Eremyas 17:22 - Fanawbuid tagsibaliwas Fakayabian

²² Anud, lag am gfakamulun ay lag namuba ay ngay famaloun siginan ay ngay bale ginanya fag menit. Tuyani fia te, kanya at mafasamanan fag menit. Kata kanya ku nafoyung sa ay ngay mangaguyang,

Eremyas 17:22 ပူးပေါင်းရင်းမြစ်များ

Nemyas 13:15

Ginanya fag buknga, nalag au ngay taw Uda nu gturis rawvg ubas sis Famiangalay fag Menit ay nu gfaful ngay trigu, fanlangu, ubas, igus, ay tiba yak famubaun asnu at buba at fagnamaloun sas Erusalem. Nu katanya, nalong au sanya fagayu te, “Lag namalao ay ngay famalaoun sis Famiangalay fag Menit.”

Nu Galin 23:12

“Fakamuluni kaduge unumk menit ay lag am gfakamulun sis fafituk menit laman gfiangalay tuam, anggan ay ngay baka, ay anggan ay ngay asnu, ay anggan ay ngay fagsuguan, ay anggan fagayu ay betaw tagbanwan si ayu.

Isayas 58:13

Ay nu gfaning tuam gugat ku ngay faugali sabaliwas Famiangalay fag Menit, ay nu ddi ban am gugat gamatang ay sadili fakaylatun ginanya fag menit, ay nu gtuyan tua ban am kafag menit te, sik famauseganan, siginan nu gfaragang ay ngay sadili fakaylatun, ay sa nu garingang am at yud e tungkul,

Eremyas 17:24

Dewa katanya, nu gfaning tua ban am ku longan ay nu ddi ban am namakamulun ay namuba ay ngay famaloun sas Erusalem at ngay sakbawan sis Famiangalay fag Menit, ay nu gtuyan tua ban am fia te, kanya at mafasamanan fag menit,

Esekyel 20:12

Nafalganan kyangay sa anya fagayu Famiangalay fag Menit laman famamatang ku nasadian sa anya fagayu. Kanya tagfamatang sanya fag ngay taw te, au Yawi at nafili anya fagayu te, ku ngay taw fia.

Esekyel 22:8

Wo nafaning ku nalong sa emu nusnge wain at yud e malong, ay wo nafamafanud Famiangalay fag Menit.

Lebitiku 19:3

Suyui tua ay mama ay ay mina. Faningi ku suguan ayu galay Famiangalay fag Menit. Au wan ay Dius Yawi.

Lebitiku 23:3

“Unumk menit nu gfakamulun am, dewa katanya, sis fafituk menit fiangalayi way ay afuli, aroro ginanya Famiangalay fag Menit. Lag am gfakamulun ginanya fag menit nusnga nday nu gbanwan am, aroro ginanya nu gfauseganan am Yawi.

Sakaryas 1:4

Lag am gfaning ay ngay mangaguyang at fakamulun. Nasugu koma sik ngay taglong laman nanlong sa anya fagayu te, ubuni wan at ngay fakamulun at mauri. Dewa katanya, wa nafanud ay wa nafaning angku.

Lukas 23:56

Kafag ngay mangena nfoli wan ay nafasine sik famaebebanglu ay sik lumad. Ay kanya kamato sis Famiangalay fag Menit, gfaning Dius at Longan.

Lukas 6:5

Ay Isus nalong te, “Au, Taw at Baguama, au wan Famiangalay fag Menit at Fun.”

At Nafasure 1:10

Gina si tam Fun at Menit, at Masine fag Falad antayuk sa angku, ay nadungug au sik aringang daul siginan ku day guyuy, kata sik budyung at awang.