Eremyas 17:27 - Fanawbuid tagsibaliwas Fakayabian

²⁷ Dewa katanya, nu dway ban am gfaning angku, ay nu dway ban am gfae masuad Famiangalay fag Menit, ay nu namuba way ban am ay ngay famaloun sas Erusalem at ngay sakbawan ginanya fag menit, nangirug kwan Erusalem at ngay sakbawan anggan ngay furuan at ngay fagtungkudan, ay wa ban e mafarabung ya!”

Eremyas 17:27 ပူးပေါင်းရင်းမြစ်များ

2 Fun 22:17

Namalag au ku dotama stae fag furuan, ay wa ban e mafaragang, aroro ku ngay taw natalyuyan angku ay nawat tibak fagsegan ay naseg.’

2 Fun 25:9

Ay kanya nairug Yawi at bale, ay fun at bale, ay fagayu bale tagsis Erusalem, ay anggan at mafanud fag ngay taw at ngay bale.

2 Krunika 36:19

Ay kanya fagayu nairug wan Dius at bale, ay narufa wan Erusalem at ngay alad. Ay nairug yangay anggan at mogat fag ngay afud furuan Erusalem, ay naiklas wan at mafanud fag ngay fagagbilugun.

Alubad. 122:7

Furuan Erusalem ban nangus manabayan tua gugat, ay fun ban nangus at bale daul umke fagmanabayanun.

Isayas 1:20

Dewa katanya, nu gfataglayun way ban am kamabo angku, matuyan kabul ban am. Umfasludan takatatuy, aroro au Yawi taglong tuy.”

Isayas 1:31

Ay at mabalyanan ban fag taw umkata sik baruk, ay at fakamulun kata sik batsio, ay fagdua umsik igang, ay wa ban e mafarabung ya kanya fag afuy.

Eremyas 17:24

Dewa katanya, nu gfaning tua ban am ku longan ay nu ddi ban am namakamulun ay namuba ay ngay famaloun sas Erusalem at ngay sakbawan sis Famiangalay fag Menit, ay nu gtuyan tua ban am fia te, kanya at mafasamanan fag menit,

Eremyas 17:4

Bunwa ban am ya tagagbilug ku nafon ayu fag talun. Namasik ngay fagsuguan kban ayu sa ay ngay fawayan, sa ay fagyudun toglag fag talun, aroro nafadotama am angku, ay ku dotama kata sik ngay afuy tagigang at yud karabung ya.”

Eremyas 18:1

Yawi nalong yangay angku te,

Eremyas 21:14

Dewa katanya, namaurianan au ayu kata ay ngay nafakamulun. Nangirug au ay fagagbilugun fag ngay araw yakmay ankirug fagayu si ay ligung. Au, Yawi, taglong tuy.’ ”

Eremyas 22:5

Dewa katanya, nu dway ban am gfaning ku ngay suguan, gfatuyanan au te, nangiklas kban fun at bale.”

Eremyas 32:29

Ay kanya ban fagayu girug wan tuy fag furuan, anggan at ngay bale ke ugun at madatag nu inda ste fag ngay taw nafae fakadotamaun angku siginan nu girug at famaebebanglu fag ngay fanggalangun laman sas Baal fag fagsegan ay anggan nu gfon fanginum fag fanggalangun sa tiba yak fagsegan.

Eremyas 39:8

Ay talun Babilunya at ngay tagfawayan nairug wan tagsis Erusalem fag ngay bale ay anggan fun at bale daul, ay narufa yangay ngay alad.

Eremyas 44:16

“Wami gafanud am ngay nalong sa emi sas Yawi at ngayan!

Eremyas 49:27

Girug kban Damasku at ngay alad, anggan fun Ben-Adad at bale daul.”

Eremyas 52:13

Ay kanya nairug Yawi at bale, ay fun at bale, ay fagayu bale tagsis Erusalem, ay anggan at mafanud fag ngay taw at ngay bale.

Eremyas 6:17

Nu katanya, nafili au ngay tagulit ay nalong ayu te, ‘Dungugani budyung nu gawang laman sik famararang sa ayu.’ Dewa katanya, nalong wayam te, ‘Wami kaylat gdungugan.’ ”

Eremyas 7:20

“Au, Yawi ay Fun, glong au te, namadasug au ste fag furuan ku dotama at maksvn: sa sangay taw, ay sa sangay fagbaugun, ay sa sangay fun kayu, ay sa sangay tanum. Ku dotama kata sik afuy at yud e mafarabung.

Takabalu 2:6

Kanya narasras at bale kata way nu sik tanum. Ay kanya nafalyam siginan sangay taw Erusalem at amatanganan ngay fagmafulun ay Famiangalay fag Menit. Ay at kaksvnan nu kadotama kanya naiyan wan ngay fun ay anggan ngay tagfon fanggalangun.

Takabalu 4:11

Yawi andotama maksvn furuan Erusalem, ay kanya nairug kafag furuan anggan at ngay fagfatungkudan turuk.

Esekyel 16:41

Ay kanya ban fag ngay taw nangirug am bale ay namaurianan emu sas salubangan ngayuk mangena. Gfaragang kwa ban nu kamatugtug o ay nu gfon o famayad sat nafasedsegan emu fag ngay mangama.

Esekyel 21:15

Kanya ban fagayu gtadtaruyan kalimu, ay ngayu ban takabul. Namoli kban fiso sis furuan at sakbawan, laman namabul kafag ngay taw. Kanya fag fiso ganinag kata slimbad, ay mafalganan namabul.

Esekyel 21:3

Nanlong o sa anya fagayu te, ‘Au Yawi at mabalyanan, glong au te, gfawayan au ayu! Gguyud kwan ku fiso tagsumbalian at uyup ay namabul au ayu.

Esekyel 22:8

Wo nafaning ku nalong sa emu nusnge wain at yud e malong, ay wo nafamafanud Famiangalay fag Menit.

Esekyel 23:38

Ay duksay nafauri yay fia angku siginan nu yud gfaning Famiangalay fag Menit. Ay kanya fagayu nafauri ku bale siginan nu gfon at ngay sisian sat ngay fagsegan.

Usea 8:14

Ngay taw Israel nalyam at takawat. Ngay taw Israel ay ngay taw Uda nawat at ngay bale ayu daul, ay at mogat fag ngay furuan ayu daul. Dewa katanya, nangirug kban kafag ngay furuan ay anggan at mogat fag ngay afud.”

Amus 1:10

Nu katanya, nangirug kban furuan Tiru at ngay alad gasfuan at mogat fag ngay afud.”

Amus 1:12

Nu katanya, nangirug kban Teman gasfuan Busra at mogat fag ngay afud.”

Amus 1:14

Nu katanya, nangirug kban furuan Raba at ngay alad gasfuan at mogat fag ngay afud, kaduge at ngay fawayan gudguroan kata sik fulug nu kalung.

Amus 1:4

Nu katanya, nangirug kban fun Kasael at bale daul, gasfuan furuan Damasku at mogat fag afud, at baguama Ben-Adad at nafawat.

Amus 1:7

Nu katanya, nangirug kban furuan Gasa at ngay alad gasfuan at mogat fag ngay afud.

Amus 2:2

Nu katanya, nangirug kban Muab gasfuan Keryut at mogat fag ngay afud. Ay ngay taw ban Muab umbul kaduge at ngay fawayan gudguroan ay guyup at ngay budyung.

Deuterunumyu 32:22

Nu kadotama au kata sik afuy tagigang, ay girug daga ay fagayu tagsanya, anggan sas daga daga, ay sa sangay buksul at fagtungkudan.

Ebreu 12:25

Nu katanya, am madiriani tua laman diam kauri gdungugan tagfoyung ayu. Ebi fag ngay taw at yud kaylat gdungugan Muisis at foyungan, wa nasaruy faurianan. Ay kaugat waban itam nu yud tam kalangfe nu dway tam kaylat gdungugan tagsiginans banwa fag foyungan.