Eremyas 17:3 - Fanawbuid tagsibaliwas Fakayabian

³ Nu katanya, nasugu au ay ngay fawayan laman namul ay ngay ramraman ay fagayu ay fagagbilugun, ay anggan ay fagnansegan fag ngay bale tagsis tungud buksul, aroro sa ay nafakamulun fag ngay asalanan sas fagdaul ay talun.

Eremyas 17:3 ပူးပေါင်းရင်းမြစ်များ

2 Fun 24:13

Kata Yawi at longan, fun Nabukudunusur nabul fagayu ramraman sis Yawi at bale ay sis fun at bale. Kanya nabul yangay nusnge wain at mawatan siginans gintu, Sulumun, Israel at fun, at nafawat laman sas Yawi at bale.

Alubad. 78:58

Kanya fagayu nawat ngay fagsegan sa sangay fagnansegan; siginan takatanya, nafauri Dius.

Isayas 27:9

Kanya ban fag ngay taw nu narasras tua at nawat at fagirugan fag ngay gang, ay nu narufa wan anggan andudug ay gfuan at ngay fagirugan famaebebanglu ay ngay turuk fagtoglagan Asera fag fagsegan, gfalyam kwan at ngay asalanan.

Eremyas 12:12

At nanrasras kadasug siginans talun at yud e taw fag ngay tagbudbuksulanun. Ay gagbilug kban anya fagayu kata sik fiso tagsumbalian at uyup laman namauri galay sik taw, ay wa ban e malagyu ya.

Eremyas 15:13

Namagbilug kban say ngay fawayan ay ngay ramraman ay ay ngay fagagbilugun, aroro sa ay asalanan siginan ay nafakamulun at mauri sas fagdaul ay talun.

Eremyas 20:5

Namon kban sat ngay fawayan Erusalem at ngay ramraman: at ngay fagagbilugun at mabyat nu kabayad, ay fagayu at nainlufuyan, ay anggan Uda at fun at ramraman. Ay kanya ban fagayu namuba kafag ngay ramraman sas talun Babilunya.

Eremyas 21:13

Ku ngay fawayan fag ngay taw Erusalem tagbanwan sis tungud buksul fag datag, kamatungudun am glong te, “We manamawayan antam ste tam fagbanwanan at mogat!”

Eremyas 26:18

“Ebi gina Esekyas gfunan sis talun Uda, Mikas, tagsiginans Mureset, nalong Yawi at longan laman sa sangay taw Uda. Kanya nalong te, ‘Yawi at Mabalyanan nanrasras wan Siun, Erusalem fag furuan daul. Ay kafag furuan ban umkata sik fagtanuman at malian, ay sik fagfungsuan at kinkiklas fag ngay bale, ay at fagfalindugan Yawi at bale fag buksul umkata sik araw.’

Takabalu 1:10

At ngay fawayan nabul wan fagayu at ramraman. Kanya nalag tibak talun at taw nu gsakbo sas Yawi at bale, Yawi deyud kaylat kanya fagayu nu gsakbo.

Esekyel 16:39

Namon au emu sa sangay takesug emu. Ay kanya ban fag ngay taw nanrasras am nafawat fag ngay bale laman am fagnansegan am ngay fagsegan. Kanya ban fag ngay taw nanlulas emu ay namul am ngay famasine, ay gubun ban emu malulasan.

Esekyel 23:46

“Au, Fun Dius Yawi at nasugu ngay taw sas duksay laman namawayan ay namalimu, ay nangago at ngay ramraman.

Esekyel 6:3

‘Am tagsis Israel fag ngay fungsu, ay fag ngay buksul, ay fag ngay buknga fungsu, ay fag ngay datag, dungugani Yawi tam Fun at longan te, Gfadasug kban sa ayu awayan ay nanrufa kban fagayu fagnansegan sa tangabat fag ngay buknga.

Lebitiku 26:30

Nanrasras kwan ay ngay fagnansegan ay ay fagirugan famaebebanglu fag fanggalangun tagsi sangay buksul. Gukas kban ay ngay bilug sa ay ngay tungud fagsegan at yud gleleg, ay gaiyan kban ayu.

Mikas 3:12

Aroro nafakamulun am takatanya, umkiklas ban Siun, furuan Erusalem. Ay kanya ban umkata sik fagtanuman at malian, ay sik fagfungsuan at kinkiklas fag ngay bale, ay at fagfalindugan Yawi at bale fag buksul umkata sik araw.

Sefanias 1:13

Tiba ban ktaw nangago kafag ngay taw at fagagbilugun ay nangiklas at ngay bale. Bunwa ban kanya ya at namanwan sat ngay bale. Ay bunwa yangay ban kanya ya at nanginum at fanginum siginan at tanuman wat ubas.”