Eremyas 17:10 - Fanawbuid tagsibaliwas Fakayabian

¹⁰ Dewa katanya, au Yawi, saful kway taw at basad ay at amatanganan. Namakamulun kban sas galay sik taw kata at ugali ay at nafakamulun.

Eremyas 17:10 ပူးပေါင်းရင်းမြစ်များ

1 Fun 8:39

dungugani anya fagayu sanya sim fagbanwanan sis banwa, ay falyami at ngay asalanan, ay fakamuluni sas galay sik taw kata at nafakamulun, aroro saful way o at mesa amatanganan. O way lang tagsaful fagayu taw at amatanganan.

1 Krunika 28:9

“Ay o, ku baguama Sulumun, toglagi ay fakamuluni sa am mama at Dius sas fagdaul am amatanganan aroro Yawi glag way tam amatanganan ay saful tam algan ay tam fagamatanganun. Nu kakbang tua ban o gugat sa anya, ggubuk tua ban emu. Dewa katanya, nu natalyuyan way ban o anya, kanya ban gaiyan emu kabavn.

1 Krunika 29:17

Ku Dius, nasaful au te, nainsaful o em ngay amatanganan ay guseganan o nu nalag o te, matuyan tuami. Nu katanya, matuyan ay bundi fabulunan nu gfon au sa emu tuy fagayu. Ay guseganan au aroro nalag au te, anggan am ngay taw tagste di gafabulunan nu gfon.

2 Krunika 6:30

dungugani anya fagayu sanya sim fagbanwanan sis banwa, ay falyami at ngay asalanan, ay fakamuluni sas galay sik taw kata at nafakamulun, aroro saful way o at mesa amatanganan. O way lang tagsaful fagayu taw at amatanganan.

Ub 34:11

Kanya gfon sa sangay taw kata at ngay mesa nafakamulun, ay at fagfonan sa way lang tagugali at matuyan.

Alubad. 44:21

o wa ro wo saful? At matuyan, saful way o dewa ngay taw at fagsuksukun sit amatanganan.

Alubad. 44:22

Aroro gafanud ami sa emu, kabavn munakbang ami gugat sas fakabulun. Ay tibak taw nu glag, kata way mi sik fagfilasun fag ngay tupa.

Alubad. 62:12

Ku Fun, mafangesug tuo. Matuyan wan, gfon o sa sangay taw famangsi sat ngay nafakamulun.

Alubad. 7:10

Dius wan ku tagbalabag, ay gfalangfe tua ngay taw tagugali at matuyan.

Alubad. 7:9

Faragangi wan fagayu taw nu gfakamulun at mauri, ay fae fagmanabayuni sas fagayu at matuyan. O wan at matuyan fag Dius, taginsaful em ngay amatanganan ay em fakaylatun.

Fangatulun 12:14

Galay ban sik taw mul famonun kata at nalong, kata nu e fanambagun siginan at nafakamulun.

Fangatulun 17:3

Sik sanbung salapi ay sik gintu gfasasad afuy laman katuyan te, o matuyan, dewa katanya, tagfaskud sik taw at amatanganan, Yawi wan.

Takamoyung 9:3

Katatuy at yud masine takafasludan stes fagdaul daga, katanya yay ban fagayu at fakatabuan. Ay bundi lang takatanya; ngay taw at fagamatanganun kaduge gleleg fagmauriun way lang ay fagyudun mamatanganan, ay sanya ginan kanya kabul yangay.

Isayas 59:18

Kanya namasud at ngay tagfawayan kata at nafakamulun, anggan sa tangayayu fag ngay furuan. Ay kanya ban fagayu lumag wan at dotama.

Eremyas 11:20

Dewa katanya, nadarangin au te, “Yawi at Mabalyanan, matuyan tua nu ginsaful o, ay saful o taw at amatanganan. O wan tagfasud kanya fag ngay taw, nu katanya, gfatigwanan kwan sa emu ku ngay fakamulun.”

Eremyas 12:13

Ku ngay taw natanum trigu, dewa katanya, at faggutluun ban dugi way. Ay kanya fagayu maksvn nu gfakamulun dewa katanya, wa ban e nagbulan. Kanya ban fagayu gumutlu fakaplaun aroro sa ku dotama at maksvn.”

Eremyas 20:12

Yawi at Mabalyanan, saful way o nu sinu at matuyan aroro saful o at ngay amatanganan. Falagi sa angku nu gfasud o sa kafag ngay taw, aroro nafatigwanan kwan sa emu takatanya fagayu.

Eremyas 21:14

Dewa katanya, namaurianan au ayu kata ay ngay nafakamulun. Nangirug au ay fagagbilugun fag ngay araw yakmay ankirug fagayu si ay ligung. Au, Yawi, taglong tuy.’ ”

Eremyas 32:19

At kasine am ngay algan, ay at kadulo am ngay nafakamulun. Glag way o fagayu taw at nafakamulun ay gfasud o ngay taw kata at ngay ugali ay at nafakamulun.

Esekyel 11:5

Sanya ginan, Yawi at Falad antayuk sa angku ay nasugu angku laman nanlong au te, “Yawi glong te, Saful kway ay nalong ay anggan ay fagamatanganun.

Esekyel 14:5

Namakamulun kban takatanya laman ban umfoli yay fagayu taw Israel at kinyayu angku, siginan nu gseg tibak fagsegan.’

Mikas 7:13

Fagayu ban talun sas fagdaul daga umsik mabaluanan aroro sa sangay taw at fagmauriun.”

Mateu 16:27

Aroro au, Taw at Baguama, kadasug kban stae at ke fagmasineun siginan ku Mama, gfasfuan at ngay tagbarita. Ay ginanya ban gfon au sas fagayu taw kata at nafakamulun.

Mateu 6:4

laman masuksukan nu gfon am. Ay ay Mama wan taglag ay fakamulun at masuksukan, namon at masine sa ayu.”

Uan 2:25

Isus wa gafanud dewa e gfoyung sa anya te, matuyan ngay taw at ugali, aroro saful way ngay taw at amatanganan.

Fakamulun 1:24

Ay kafag ngay nasugu gdarangin te, “Em Fun, nasaful o fagayu taw at amatanganan. Fasafuli emi, sinu am nafili

Ruma 6:21

Nataw ay nabul siginan ay nafakamulun ebi ay fakaplaun katsi? Takatanya fag ugali at fungfung fakabulun way.

Ruma 8:27

Dius, tagsaful taw at amatanganan, nasaful yangay at Masine fag Falad at amatanganan, aroro at Masine fag Falad tagwabilug Dius ay at ngay taw, gfaning Dius at fakaylatun.

At Nafasure 2:23

Ay gfabul kban fagayu tagfaning kanya fag mangena, laman ban sas fagayu furuan fag ngay tagafanud, sumaful te, saful kway ngay taw at ngay amatanganan ay at ngay algan. Ay namasud kban sas galay at sadi si ayu kata ay mesa nafakamulun.

At Nafasure 20:12

Ay nalag au at kinbul fag ngay taw takadungug ay at yud kadungug, kanya fagayu malindug sis salubangan faglunggungan. Ay at ngay fafil anlunggab. Ay anlunggab yangay anggan fafil fagrirukan at ngay ke leleg ban. Ay e nafatuyan sabaliwa kafag ngay taw at kinbul, kata at ngay mesa fakamulun gfaning at marirukan sanya fag ngay fafil.

At Nafasure 22:12

“Amatangani, gakadasugun kwan. Gbuba au ku famonun ku fagnamonun sas galay sadik taw kata at nafakamulun.

1 Samwel 16:7

Ay Yawi nalong sas Samwel te, “Lag o gdama at kabatan ay at kaseganaman aroro bunwa kanya ku nafili. Aroro nu gfili au wa kata staw nu gfili, taw nu gdama si way at kabilugan, ay nu gdama au si tua at amatanganan.”