagayu.

Lebitiku 10:11

Foyungi fia sa sangay taw Israel sabaliwa ku ngay suguan ku nafon sas Muisis.”

Mikas 3:6

“Aroro nafamuag am sa ku ngay taw, wa ban am e taginfan ya, ay wa ban am mainsaful ya. Kata nu yud am glag sasad madulum.

Mikas 3:7

Am fag ngay taglong ay fag ngay taginsaful, umkapla ban am. Ay gtaup ban am ay mata at kaksvnan nu kapla am, aroro wa ban am batang ya gdungug famalus siginans Dius.”

Malakyas 2:7

“At matuyan, am wan fag ngay tagfon fanggalangun tagfoyung sa sangay taw at matuyan sabaliwa angku. Ay kanya nangus fag ngay taw gfainfoyung tua sa ayu aroro am wan ku ngay fagsuguan.

Lukas 11:45

Sik tagfoyung Muisis at Faugali nalong sas Isus te, “Takamoyung, nu nalong o katanya, gagras wo anggan emi.”

Uan 9:40

Tibak taw Fariseu at malindug sanya nadungug ay ginto Isus te, “O am longan at masuad te, wami yangay glag?”