Eremyas 17:12 - Fanawbuid tagsibaliwas Fakayabian

¹² Yawi, siginan ebi am bale wan at masine fag fagbanwanan.

Eremyas 17:12 ပူးပေါင်းရင်းမြစ်များ

Alubad. 103:19

Yawi nawat at faglunggungan sis banwa, ay gfunan sas fagayu.

Alubad. 96:6

Siwa anya fagmasuyuun ay fagmatuyanun, ay kalag sit bale at fagmabitsugun ay at fagmasineun.

Isayas 6:1

Gina fun Usya kabul fag banwa, nalag au tam Fun Dius nu malunggung si tiba tungud fag fagmalunggungan, ay at lanbung aba ankapnu sat basad bale.

Isayas 66:1

Katatuy Yawi at longan: “Banwa ku faglunggungan, ay fagdaul daga ku fagsiadan. Nu katanya, tain ban ay fagnangawatun fag bale laman sa angku? Ay dada ban fag furuan nu namafiangalay am angku?

Eremyas 14:21

Lag o gaiyan emi aroro am ngayan matuyan tua. Lag o gfae fakaplaun am fagfagtainanan. Ay amatangi am nasadian sa emi, ay lag yap gfayud e masuad.

Eremyas 3:17

Ay ginanya ban e gfangayan Erusalem te, ‘Yawi at fagbanwanan.’ Ay fagayu ban talun at taw nangaful sanya laman namauseganan angku. Ay kanya ban fagayu wa kamaogatun ya ay wa mauri ya at ngay amatanganan.

Esekyel 1:26

Ay sanya e kata sik faglunggungan mawatan siginan tagmedmeloun fag ngay gang, ay sanya fag faglunggungan e kata sik taw.

Esekyel 43:7

Glong sa angku te, “Taw at baguama, ste ku faglunggungan ay ku fagfatungkudan ku darafa. Namanwan kban ste magamut ngay taw Israel kabavn. Kanya ban fag ngay taw anggan at ngay fun wa namauri ya ku ngayan, siginan nu gseg tibak fagsegan, ay sat nawat fag ngay aninu famamatang at ngay fun at kinbul.

Mateu 25:31

“Au, Taw at Baguama, gina ban au kadasug stae swa daga gasfuan ngay tagbarita fagayu, e fagmasineun ban au daul. Kadugenya gmalunggung au sa ku fagmalunggungan ke fagmasineun, laman namagtainan.

Ebreu 12:2

Kabavn tam mata fasai tuas Isus. Aroro kanya wan at nafasigad tam fagafanudun ay kanya yangay tagfaksvn. Aroro tagfanya anya fagusegananun tua, kanya nagwantan nangabul sas fasulungan kayu, ay wa namatangan fakaplaun. Ay sanya ginan kanya malunggung sis Dius at fagmalunggungan at siun.

Ebreu 4:16

Nu katanya, lag tam gaduanun nangakbang sas Dius at mafangafanyu at daga salubangan, laman mul tam at fakafanyun ay at fagmagalangun taggubuk antam gina tam gayudan.

At Nafasure 3:21

Ay nusnga sinu ban at nababo gfalunggung au sa sik faglunggungan tagsi ku day faglunggungan, ay kanya ban kata angku at nababo ay at malunggung si ku Mama at day faglunggungan.