Eremyas 17:21 - Fanawbuid tagsibaliwas Fakayabian

²¹ Katatuy Yawi at longan: Nu kesug yayam ay ngay sadili, lag am gfakamulun ay namuba ya nusnge wain fag famaloun sas Erusalem at ngay sakbawan gina Famiangalay fag Menit.

Eremyas 17:21 ပူးပေါင်းရင်းမြစ်များ

Nu Galin 20:8

Amatangi Famiangalay fag Menit, ay fasamani kanya fag menit laman sa angku.

Fangatulun 4:23

Tagtungud sas fagayu, fayayui am amatanganan siginans mauri, aroro nu setain wan am namatangan, katanya yangay fia am ugali.

Isayas 56:2

Mauseganan ngay taw tagfakamulun tua takatanya, ay tagfaning ku ngay suguan sabaliwas Famiangalay fag Menit. Ay mauseganan yangay sik taw at yud gfakamulun at mauri.”

Isayas 58:13

Ay nu gfaning tuam gugat ku ngay faugali sabaliwas Famiangalay fag Menit, ay nu ddi ban am gugat gamatang ay sadili fakaylatun ginanya fag menit, ay nu gtuyan tua ban am kafag menit te, sik famauseganan, siginan nu gfaragang ay ngay sadili fakaylatun, ay sa nu garingang am at yud e tungkul,

Markus 4:24

Isus glong yangay te, “Amatangani tua ay nadungug. Ay nusnga se aksvn nu gfaurianan am ay iba, katanya yangay nu gafaurianan am, ay e famamut yay.

Lukas 8:18

Amatangani fia kaduge am gdungugan, aroro nusnga sinu at ke kwa, e gfamut yay ban. Ay nusnga sinu nu alay way tagsi anya, e namul way ban siginan anya, anggan at amatanganan te, Tuy angku way.”

Fakamulun 20:28

Dirii ay sadili, ay fagayu tagafanud at Masine fag Falad at nafatigwanan sa ayu laman galaga Dius at furuan, at nabayad siginan at sadili taguk.

Deuterunumyu 11:16

Dewa katanya, madiriani tua, manafaylatan am ay manyayu siginans Dius, ay mananseg am ay mafaning sa tibak fagsegan.

Deuterunumyu 4:15

Yawi gina gfakamatoan ayu sis Buksul Sinay siginans wabilug afuy, wam glag anya. Nu katanya, dirii,

Deuterunumyu 4:23

Dewa katanya, madiriani tua laman diam kalyam Yawi at nawat fag nasadian laman sa ayu. Lag am kawat ngay fagsegan nusnge wain fag aninu, aroro Yawi wa kaylat takatanya.

Deuterunumyu 4:9

Dewa katanya, am madiriani tua! Lag am kalyam nusnge wain ay nalag Yawi at nafakamulun. Ay amatangi tua gugat tuy kaduge am gleleg.

Uswe 23:11

Nu katanya, esugi tua gugat Yawi sas fagdaul ay amatanganan.