Eremyas 18:17 - Fanawbuid tagsibaliwas Fakayabian

¹⁷ Namarapyag kban anya fagayu sat ngay fawayan at daga salubangan kata sik tagmara at nafalayug lukbu siginans fakamenitan. Ay gaiyan kban anya fagayu ay kwa ban ggubuk ya gina gafaurianan.”

Eremyas 18:17 ပူးပေါင်းရင်းမြစ်များ

Ub 27:21

Tagmara tagsiginans fakamenitan nabuba anya, ay nafalin anya siginan at fagbanwanan.

Alubad. 48:7

Dius nafabul kanya fag ngay tagfawayan, kata fulug nu giklas at ngay sakayan lino tagbia.

Fangatulun 24:16

Aroro sik taw at matuyan dewa antaygilid fitu ginan, matuyan wan gdog yay kabangkad, ay nusnga setaw fag fagidapun mafataygilid at mauri fag ngay taw.

Eremyas 13:24

Yawi nalong te, “Namarapyag au ayu kata tagmara tagsiginan at yud e taw fag talun, nu gfalayug ngay upa.

Eremyas 2:27

Ay glong am te, ‘Em mama sik kayu ay em mina sik gang.’ Natalyuyan am angku, dewa katanya, sayay ngap gugat angku nu nangakbang am.

Eremyas 32:33

Kanya fagayu anyayu siginan angku dewa au gfoyung gugat sa anya fagayu. Ay kanya fagayu wa kaylat ay wa gdungugan at matuyan.

Eremyas 46:21

Ay anggan ban at fagbayadun fag ngay tagfawayan kafoli glagyu. Kanya fagayu kata at nafataglu fag ngay fagbaugun tumad laman at fagnamabulun. Umfasludan ban takatanya, aroro ginanya wan at buknga laman namaurianan ay namamin ngay taw Igiptu.

Esekyel 27:26

Dewa katanya, am ngay tagfalao sakayan lino gfalao emu sas wabilug dagat, ay nu sanya wan, sik maksvn fag tagmara siginans fakamenitan baliwa nanrasras emu.

Esekyel 7:22

Kwa ban kasalag ya tagfangkamul nu gsakbo sa ku bale ay nu gfangkamul nusnge wain tagsanya. Ngay tagfangkamul ban nanakbo ay namasuya ku bale.

Usea 13:15

Dewa am kata sik sigbo tagtugbung, gfadasug kban at masugba fag tagmara siginans fakamenitan, ay siginans talun at yud e taw, laman ay ngay bulbug ay anggan ay ngay bubun umlanggang. Ngay tagfangkamul ban gbul ay ngay ramraman.

Deuterunumyu 28:25

Yawi ban gfababawan ayu sa ay ngay fawayan. Masadi ban am namawayan anya fagayu, dewa katanya, gsaruayan way ban am ay glagyu anya fagayu. Ay umsik mauri ban am sas fagayu fagfagtainanan sas fagdaul daga.

Deuterunumyu 28:64

Yawi ban gfasaruayan ayu nusnga nday fag talun. Ay sanya ban gseg am sa tibak ngay fagsegan at mawatan kayu ay gang, am ay anggan ay mangaguyang ay fagyudun toglag fag ngay fagsegan.

Deuterunumyu 31:17

Ginanya ban fag menit, nangauri au ay nangaiyan anya fagayu, ay gtalyuyan kban laman ban kanya fagayu umkamin. Ngayu ban fag faurianan ay fag fagidapun takadasug, ay kanya ban fagayu ginto te, ‘Ay wain? O nunda Yawi wa gufud ya antam at fagindasugun sa antam takatatuy fag ngay fagidapun?’

Deuterunumyu 32:35

Yawi glong te, “Au ban at namasud ay at namaurianan anya fagayu, aroro sik buknga ban kanya fagayu umdangsal. Munakbang wan nu gfaurianan au anya fagayu.”