Eremyas 17:9 - Fanawbuid tagsibaliwas Fakayabian

⁹ “Taw at amatanganan kamuag way gugat ay maksvn nu mauri. Sinu tagsaful te, kaksvn kanya nu mauri?

Eremyas 17:9 ပူးပေါင်းရင်းမြစ်များ

Fakasigadan 6:5

Yawi nu nalag fagdaul daga at ngay taw at fakamulun ay anggan at ngay amatanganan nu mauri,

Fakasigadan 8:21

Ay Yawi nu nayuk kafag fanggalangun at anus, nalong te, “Kwa ban gfadog ya gfaurianan daga aroro sas taw at nafakamulun, dewa au nasaful te, taw at ngay amatanganan kabavn mauri way siginan nu masisian. Kwa ban gfadog ya gfamin fagayu tagleleg, kata ebi ku nafakamulun.

2 Samwel 11:15

Katatuy at rirukan: “Gina am gfawayan, fasii sfagunan Uryas, si ay ngay fawayan at maseganama. Ay am afolii way ay fabayani wan Uryas nu kabul.”

Alubad. 51:5

Siginan yay ku mina nu gfafion angku, mauri kwan, ay gina au kasalug e asalanan kwan.

Alubad. 64:7

Dewa katanya, Dius gfana kanya fag ngay taw mauri, ay kanya fagayu masakit kae fakarukan.

Fangatulun 28:26

Sik taw tagafanud sat sadili fagmakatuun wa mamatanganan, dewa katanya, sik taw tagugali at ke fagsafulun kalangfe siginans faurianan.

Takamoyung 9:3

Katatuy at yud masine takafasludan stes fagdaul daga, katanya yay ban fagayu at fakatabuan. Ay bundi lang takatanya; ngay taw at fagamatanganun kaduge gleleg fagmauriun way lang ay fagyudun mamatanganan, ay sanya ginan kanya kabul yangay.

Isayas 1:5

Ngay taw Israel, wain ay fakamaboun gugat? O nunda kaylat am gafaurianan? Kabavn ay amatanganan wa mabayan, anggan ay basad taw anmomuy.

Isayas 1:6

Ay siginan ay alfuyu sitsigon ay basad darafa e fakasaitun wan; fagdaul ay bilug nalayungan wan, ay e fagafalanganan, ay e ngay fakarukan. Kafag ngay fakasaitun kabaga, ay wa kafutus ya ay we famafia.

Isayas 6:10

Ay nalong yangay te, “Fatugasi wan kafag ngay taw at amatanganan. Fayudi wa gdungug ay fayudi glag anya fagayu, laman ban wa gdungug ya, ay wa glag ya, ay wa gtogdungug ya. Namakamulun o takatanya laman ban kanya fagayu wa kafoli sa angku ay laman wa kafia ya.”

Eremyas 16:12

Ay fagmauriun aksvn yap tua ay ngay mangaguyang at fagmauriun. Fagayu am nafaning am ay fagmauriun ay ay ngay amatanganan takamaogatun, abat ngate am nafaning angku.

Eremyas 7:24

“Dewa katanya, kanya fagayu wa nafaning ay wa nadungugan angku. Abat ngate, nafaksvn way nu kamaogatun at amatanganan ay nu gfakamulun at mauri. Ay kanya fagayu abat ngate nangakbang sa angku, gfataglayun way kayayu.

Mateu 13:15

Aroro kafag ngay taw kamaogatun way, ay wa kaylat gdungugan, ay gtipan way. Kafag ngay taw yaman katanya, glag tua ban, ay gdungug, ay gtogdungug ay kafoli sa angku, ay gfafia kban anya fagayu.’

Mateu 15:19

Aroro tagsiginan sik taw at amatanganan kasure at mauri fag ngay algan, kata nu gfabul, ay nu gfanugtug, dewa sat ke indugan ay dewa sat yud batang e indugan, ay nu gfangkamul, ay nu kamuag, ay nu kamuagan gfatuyan sabaliwa at iba.

Markus 2:17

Ay Isus nu nadungug, nalong sa anya fagayu te, “Sik taw at yud e fakasaitun wa gayudan tagfafia, kayu way ke fakasaitun. Aroro ku fagnastaeun kwa namaful sa angku at matuyan fag ngay taw, kayu way ke asalanan.”

Ruma 1:21

Kafag ngay taw dewa saful Dius, wa gseg ay wa gfauseganan anya. Abat ngate at ngay amatanganan sa way lang at yud e tungkul, ay nalyam wan at amatanganan sabaliwa at matuyan, kata wan nu ndulum.

Ruma 7:11

Aroro asalanan anke buknga siginan kafag suguan laman gdaya angku. Ay asalanan nafabul angku siginan kafag suguan.

Efesu 4:22

E nafoyung ayu te, ay fagfangalabianun gdaya ayu laman namamin ayu, ay nu katanya, ubuni wan ay dan fag ugali anggan ay dan fag ngay fakamulun.

Ebreu 3:12

Ku ngay faduksay, nu katanya, dirii tua laman diam gamatangan sat mauri ay di kalyam ay fagafanudun ay tumalyuyan tagleleg fag Dius.