Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Eremyas 17:25 - Fanawbuid tagsibaliwas Fakayabian

25 gfon kban sa ayu at masine. Ay e gfunan tua ban gugat ayu sis Erusalem siginans fun Dabid at kasugfunanan. Kanya ban fag ngay fun ay at ngay tagfangguna nangadgaloan gsakay sis faguyudan fangawayan ay si sangay kabayu, gadgaloan ngay taw Uda ay ngay taw Erusalem. Ay e gbanwan tua ban gugat sis Erusalem.

အခန်းကိုကြည့်ပါ။ ကော်ပီ




Eremyas 17:25
21 ပူးပေါင်းရင်းမြစ်များ  

Am ngay kasugfunanan ban kabavn gfataglayun nu gfunan si ku daga salubangan.’ ”


Dabid ay at ngay tagfawayan naago fun Adadeser at faguyudan sadik libu, ay fituk libuk tagsaful gsakay sis faguyudan, ay duak safuluk libuk tagfawayan. Dabid ay at ngay tagfawayan nafaalbi ngay kabayu tagguyudan ngay faguyudan, ay nafasawad yay sadik sandank kabayu laman at sakayan.


“Kabavn ban, amatangi tua gugat katsi fag menit. Ay galay banwa afuli tua ban gugat ginanya fag fagmafulun laman gfauseganan am angku. Ay faningi tua gugat tuy fag faugali anggan ban sat fadogan ay kasugfunanan.


Wa ban e fakatabuan kanya nu gfunan, ay nu gfae fagmanabayanun. Kanya namataglayun ay namaksvn Dabid at fagfagtainanan siginan nu matuyan nu gfunan yud e fakatabuan. Anud, umfasludan ban takatanya, aroro Yawi at Mabalyanan nu kesug kata tua tagigang fag afuy.


nanlong o sa anya fagayu te, ‘Yawi glong te, Namaurianan kban fagayu tagbanwan ste fag talun, kata nu nafalangu au anya fagayu. Namaurianan au ngay fun tagsiginans Dabid at ngay kasugfunanan, ngay tagfon fanggalangun, ngay taglong, ay fagayu taw Erusalem.


Uda at fun, tagsiginans Dabid at kasugfunanan, ay am fag ngay tagfangguna ay am fag ngay taw tagdalan ste fag sakbawan, dungugani. Yawi glong te,


Kanya glong te, “Rarusi wan siginans fun at fafil Yuyakin at ngay baguama at ngay ngayan. Fun Yuyakin nababawan wan, ay nusdi ban at sisian at sadi we nanmalunggung sas fun Dabid at faglunggungan laman gfunan sas talun Uda. Au, Yawi, taglong tuy.”


Nu gfaning tua ban am ku ngay suguan, Dabid tua ban gugat at kasugfunanan tagfunan sis Erusalem. Ay ay fun ban, ay at ngay tagfangguna ay at ngay taw, nangadgaloan tua ban gugat gsakay sit ngay faguyudan fangawayan ay gsakbo sas fun at bale at sakbawan.


Yawi naringang siginan at ngay taglong te, ‘Talyuyani wan ay ngay ugali at mauri ay ay ngay fakamulun at mauri laman ban gbanwan tuam gugat ste fag fagbanwanan ku nafon sa ayu ay sa ay ngay mangaguyang.


Ay ginanya ban, namae funan kban at ke fagmatuyanun tagsiginans Dabid at kasugfunanan. Kanya ban namafagdaul fagmasineun ay fagmatuyanun stie fag daga.


Yawi nalong yangay fia te, “Dabid ban e kasugfunanan tua gugat at nanfunan ngay taw Israel.


katanya yangay, wa ban ginbalian ku nasadian sa ku fagsuguan Dabid. E fun tua ban gugat tagsiginan at kasugfunanan. Ay anggan ban Lebi at ngay kasugfunanan fag ngay tagfon fanggalangun namakamulun tua gugat sa angku.


“ ‘Yawi at Mabalyanan, Israel at Dius glong te, Falyami wan ay ngay ugali ay anggan ay famanwanun at yud matuyan, laman ban gfabanwan ktua gugat ayu ste fag talun.


Nu nafakamulun tua ban am takatanya, gbanwan tua ban am gugat ste fag talun ku nafon sa ay ngay mangaguyang.


Ay nafili fag fun wa masine gbul ngayuk kabayu, ay wa masine gfafoli sas talun Igiptu at ngay fagsuguan laman namayad ngay kabayu, aroro Yawi nalong te, “Lag am kafoli ya sanya.”


Ay andasug am sas Buksul Siun ay sa tagleleg fag Dius at furuan, tagsis banwa fag Erusalem, nu inda at yud katap ya fag ngay tagbarita nu maful guseganan.


Kanya nalong te, “Katatuy ban at nanfangguna ayu fag fun at fakamulun: kanya ban gbul siginan ayu ay ngay baguama laman sik ngay tagfawayan. Ay tiba ban tagsakay sis faguyudan ay tiba ban tagsakay sis kabayu laman tagfangguna ngay tagsakay sis faguyudan.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ