Eremyas 17:23 - Fanawbuid tagsibaliwas Fakayabian

²³ dewa katanya, kanya fagayu wa nadungugan angku. Kanya fagayu kamaogatun at ngay amatanganan! Ay wa kaylat ku ngay foyungan.

Eremyas 17:23 ပူးပေါင်းရင်းမြစ်များ

Alubad. 50:17

Nafae yud am e masuad ku ngay foyungan, ay wam nafaning ku ngay longan.

Fangatulun 1:3

Ay siginan yangay kanya fag fagsafulun, umsik matuyan o, ay umsine am ngay ugali, ay mafakamulun tuo at kasakan ay at matuyan.

Fangatulun 1:5

At ke fagsafulun fag taw nu gdungugan tua at ke fagsafulun at foyungan, kafag taw kafamut at fagsafulun, ay at ke nagadalan, kafamut tua at ngay fagsafulun,

Fangatulun 29:1

Sik taw at yud gfabali at ugali dewa e gsalag, umfaurianan ay wa mlangfe.

Fangatulun 5:12

ay ginanya ya ban nu glong o te, “Fangulan, kwa nafaning nu e gatul angku; nafamaogatun kway, ay nafaning ku fakaylatun.”

Fangatulun 8:10

Fae tungkuli tua si emu fagsafulun, ay nu gfasine au ay ugali, aroro kanya at kamafanudan gtungud yay sanbung salapi ay gintu.

Isayas 48:4

Nasaful au te, maksvn nu yud am gfaning angku. Ay liug nu matugas kata sik sanbung, ay ay dangasan nu matugas kata sik tansu.

Eremyas 11:10

Kanya fagayu nafakamulun at mauri kata at ngay mangaguyang at nafakamulun, ay ankuri ku longan ay naseg tibak fagsegan. Ngay taw Erusalem ay taw Uda wa nafaning em nasadian.

Eremyas 19:15

“Yawi at Mabalyanan, Israel at Dius, glong te, ‘Namadasug kban sanya fag furuan ay sa sangay furuan ayu sirut sit ligung ku nalong fag faurianan aroro kanya fag ngay taw kamatungudunun ay wa gdungugan ku ngay longan.’ ”

Eremyas 32:33

Kanya fagayu anyayu siginan angku dewa au gfoyung gugat sa anya fagayu. Ay kanya fagayu wa kaylat ay wa gdungugan at matuyan.

Eremyas 35:15

siginan ku ngay taglong. Ay ku ngay fagsuguan fag ngay taglong dewa glong gugat ayu te, “Ubuni wan ay ngay ugali at mauri, ay tubusi wan ay famanwanun, ay lag gseg ya sa tibak fagsegan, laman ban gbanwan tuam gugat si ku nafon sa ayu fag daga,” wam gafanud ay gfaning angku.

Eremyas 5:3

Sanya ginan, nalong au sas Yawi te, “O grvbvy o at matuyan fag taw? Nafauri o am nafili fag ngay taw ay wa nkuri. Nafaurianan o anya fagayu ay wa kaylat gfayfoyung. Kanya fagayu nafamaogatun ay wa kaylat gubun at ngay asalanan.

Eremyas 6:8

Ngay taw tagbanwan sis Erusalem, kanya sik famararang sa ayu, ay nu dway am kaylat gdungugan, nangayayu au siginan ayu, ay ay talun umsik mabaluanan at yud e gbanwan ya.”

Eremyas 7:28

Nu katanya, nanlong yakman o sanya fag ngay taw te, ‘Am fag gaban taw at yud gfaning ay Dius Yawi ay at yud kaylat gfayfoyung. We si ya ayu fagmatuyanun ay wam e gfoyung ya at matuyan.

Esekyel 20:13

“Dewa katanya, kafag ngay taw gina sis talun at yud e taw nafamabo angku, ay wa nafaning ku ngay suguan ay ku ngay faugali, dewa katanya, nu nafaning di, gleleg tua ban. Ay kafag ngay taw nafayud e masuad Famiangalay fag Menit ku nafalganan sa anya fagayu. Nu katanya, nalong au te, namadasug kban sanya fagayu ku dotama, laman namamin au anya fagayu sis talun at yud e taw.

Esekyel 20:16

Aroro kafag ngay taw wa nafaning ku ngay suguan ay ku ngay faugali, ay nafayud e masuad Famiangalay fag Menit ku nafalganan sa anya fagayu. Kanya fag ngay taw at fagugatanun gseg way sat ngay fagsegan.

Esekyel 20:21

“Dewa katanya, kafag ngay taw at ngay sisian nafamabo yangay angku, ay wa nafaning ku ngay suguan ay ku faugali, ay nu nafafasludan di, gleleg tua ban. Ay kafag ngay taw nafayud e masuad Famiangalay fag Menit ku nalong sa anya fagayu. Nu katanya, gina kanya fagayu sit yud e taw fag talun nalong au sanya fag ngay taw te, namadasug au sa ayu ku dotama at maksvn.

Sefanias 3:7

Nu glong kro nu nafakamulun ktua takatanya, ku ngay taw gsuyu tua angku, ay kaylat tua nu gatul au anya, laman at furuan di kaiklas kata ku nafalganan. Ay abat ngate mangaro, ku ngay taw kaksvn way nu gfakamulun at mauri.

Fakamulun 7:51

Sanya ginan, Esteban nalong te, “Kamaogatun am ay amatanganan! Ay wam kaylat gdungugan ay gfaning Dius at foyungan. Nu setain ay mangaguyang at fakamulun, katanya yangay ay fakamulun. Ay gfauri am gugat at Masine fag Falad.

Tagfangguna 6:10

Nalong au ayu te, ‘Au ay Dius Yawi. Lag am gseg ngay taw Amur at ngay fagsegan, dewa am gbanwan sit talun.’ Dewa katanya, wam nafaning angku.”