Eremyas 18:11 - Fanawbuid tagsibaliwas Fakayabian

¹¹ “Nu katanya, nanlong o sa sangay taw Uda ay sa sangay taw Erusalem te, ‘Dungugani! E algan au namaurianan ayu. Nu katanya, faragangi wan nu gugali am at mauri. Ay galay am at sadi ubuni wan ay fakamulun ay anggan ay ugali at mauri.’

Eremyas 18:11 ပူးပေါင်းရင်းမြစ်များ

Fakasigadan 11:7

Nu katanya, gtustus watam laman namasadsamanan tam at ngay fangaringang laman ban wa gtodtogdungugan ya.”

1 Fun 22:23

“Nu katanya, Yawi nanamasa am ngay taglong at ngay bibig sik takamuag fag falad, aroro Yawi kaylat nu gababawan o.”

2 Fun 17:13

Yawi nasugu at ngay taglong laman namararang sa sangay taw Israel ay sa sangay taw Uda te, “Faragangi wan nu gfakamulun am at mauri, ay faningi ku ngay suguan ay ku ngay foyungan tagsi ku Faugali ku nafoyung sa ay ngay mangaguyang, ku nafon sa ayu siginan ku ngay fagsuguan fag ngay taglong.”

2 Fun 22:13

“Nanginto am sas Yawi laman sa angku ay sa sangay taw Uda sabaliwa at marirukan si ay nalag fag fafil. Yawi maksvn nu kadotama antam aroro tam ngay mangaguyang wa nafaning at marirukan sanya fag fafil. Ay anggan itam wa tam nafakamulun takatanya.”

2 Fun 5:5

Aram at fun nalong te, “Loi wan, bubai ku rirukan sas Israel at fun.” Nu katanya, Naaman nalao gbuba at famonun tuluk sandan limak safuluk fabudbungguan salapi ay fituk safuluk fabudbungguan gintu ay safuluk lanbung.

Isayas 5:5

Namoyung au ayu ku fagnamakamulunun ban sa ku tanuman wat ubas: Nanrasras kban at matunglu fag ngay tanum, ay nanrufa kban at alad, laman ngay mela nangon ay nansiad.

Isayas 57:1

At matuyan fag taw nu nbul, we ginto ya te, “Wain at faginbulun?” Ay we nasaful te, Dius nabul wan kafag taw laman gfasaman siginans fagmauriun.

Eremyas 11:11

Nu katanya, au, Yawi, glong au te, ‘Namadasug au sa anya fagayu sik faurianan at yud e malangfe. Ay kanya ban fagayu dewa get gubuk sa angku kwa ggubuk ya.

Eremyas 11:19

Kanya fagayu nu gamatangan angku kata kway sik fagfabulun fag tupa ay kwa saful te, mauri at algan. Kanya fagayu glong te, “Gfabul watam anya, kata nu gfuan sik fun kayu tangayu at rawvg, ay laman ban umkalyam wan ay we gamatang ya anya sas fagdaul daga.”

Eremyas 18:18

Sanya ginan, ngay taw glong sat ngay kaiban te, “Gewan, gbalyawvtan watam laman namaragang tam Eremyas! E ngay tagfon fanggalangun yangay si antam, tagfoyung sa antam ngay suguan, ay e mamatanganan yangay fag ngay taw si antam, ay e ngay taglong yangay tam tagfoyung Yawi at longan. Nu katanya, kawat tam sik ngay mamalong laman sas Eremyas ay lag tam gdungugan ya at ngay longan.”

Eremyas 19:15

“Yawi at Mabalyanan, Israel at Dius, glong te, ‘Namadasug kban sanya fag furuan ay sa sangay furuan ayu sirut sit ligung ku nalong fag faurianan aroro kanya fag ngay taw kamatungudunun ay wa gdungugan ku ngay longan.’ ”

Eremyas 19:3

Longi ro te, ‘Uda at ngay fun ay ngay taw Erusalem, katatuy Yawi at Mabalyanan, Israel at Dius, at longan: Gfadasug kban ste fag talun at maksvn fag faurianan ay fagayu ban at nadungug takatanya umlimu maksvn.

Eremyas 25:2

Ay Eremyas fag taglong nalong sa sangay taw Uda ay sas fagayu tagbanwan sis furuan Erusalem te,

Eremyas 25:5

Yawi naringang siginan at ngay taglong te, ‘Talyuyani wan ay ngay ugali at mauri ay ay ngay fakamulun at mauri laman ban gbanwan tuam gugat ste fag fagbanwanan ku nafon sa ayu ay sa ay ngay mangaguyang.

Eremyas 26:13

Nu katanya, fabalii wan ay ngay ugali ay anggan nu mabanwan am, ay faningi tua ay Dius Yawi. Aroro nu nafakamulun tua ban am takatanya, Yawi ban wa gfataglayun nu gfaurianan ayu.

Eremyas 26:3

Bangaran ro kanya fagayu gdungugan yay emu ay gtalyuyan at ngay ugali at mauri. Ay kanya ban fagayu nu nafakamulun tua takatanya, kwa gfataglayun ya ku algan sa anya fagayu aroro sat ngay fakamulun at mauri.

Eremyas 3:1

Sik mangama nu naiyan wan at bubay ay at bubay nu nanangadadwa wan sa tibak mangama, kafag mangama wa masine ya gbul at bubay, aroro takatanya fag mangena gfasuya fagdaul talun. Nu katanya, am fag ngay taw Israel kata yangay am takamatugtug fag mangena. Kesug am ngayuk fagsegan. Ay takaksvn nya ay nafakamulun at mauri, tain nu manangafoli am sa angku? Au, Yawi, taglong tuy.

Eremyas 3:22

“Ku ngay sisian takamaogatun, afolii wan sa angku, ay gfalyam au ay natalyuyanan angku.” Ay kanya fagayu gbalus te, “Agvd, namaning wami emu aroro o wan em Dius Yawi.

Eremyas 35:15

siginan ku ngay taglong. Ay ku ngay fagsuguan fag ngay taglong dewa glong gugat ayu te, “Ubuni wan ay ngay ugali at mauri, ay tubusi wan ay famanwanun, ay lag gseg ya sa tibak fagsegan, laman ban gbanwan tuam gugat si ku nafon sa ayu fag daga,” wam gafanud ay gfaning angku.

Eremyas 36:3

Ngay taw Uda ro manga gubun tua at ngay ugali at mauri nu nadungug te, gfadasug kban sik faurianan. Ay kanya ban fagayu nu naubun tua at ngay ugali at mauri, gfalyam kban at ngay asalanan.”

Eremyas 36:7

Tiba ginan ban manga, siginan takatanya, kanya fagayu kakbang tua sas Yawi ay gubun tua at ngay ugali at mauri. Aroro Yawi nafararang wan sa anya fagayu te, namaurianan ban anya fagayu aroro maksvn nu kadotama.”

Eremyas 4:1

Yawi nalong te, “Israel, nu kaylat tuo fia kafoli sa angku, afolii wan. Nu gubun tuo fia am ngay fagsegan ay nu ddi ban o kasaruayan ya siginan angku,

Eremyas 4:14

“Ngay taw Erusalem, talyuyani wan ay asalanan laman umlangfe tuam. Seduge ya ban nu gamatangan am sat mauri?

Eremyas 4:23

Sanya ginan, nabanawan au sas fagdaul talun ay nalag au te, we kawalungan ya ay we gleleg ya. Ay natangda au sas banwa ay we yamag ya.

Eremyas 4:6

Fadasugi sik famararang sa sangay taw Erusalem laman kanya fagayu masakit glagyu, aroro namadasug au tagrasras siginans fawalan fag alvngvdan.”

Eremyas 51:11

Yawi namasud talun Babilunya aroro kanya narasras at bale. Yawi nataban talun Medya at ngay fun laman nanrasras talun Babilunya aroro katanya wan at algan. Kanya glong te, “Fataresi ay ngay bangko ay falganani ay ngay famalabag.

Eremyas 7:3

“ ‘Yawi at Mabalyanan, Israel at Dius glong te, Falyami wan ay ngay ugali ay anggan ay famanwanun at yud matuyan, laman ban gfabanwan ktua gugat ayu ste fag talun.

Esekyel 13:22

“ ‘Siginan ay fakamuaganun nafae fakabaluun am at matuyan fag ngay taw, ay kdi oma batang gfae fakabaluun anya fagayu. Nafaksvn am at mauri fag ngay taw at amatanganan laman gfataglayun sat fagmauriun, siginan nu gfatuyanan am sa anya fagayu te, malangfe am siginans fakabulun.

Esekyel 18:23

Au Yawi kwa guseganan at mauri fag taw nu nbul. Aroro kaylat au kanya nu gubun at asalanan ay nu gfasine at ugali. Ay kaylat kyangay kanya nu gfataglayun gleleg.

Unas 3:8

Fagayu am, suluni saku ay faksvni nu gdarangin am sas Dius. Ay ubuni wan ay ugali at mauri ay anggan ay fakamawayanun,

Mikas 2:3

Nu katanya, Yawi glong sa ayu te, “Dungugani! Namaurianan kban ayu ay wa ban am umlangfe, ay wa ban am mafamatungudun ya.

Fakamulun 26:20

Nafoyung au taguna sis Damasku ay sanya ginan sas Erusalem ay sas fagdaul talun Udea ay anggan sas yud Udyu fag ngay taw. Nafoyung au laman sanya fag ngay taw gubun tua at asalanan ay kafoli sas Dius ay gfatuyan siginan at ngay fakamulun te, naubun wan at asalanan.

Santiagu 4:13

Dungugani, nusnga sinu am taglong te, “Katsi ay mannga balabag, glo ami sa sik furuan, ay sik banwa ban nu sanya ami, ay namalao ban mi nusnge wain, ay ngayu ban em bulan.”

Santiagu 5:1

Dungugani, am at ngay maramraman. Waywayi ay sidsiduani, aroro umdasug sa ayu ngayuk mauri.