Eremyas 18:16 - Fanawbuid tagsibaliwas Fakayabian

¹⁶ Nu katanya, at talun ban umsik mabaluanan ay umsik tagafalingunan ban gugat. Ay fagayu ban tagdalan sanya maksvn nu kalimu ay gtadtaruyan.

Eremyas 18:16 ပူးပေါင်းရင်းမြစ်များ

1 Fun 9:8

Ay dewa ku bale masine ay kadungug, giklas kban. Ay fagayu ban at nadalan sanya kalipsik ay kadulo ay glong te, ‘Wain Yawi at fagnafakamulunun takatatuy ste fag talun ay sat bale?’

2 Krunika 29:8

Nu katanya, Yawi andotama ngay taw Uda ay ngay taw Erusalem. Kanya nafaurianan antam, ay katsi tibak taw kadulo at kindasug sa antam, ay gfalingun, ay gsaruyan way antam.

Alubad. 109:25

Ku ngay fawayan gfalingun angku, ay nu nalag angku gligbat.

Alubad. 22:7

Fagayu taw at nalag angku kamalingun gfainsingian at alfuyu, ay glong te,

Alubad. 44:14

Ay nafasik fagfalingunun o emi sas fagayu talun, ay kanya fagayu gligbat gfalingun emi.

Isayas 37:22

Nu katanya, katatuy ku longan sa anya: Ngay tagbanwan sis Siun sis Erusalem fag furuan kauri ay gfalingun emu. Kanya fagayu gfalingun emu kaduge o glagyu.

Isayas 6:11

Ay nainto au te, “Ku Fun, seduge tua ban kanya fagayu nu kamaogatun?” Ay nabalus angku te, “Yakmay ban yud e gbanwan ya sat ngay bale, ay gina ban at ngay furuan ay at ngay tanuman anrasras,

Eremyas 19:8

Nangiklas kban at furuan daul ay umsik fagfalingunun ban. Ay fagayu ban tagdalan sanya fag furuan garinun ay gfalingun sat kinfasludan.

Eremyas 25:9

namadasug au sa ayu sik ngay tagfawayan siginans fawalan fag alvngvdan ay ku fagsuguan Nabukudunusur, Babilunya at fun, tagfangguna. Kanya namawayan sa ay talun, ay sa sangay tagbanwan sanya, ay anggan sa sangay furuan tagsi ay ligung. Namamin kwan ayu, ay tiba bank taw umdulo at kindasug sa ayu, ay gfalingun ban gugat ayu aroro ay talun ban marasrasan way gugat.

Eremyas 29:18

Anud, awayan ban ay fanlunus ay fakasaitun gfafalo anya fagayu, ay tiba bank fagfagtainanan gfalingun anya fagayu. Ay gaiyan kban anya fagayu sas nusnga nday fag talun, ay ngay taw ban gfauri, gfalingun, ay kadotama maksvn anya fagayu.

Eremyas 42:18

Yawi at Mabalyanan, Israel at Dius, glong yay fia te, ‘Nu setain nu gfalag au sa sangay taw Erusalem nu kadotama au maksvn, gfalag kyangay ban sa ayu ku fandotaman nu glao way ban am sas talun Igiptu. Ngay taw ban maksvn nu gfauri ayu. Kanya ban fagayu gfalingun ay gngayan ban ayu te, mauri, ay wa ban am makafoli ya stae fag talun.’

Eremyas 44:12

Am at kinsawad tagleleg sis talun Uda at nafabulunan glao sties talun Igiptu, umbul ban am, fagayu am at yud e kwa ay anggan takadungug. Kabul ban am sis awayan ay sis fanlunus. Ay e gfauri ban ay e gfalingun ayu.

Eremyas 48:27

Am, ngay taw Muab, o nunda wam nafalingun taw Israel? O nunda nalag am kanya nu gfangkamul? Wain ay fagfalingunun anya siginan nu gligbat am?

Eremyas 49:13

Gtuyan au te, furuan Busra ban umrasras wan. Ay malimu ban at kayaunanan, ay gafalingunan ay gafaurianan. Ay fagayu ban at furuan marasrasan way gugat. Au, Yawi, taglong tuy.”

Eremyas 49:17

Yawi nalong yay fia te, “Edum ban at kayaunanan maksvn nu malimu. Ay fagayu ban tagdalan sanya fag furuan garinun ay gfalingun sat kinfasludan.

Eremyas 50:13

At kaksvnan nu kadotama au kafag talun, wa ban e gbanwan ya sanya ay mabaluanan way lang ban. Ay fagayu ban tagdalan sanya umdulo.

Eremyas 51:37

Nanrasras kwan kafag talun, ay tiba bank taw umdulo at kindasug sa anya fagayu, ay gfalingun, ay tagbanwan ban sanya ngay idu talun way lang.

Eremyas 51:43

Ay sanya fag ngay furuan mabaluanan way lang kata sik talun at yud e gbanwan ya ay at yud e gdalan ya.

Eremyas 9:11

Yawi glong te, “Nanrasras kwan Erusalem, ay kanya umkata at kinbaras fag ngay gang, ay tagbanwan ban sanya idu talun way lang. Ay fagayu ban furuan tagsis Uda namakata au at yud e taw fag talun, ay wa ban e gbanwan ya sanya.”

Takabalu 1:12

Ay kanya glong sa sangay tagdalan anya te, “O batang wam e fagidapun takaksvn ku fagidapun katsi? Yawi nafadasug sa angku takatatuy fag fagidapun, aroro kadotama angku.

Esekyel 12:19

Longi sa sangay tagbanwan sis furuan Erusalem ay sas fagayu tagsis talun Israel te, ‘Au, Fun Dius Yawi, glong au te, kanya ban fag ngay taw gina gfangon, galakayan ay gtadtaruyan kalimu aroro sat fagmauriun, ay e nangago ban at ngay ramraman.

Esekyel 27:36

Ay ngay tagfalao famaloun tagsiginan tibak talun wa gafanud at kindasug sa emu. Maksvn nu malimu am fakatabuan, ay umkalyam waban o fia.’ ”

Esekyel 36:3

“Nu katanya, nanlong o sa kafag ngay buksul te, ‘Au, Fun Dius Yawi, glong au te, tibak talun at ngay taw nafawayan ay nagbilug ayu. Ay kanya fagayu gfalingun gugat ay gfapla ayu.

Esekyel 6:14

Gfaurianan kban anya fagayu nusnga nday nu gbanwan ay namasik mabaluan kban at talun, siginan at yud e taw fag talun ay tagsas fawalan baliwa fag alvngvdan ay sas Dibla tagsis fasiunan baliwa fag alvngvdan. Nu katanya, kanya ban fagayu sumaful te, au Yawi.”

Lebitiku 26:32

Nanrasras kban ay ngay talun ay ay ngay fawayan ban at nangagbilug ayu, kadulo.

Lebitiku 26:43

Dewa katanya, nangaiyan kyay ban ayu siginan ay talun, aroro nafamabo am ku ngay faugali ay ku ngay suguan. Laman ban ay talun gragangan yay kaduge am yud sanya.

Mikas 6:16

Umfasludan ban sa ayu takatanya, aroro nafaning am fun Umri, ay at baguama fun Akab at ngay fakamulun mauri, ay at ngay faugali, ay at ngay famalun longan. Nu katanya, namaurianan kban ayu, ay tiba bank talun namauri ay namalingun ayu.”

Mateu 27:39

Ay kayu at nadalan sanya gfainsingian at alfuyu ay gfalingun anya te, “O wan at nalong te,

Markus 15:29

Ay kayu at nadalan sanya gfainsingian at alfuyu ay gfalingun Isus te, “E, o wan at nalong te, ‘Nanrasras kban Dius at bale ay mafatabu kway nu ntabu tuluk menit.’

Deuterunumyu 28:59

kanya ban gfadasug sa ayu ay sa ay kasugfunanan at maksvn fag ngay fakasaitun, at maksvn nu masait, ay at yud e mafafia ya.

Deuterunumyu 29:23

Ay fagdaul ban ay fagbanwanan umkata sik talun at yud e taw, asupre ay barara at natabun. Wa ban e gtanum ya sanya fag talun aroro we gtugbung ngay fananumun. Ay umrasras ban kata furuan Suduma ay Gumura, ay Adma ay Sebuyim, Yawi at nafaurianan aroro maksvn nu kadotama.