Eremyas 17:11 - Fanawbuid tagsibaliwas Fakayabian

¹¹ Sik taw at kinramraman siginan at yud masine fag balyawvtan kata way sik fanginan taglub sit yud sadili iklug. Ay gina ban swabilug at leleg, at ramraman ban umkalyam wan, ay umtuyan te, sik yud way e fagsafulun.”

Eremyas 17:11 ပူးပေါင်းရင်းမြစ်များ

Ub 20:21

Wa ban e sawad si anya at ngay fakonun aroro umkamin ban at ngay ramraman.

Alubad. 49:13

Ay katanya yangay ban at kumdasug sa tagseg at sadili, ay anggan ban ngay tagafanud kanya fag ngay taw at longan.

Alubad. 55:23

Dius, dewa katanya, gfatong o sa tangabasad fag alian ngay taw takamabul ay tagfandaya, gina yay mabaguama. Dewa katanya au, gafanud ktua sa emu.

Fangatulun 13:11

Sik taw at ramraman nu siginan way at nafandaya, masakit way kalyam, dewa katanya, sik taw at ramraman nu siginan tua at nainkidapanan, mauseganan tua.

Fangatulun 15:27

Sik taw tagfangalabian, gfae fagidapun way anya talanan. Ay sik taw nu ddi gbul famayad laman nanfandaya, gleleg tua kabavn.

Fangatulun 21:6

Sik ramraman nu siginan way sfandayan masakit way nu kamin, ay tibaginan kafag taw wa ngaduge nu gleleg.

Fangatulun 23:5

Aroro ramraman masakit way nu kamin, kata sik bio taglayugan sis kiwang.

Fangatulun 28:16

Sik fun at yud saful gtogdungug gfaidapan way at ngay taw. Ay sik fun nu ddi gfangalabian, ngaduge tua nu gleleg.

Fangatulun 28:20

Sik taw nu matuyan tua, ngayuk famonun takadasug sa anya, ay sik taw takaylat vtv karamraman, umfaurianan.

Fangatulun 28:22

Sik taw tagungitun kaylat vtv karamraman, dewa katanya, at fagnangadasugan sa ways fagidapun.

Fangatulun 28:8

Tagfayu at salapi nu siginan way nu gfasawe at famamut siginan at nafabedan fag taw, tiba way ban ktaw at nangagbilug kafag salapi laman ggubuk ngay yud e kwa.

Eremyas 22:13

Afanyuan o Yuyakim, nafawat o am bale siginan at mauri fag balyawvtan. Nafafakamulun o am ibama ay wo e nafon famayad.

Eremyas 22:17

Dewa katanya, kabavn emu am fakaylatun gfandaya way o, ay namabul at yud e asalanan, ay nanfamalingun, ay namakamulun at mauri.

Eremyas 6:13

Ay dewa at yud e kwa ay takadungug, ay at ngay taglong ay at ngay tagfon fanggalangun gsud way gfangalabian salapi.

Eremyas 8:10

Nu katanya, namon kban at ngay mangena ay at ngay gamasun sa tibak taw. Ay dewa at yud e kwa ay takadungug, ay at ngay taglong ay at ngay tagfon fanggalangun gsud way gfangalabian salapi.

Amus 3:10

Nu katanya, katatuy Fun Dius Yawi at longan sas Samarya: “Kanya fagayu wa gfakamulun at matuyan. Ay at ngay nafangkamul mapnu sat mogat fag ngay afud. Nu katanya, at ngay fawayan ban nangiklas at ngay fagmafulan, ay namul at ngay ramraman.”

Mikas 2:9

Naiyan am at ngay mangena siginan at ngay bale. Ay naago am at ngay sisian ku ngay famonun sa anya, nu katanya, kanya fag ngay sisian wa manangafoli ya sat ngay fagtainan kabavn.

Mikas 7:3

Kanya fagayu annanad wan gfakamulun at mauri. At ngay tagfangguna ay at ngay tagwabilug gbul famayad laman namakamulun at mauri. Ay gfaning way at mabalyanan fag ngay taw at fakaylatun, ay masadi yangay laman gfayud e masuad fagmatuyanun.

Sefanias 1:9

Ginanya ban fag menit, namaurianan kyangay fagayu tagseg ngay fagsegan, anggan at madot ay tagfandaya laman gfapnu ramraman sat fagsegan at bale.

Sakaryas 5:4

Yawi at Mabalyanan nalong te, namadasug au takatanya fag faurianan sa sangay bale nu inda ngay tagfangkamul nu gbanwan ay sa sangay taw takamuagan glong ku ngayan. Ku faurianan gbanwan sanya fag ngay bale yakmay kanya fagayu ankiklas.”

Malakyas 3:5

Yawi at Mabalyanan glong te, “Kadasug kban laman nanginsaful ayu. Ay gfatuyan kban vtv te, mauri ngay tagfangabalo, takamuagan fag tagwabilug, at yud gfakasakan at famayad sat ngay fagsuguan, tagfauri ngay fagbubayun ay at yud e fagtainan ya, ay at yud matuyan sat ngay betaw. Namakamulun kban takatanya sa ayu, at yud gsuyu angku.”

Mateu 23:13

“Ida, am fag ngay tagfoyung Muisis at Faugali ay am fag ngay taw Fariseu, ngay takamaningan wayam! Gsalag am fagayu taw laman ban wa manangatap sas Dius at fagfagtainanan. Ay anggan ban am, wam manangatap, aroro gsalag am takaylat nangatap.

Lukas 12:20

“Ay Dius nalong anya te, ‘Ida, o nunda wo e amatanganan ya! Katsi ro sad yabi namul kwan am falad. Nu katanya, sinu ban at nangagbilug am nafungsu fag ngay ramraman?’

1 Timuteu 6:9

Takaylat nangaramraman umtong sas famaskud ay sas sangdaw ay sat yud matuyan ay at mauri fag algan tagtaban taw sas fakabaluun ay sas faurianan.

Titu 1:11

At masine salagi wan fagayu tagfakamulun takatanya, aroro gfauri way tibak talanan at fagafanudun. Kanya kaylat gfoyung at yud masine, laman gbul ngayuk salapi.

2 Pedru 2:14

Kafag ngay taw kabavn gdama gugat sa sangay mangena ay gamatangan sas fagfanugtugun, ay wa gfaragang nu gfakamulun sas asalanan. Kanya gtaban at ngay mamomuy fag taw sas asalanan, ay annanad wan sas fagfanganuranun. Kanya ban fagayu umfaurianan.

2 Pedru 2:3

Ay kafag ngay taw gdaya ban ayu siginan at ngay fakamuagun, aroro galabian salapi. Ngaduge wan faurianan nu mafalganan sa kafag ngay taw, ay munakbang wan kanya fagayu nu kamin.