Eremyas 16:6 - Fanawbuid tagsibaliwas Fakayabian

⁶ Kanya ban fagayu nangabul ste fag daga, dewa at maramraman ay at yud e kwa, ay wa ban e namoli ya anya fagayu. Ay wa ban e gfilas ya at sadili ay gfaufo at alfuyu laman gfalag te, kabalu.

Eremyas 16:6 ပူးပေါင်းရင်းမြစ်များ

2 Krunika 36:17

ay naylat ngay taw Babilunya nu namawayan anya fagayu. Ngay taw Babilunya gfabul kafag ngay taw at ngay baguama dewa sis Yawi at bale. Kanya fagayu we afanyu ya sas nusnga sinu fag taw, mangama ay mangena, ay at mafagtainan ay at mamomuy. Dius nafagbilug at ngay taw sas fun Nabukudunusur.

Isayas 22:12

Ay tam Fun, Yawi at Mabalyanan, nafaidapan ayu laman umke fakabaluun am, ay gwayway am, ay gfalanu ay ngay alfuyu, ay nangalanbungan am saku laman sik fagtoglagan te, kabalu am.

Isayas 24:2

Sadi way ban fagayu taw at fakadasugan, dewa sik tagfon fanggalangun ay sik taw, ay dewa sik fun ay sik fagsuguan, ay dewa sik tagfaebayad ay sik tagbayad, ay dewa sik tagfabedan ay sik tagbedan.

Eremyas 13:13

nanlong o sa anya fagayu te, ‘Yawi glong te, Namaurianan kban fagayu tagbanwan ste fag talun, kata nu nafalangu au anya fagayu. Namaurianan au ngay fun tagsiginans Dabid at ngay kasugfunanan, ngay tagfon fanggalangun, ngay taglong, ay fagayu taw Erusalem.

Eremyas 16:4

Kanya ban fagayu umbul siginan at maksvn fag fakasaitun. Wa ban e gamatang ya ay we namoli ya anya fagayu. At ngay bilug ban grapyagan sanya fag talun kata sik fagbaugun at ngay kek. Ay e kabul yangay ban sas awayan ay sas fanlunus. Sanya ginan ban ngay manuk tungud ay at madot fag ngay mela nangon kanya fag ngay taw at ngay bilug.”

Eremyas 41:5

waluk safuluk mangama siginans Sekem, Samarya ay Silu, nalao sas Mispa. Kanya fagayu naufo at ngay umi, ay nagirat at ngay lanbung ay nafilas ayu sirut at ngay bilug laman gfalag te, kabalu. Kanya fagayu e buba ngay fanggalangun laman famauseganan Yawi, ay e ngay buba yangay famaebebanglu fag ngay fanggalangun laman sas Yawi at bale.

Eremyas 47:5

Ngay taw Gasa nanlanu at ngay mesa alfuyu, laman gfalag te, kabalu. Ay ngay taw Askelun ban maragangan way lang aroro sat fakabaluun. Fagayu am tagbanwan sis datag, ginain yaban nu gfilas am ay ngay sadili laman gfalag am te, kabalu am?

Eremyas 48:37

Galay sik taw nafalag te, kabalu siginan nu gfalanu at alfuyu, nu gufo at ngay umi, ay nu gfilas at ngay take ay nu gsulun laman famasaful te, kabalu.

Eremyas 7:29

“ ‘Ufoi ay ngay buk ay ukasi ay nagufoan laman gfalag am ay fakabaluun. Waywayani sis talun yud e taw fag ngay tagbudbuksulanun aroro Yawi natalyuyan wan ay nafabayan ayu fag ngay taw at nafadotama anya.’ ”

Eremyas 8:2

Ay namarapyagan kban sa sik talun kafag ngay taw at ngay bini. Ay matimrangan ban sis menit at sugba ay sis magdanun ay si sangay galeme at yamag. Katanya ban at faurianan sa kafag ngay taw aroro nesug menit ay magdanun ay ngay galeme, ay nafaning kafag ngay tagyamag ay ankakbang sanya ay nafauseganan.

Lebitiku 19:27

“Ay gina am kabalu, lag am gufo ay buk ay ay ngay umi.

Lebitiku 19:28

Ay lag am gfilas ay ngay afud bilug. Lag am griruk si ay ngay bilug. Au Yawi.

Amus 6:11

At matuyan, nu Yawi wan at nasugu, tagbia ay talay fag ngay bale, umkiklas.

Mateu 9:23

Ay Isus nu ndasug sa kafag tagfangguna at bale, nalag ngay tagtulali ay anggan sik ngay taw tagaringang ngayu.

Deuterunumyu 14:1

Am wan tam Dius Yawi at ngay sisian. Nu katanya, nu kabalu am at kinbul, lag am gfilas ay ngay sadili ay lag am gufo ay buk,

At Nafasure 20:12

Ay nalag au at kinbul fag ngay taw takadungug ay at yud kadungug, kanya fagayu malindug sis salubangan faglunggungan. Ay at ngay fafil anlunggab. Ay anlunggab yangay anggan fafil fagrirukan at ngay ke leleg ban. Ay e nafatuyan sabaliwa kafag ngay taw at kinbul, kata at ngay mesa fakamulun gfaning at marirukan sanya fag ngay fafil.

At Nafasure 6:15

Ay ngay fun ste swa daga, ay ngay tagfangguna, ay ngay fun tagfawayan, ay at maramraman, ay at ke ngay fanambagun, ay nusnga sinu fag taw, dewa sik fagsuguan, ay dewa yud fagsuguan, nasuksuan sa sangay luib ay sa sangay wabilug gang ay sa sangay buksul.