Eremyas 17:1 - Fanawbuid tagsibaliwas Fakayabian

¹ Yawi nalong te, “Ngay taw Uda, ay ngay asalanan marirukan si ay ngay amatanganan takamaogatun kata sik ngay longan at marirukan sis gang ay sis sunge tagsis fagirugan at ngay fugungan.

Eremyas 17:1 ပူးပေါင်းရင်းမြစ်များ

Fangatulun 3:3

Kabavn mafangesugi ay matuyani tua, lag kalyam, ay fasii tua gugat am amatanganan.

Fangatulun 7:3

Amatangi tua gugat, laman di o kalyam.

Isayas 49:16

Furuan Erusalem, kabavn kwa kalyam emu. Nariruk kwan am ngayan si ku daluap. Gamatang kway gugat am ngay alad.

Eremyas 11:13

Ngay taw Uda, ay ngay fagsegan at kayuan kayu yangay ay furuan. Ay nu seyu sis furuan Erusalem at ngay fagaweanan, kayu yangay nya ay nawat fagirugan laman ay fagfonan ngay fanggalangun laman sas Baal fag fagsegan at maksvn nu mauri.’

Eremyas 2:22

Dewa am gigus gugat ay grarus sa ay ngay bilug balugu, e lagan kyay gugat ay ngay asalanan. Au Yawi, ay Fun, taglong tuy.

Eremyas 31:33

Yawi nalong yangay te, “Katatuy at bagu fag nasadian ku fagnangawatun, laman ban ngay taw Israel at fagaloan sa takadasug fag ngay buknga: Griruk kban sat ngay amatanganan ku ngay foyungan. Au waban fia kanya fagayu at Dius, ay kanya ban fagayu ku ngay taw.

Eremyas 4:14

“Ngay taw Erusalem, talyuyani wan ay asalanan laman umlangfe tuam. Seduge ya ban nu gamatangan am sat mauri?

Usea 12:11

Dewa katanya, ngay taw Gilyad gfataglayun yay gugat at ngay fagmauriun, ay kata way nu yud e masuad. Ngay taw Gilgal gfon ngay tama baka sat ngay fagsegan, ay nu katanya, gfarasras au at ngay fagirugan fanggalangun, ay umkata ban sik nafaful fag ngay gang gina naali at gamasun.

Usea 7:2

Kanya fagayu wa gamatangan ya te, kwa ban kalyam at ngay fagmauriun. Anggan katsi, kanya fagayu gasalanan way gugat.

Usea 8:11

Ngay taw Israel dewa nawat ngayuk fagirugan laman fagnangirugan at famalyam asalanan fag ngay fanggalangun, sanya yangay nu gfakamulun at mauri.

Lebitiku 4:25

Ay tagfon fanggalangun gfasurung at ngay sumyu sas kambing at taguk ay nanrarus sa sangay sunge tagsis fagirugan at ngay fugungan. Ay at sawad fag taguk ugwagi sas daga fagirugan.

Sakaryas 7:12

Kanya fagayu nafatugasun at amatanganan kata gang, ay wa nafaning ku ngay suguan, ay ku ngay longan ku fagmabalyananun at nalong sa sangay taglong. Nu katanya, au Yawi at Mabalyanan, matuyan kadotama au anya fagayu.

2 Kurintu. 3:3

Mayamag te, sik rirukan am tagsiginan tam Fun Isus at nafabuba sa emi. Ay at fanriruk kafag rirukan bunwa fanriruk, nu bunway tagleleg tua fag Dius at Falad. Ay nu griruk wa sas dalifi, sa tuas taw at amatanganan.