Eremyas 17:4 - Fanawbuid tagsibaliwas Fakayabian

⁴ Bunwa ban am ya tagagbilug ku nafon ayu fag talun. Namasik ngay fagsuguan kban ayu sa ay ngay fawayan, sa ay fagyudun toglag fag talun, aroro nafadotama am angku, ay ku dotama kata sik ngay afuy tagigang at yud karabung ya.”

Eremyas 17:4 ပူးပေါင်းရင်းမြစ်များ

1 Fun 9:7

gaiyan kban ngay taw Israel siginan ku nafon anya fag talun, ay gfayud kban e masuad tuy fag bale ku nafasaman laman ay fagnamauseganan angku. Ay fagayu ban taw kase gfalingun ayu fag ngay taw Israel.

2 Fun 25:21

sis Amat fag talun. Ay sanya wan nu gfabul anya fagayu. Ay ngay taw Uda natabanan sa tangayayu fag talun.

Nemyas 9:28

“Dewa katanya, am ngay taw nu mabayan wan nu gbanwan, gdog yay fia gfakamulun at ngay mauri. Nu katanya, nafabayan o at ngay fawayan nu gbabo anya. Ay nu nadarangin sa emu, ggubuk tuo. Ay aroro mafangafanyu tuo, nafalangfe o anya fagayu.

Isayas 14:3

Ngay taw Israel, gina ban Yawi gfafaingalay ayu siginan ay ngay fagidapun ay ay fagafanawaun ay siginan nu gafagsuguanan am,

Isayas 30:33

Glugo wan nu mafalganan at buknga daga at fagnangirugan Asirya at fun. Kanya tagbia wan ay nangabasad wan, ay mafalganan yangay ngayu fag famaygang. Yawi at engasan kata sik afuy asupre tagfalabe kafag famaygang fagayu.

Isayas 5:25

Nu katanya, Yawi maksvn nu kadotama at ngay taw, ay kanya mafalganan wan namaurianan anya fagayu. Ngay buksul ban guigan, ay ngay taw ban at mabulan rumapyagan sa sangaba dalan kata ngay nakaurian. Dewa katanya, Yawi at dotama ya nalyam, ay mafalganan yay namaurianan anya fagayu.

Isayas 50:11

Dewa katanya, dirii, fagayu am at ke algan namauri sa ay iba, aroro am yay ban at nangafaurianan kata ay ngay algan! Yawi ban tagfaurianan ayu, ay umbul ban am sat maksvn fag anini.

Isayas 66:24

Ngay taw tagseg angku gina gduksun siginans Erusalem, kanya fagayu lumag at mabulan fag ngay taw at nafamabo angku. Ay ngay ulud takon anya fagayu wa kabul, ay afuy tagirug anya fagayu wa karabung. Ay fagayu ban taw kauri kafag ngay taw takamabo.”

Eremyas 12:7

Yawi glong te, “Natalyuyan kwan ku ngay taw, ku nafili fag talun, ay nafon kwa sat ngay fawayan.

Eremyas 15:14

Namasik ngay fagsuguan kban ayu sa ay ngay fawayan, sa ay fagyudun toglag fag talun, ay namadasug kban sa ayu ku dotama kata sik afuy tagigang.”

Eremyas 16:13

Nu katanya, nangaiyan kwan ayu ste ginan fag talun, ay namabanwan au ayu sa ay fagyudun toglag fag talun, ay anggan ay ngay mangaguyang at fagyudun toglag. Ay gina ban am sanya fag talun, gseg ban am sa tibak fagsegan kayu menit ay yabi, ay kwa ban kafanyu ya ayu.’

Eremyas 18:23

Dewa katanya, saful way o kanya fagayu at ngay algan laman namabul angku. Nu katanya, lag o gfalyam kanya fag ngay taw at ngay asalanan ay at ngay fagmauriun. Fabayani wan at ngay fawayan nu gbabo anya fagayu kaduge o gdama. Fadasugi wan am dotama sa anya fagayu.”

Eremyas 2:14

Siginan ngay taw Israel nu kasalug bundi sik ngay fagsuguan. Ay wain at ngay fawayan at fagnatabanun yay anya?

Eremyas 22:28

Yuyakin, kata o sik tikung at marufan at yud e masuad ya. Nu katanya, nangukas kwan emu ay anggan am ngay sisian say fagyudun toglag fag talun.

Eremyas 5:19

Ay nu e ginto way ban te, ‘Wain Yawi tam Dius at fagnafakamulunun sa antam takatanya?’ balusi ban te, ‘Aroro natalyuyan am Yawi, ay naseg am tibak fagsegan si ay talun. Nu katanya, katsi nangafagsuguanan am sa ay fagyudun toglag fag gaban taw.’

Eremyas 5:29

Au, Yawi, glong au te, o nunda kwa ro masine gfaurianan anya fagayu aroro sat ngay nafakamulun mauri? Ay o nunda kwa ro masine gfasud sa takatanya fag talun at ngay taw?

Eremyas 7:20

“Au, Yawi ay Fun, glong au te, namadasug au ste fag furuan ku dotama at maksvn: sa sangay taw, ay sa sangay fagbaugun, ay sa sangay fun kayu, ay sa sangay tanum. Ku dotama kata sik afuy at yud e mafarabung.

Takabalu 1:12

Ay kanya glong sa sangay tagdalan anya te, “O batang wam e fagidapun takaksvn ku fagidapun katsi? Yawi nafadasug sa angku takatatuy fag fagidapun, aroro kadotama angku.

Takabalu 5:2

Tibak talun at taw nagbilug em ngay daga, ay em ngay bale.

Esekyel 21:31

Namadasug kban sa ayu ku dotama, ay namagbilug kban ayu sa sangay taw tagsaful gfabul.

Esekyel 7:24

Ay at ngay bale ban namagbilug kwan sat mauri fag ngay taw. Ay takadungug ban fag ngay taw we fakamatungudunun ya, ay at fagnansegan ban fag bale namasik masuya kwan.

Deuterunumyu 28:25

Yawi ban gfababawan ayu sa ay ngay fawayan. Masadi ban am namawayan anya fagayu, dewa katanya, gsaruayan way ban am ay glagyu anya fagayu. Ay umsik mauri ban am sas fagayu fagfagtainanan sas fagdaul daga.