Eremyas 16:19 - Fanawbuid tagsibaliwas Fakayabian

¹⁹ Nalong au te, “Yawi, o wan ku fagmabitsugun ay ku tagfasun gina au kabalu. Fagayu talun at ngay taw tagsis fagdaul daga nangakbang sa emu ay nanlong te, ‘Em ngay mangaguyang at ngay fagsegan we masuad. Kanya fagayu we nafakamulun nusnge wain at masine.

Eremyas 16:19 ပူးပေါင်းရင်းမြစ်များ

1 Fun 20:23

Ay Aram at fun at ngay fagsuguan nalong anya te, “Israel at Dius, ngay buksul way at dius. Kanya wan at fagbaboun. Ay nu si tua ro sad datag nu gfawayan tam anya fagayu, gbabo wa ro tam fia.

Alubad. 18:3

Yawi, anud sa way lang emu nung au guseganan, aroro gina au nadarangin sa emu, nafalangfe tuo angku siginan ku ngay fawayan.

Alubad. 19:14

Yawi, o wan ku fagsarigan ay ku tagfalangfe. Nangus ku amatanganan ay ku longan maylat tua sa emu.

Alubad. 27:5

Sis buknga fagidapun, o way lang ku fagnansarigan, gfasuksuan tuo angku sam bale, ay gtabanan o angku sa sik tungud fungsu.

Alubad. 46:1

Dius wan tam fagsarirungan ay tam fagmabitsugun. Kanya mafalganan gugat ggubuk antam sis buknga fagidapun.

Alubad. 46:11

Yawi at Mabalyanan gufud antam. Ay kanya yangay fag Dius, Akub at Dius, tam fagsarirungan.

Alubad. 46:7

Yawi at Mabalyanan gufud antam. Ay kanya yangay fag Dius, Akub at Dius, tam fagsarirungan.

Alubad. 62:2

Kanya way lang ku fagsarigan, ku tagfalangfe ay ku fagsarirungan. Nu katanya, kdi kamomuy.

Alubad. 62:7

Dius wan ku tagfalangfe ay tagfasik takadungug angku. Kanya wan at mogat ku fagsarigan ay ku tagdiri.

Alubad. 65:3

Malubguban ami si em ngay asalanan, ay dewa katanya nafalyam tuo fagayu em ngay asalanan.

Alubad. 68:31

E ngay fagsuguan ban kadasug siginans talun Igiptu gbuba at mafanud fag ngay fanggalangun. Ay anggan ban ngay taw Kus gfabat at ngay daluap laman sas Dius.

Alubad. 86:9

Fagayu am nawat fag ngay gaban taw tagsiginan sangay talun kadasug sam daga salubangan, laman nanrungan nanseg emu, ay namauseganan am ngayan,

Fangatulun 18:10

Yawi kata sik bale tangabat ay at mogat, ay at matuyan fag taw at fagnansarirungan gina e malimu.

Isayas 25:4

O wan tagbalabag at ngay tagafalingunan ay tagfon at nayudanan gina e fagidapun fag buknga. O wan at fagsarirungan gina e fulug ay gina masugba. Aroro at madot fag ngay taw nu kadasug kata sik fulug nu gfalang sas alad,

Isayas 32:2

Galay at sadi umkata sik fagsarirungan gina fulug andasug. Ay kanya fagayu umkata sik liskung tagfamilugan sas talun yud e taw, ay umkata sik tagbia fag gang at lanbung sit masugba ay at matat fag daga.

Isayas 44:10

Nusnga sinu takawat ngay fagsegan we fagsafulun, aroro kanya fag ngay fagsegan wa magubuk anya.

Isayas 44:20

Ngay taw takawat takatanya, kata way nu kon dafug. At fagyudun mamatanganan at nafalyam anya, ay takatanya, wa mafafalangfe at sadili. Ay wa kaylat glong te, ‘Ku nawat fag fagsegan bunwa sik dius.’ ”

Isayas 45:14

Yawi nalong sa sangay taw Israel te, “Namagtainan ban am ngay taw Igiptu, ay ngay taw Etiupya, ay ngay taw Saba fag gaban taw tangabat. Kanya ban fagayu umdasug sa emu gbuba at ngay ramraman ay at ngay gutluan, ay gtaban ban am anya fagayu, ay kanya ban fagayu nanmalub sa ay daga salubangan ay gfainfanyuan sa ayu te, ‘Anud, Dius gufud ayu, ay sas day anya we tibak Dius!’ ”

Isayas 49:6

Kanya nalong te, “Ku fagsuguan, namafoli o ku nafasawad fag ngay taw Israel, ay saman wa kanya, ngayu yay ban ku fagnamakamulunun sa emu. Namakata kban emu sik salung sas fagayu talun at taw laman fagayu taw sas fagdaul daga umlangfe.”

Isayas 62:2

Furuan Erusalem, ngay taw ban sas fagayu talun ay at ngay fun lumag ban am fagmatuyanun ay fagmasineun. Ay Yawi ban namon emu sik bagu fag ngayan.

Eremyas 10:3

Kanya fag ngay taw wa masuad at fakamulun. Kanya fagayu namul kayu sasad araw ay namawat at ngay fagsegan sa tagsaful kawat.

Eremyas 10:5

At ngay fagsegan kata sik taw famalimu manuk tungud sis gamasun. Ngay taw namuba way aroro wa gleleg. Lag am kalimu kafag ngay fagsegan aroro wa mafakamulun at mauri ay wa yangay mafakamulun at masine.”

Eremyas 12:16

Ay kanya ban fag ngay talun at taw nu gafanud tua fia sa angku kata ku ngay taw ay nu gfatuyan tua ban fia sa ku ngayan, kata at nafoyung sa ku ngay taw nu gfatuyanan sas Baal, kanya ban fagayu ku ngay taw yangay.

Eremyas 14:8

Yawi, o wan Israel at fagsegun ay at tagfalangfe gina e fagidapun. Wain am fakataun way em betaw? Ay wain am fakataun way sik tagfanloan tagsik yabi way nu gtiug si em talun?

Eremyas 17:17

Lag o gfalimu angku, aroro o wan ku fagsarigan gina e fagmauriun.

Eremyas 2:11

O nunda tibak talun at taw natubus at ngay fagsegan deyud matuyan? Au wan at mabalyanan fag Dius, dewa katanya, ku ngay taw naseg wan tibak fagsegan abat ngate gseg angku.

Eremyas 2:8

Ay anggan ngay tagfon fanggalangun wa grvbvy ya angku. Ay ngay tagfoyung ku suguan wa yangay gtoglag ya angku. Ngay tagfangguna gfauri angku. Ay ngay taglong at foyungan sa way baliwas Baal at ngayan ay gseg at yud matuyan fag ngay fagsegan.

Eremyas 3:23

Anud nasalan ami siginan nu nanseg ami ngay fagsegan sa sangay tungud buksul. Yawi em Dius, o way lang ngay taw Israel at tagfalangfe.

Eremyas 33:9

Ay nu nfasludan ban takatanya, furuan Erusalem ban gfauseganan angku. Ay fagayu ban talun sas fagdaul daga gtadtaruyan kalimu nu nadungug te, furuan Erusalem e fagmasineun wan, ay maramraman, ay e fagmanabayanun siginan angku.”

Eremyas 4:2

ay nu gfatuyan tuo fia sa angku, ay gugali at matuyan, ggubuk ban o sa sangay talun at taw 2 laman kanya fagayu gfauseganan yangay angku.”

Esekyel 11:16

“Nu katanya, nanlong o sa am ngay iba at natabanan te, ‘Au, Fun Dius Yawi, glong au te, dewa au nafatabanan ay nafasaruayan ayu sa tibak talun, galo kyay gugat ayu laman mafauseganan am angku.’

Uel 3:16

Yawi ban at aringang gbia kata sik lingsi siginans Buksul Siun. Nu katanya, daga ay banwa muigan. Dewa katanya, Yawi wan ngay taw Israel at mogat fag fagsarigan.

Amus 2:4

Katatuy Yawi at longan sabaliwas Uda: “Ngay taw Uda gfataglayun way gugat nu gasalanan, nu katanya, namaurianan kban anya fagayu. Kanya fagayu nafamabo ku ngay suguan ay wa nafaning ku ngay fangatulun. Ay siginan nu gseg at ngay mangaguyang at ngay fagsegan, kanya fagayu ansik malyaman.

Naum 1:7

Yawi matuyan, ay at mogat fag fagsarigan gina e fagidapun, ay galaga fagayu tagafanud sa anya.

Abakuk 3:19

Kanya gfabitsug angku, ay gfabitsug ku darafa kata arasyo, laman maundaud au sa tangabat fag buksul.”

Malakyas 1:11

Ngay taw ban tagsis fakamenitan anggan tagsis fakayabian gfauseganan angku. Ay nusnga nday ban kanya fagayu girug famaebebanglu ay gfon fanggalangun sa angku.

Ruma 1:25

Kanya fagayu natubus at matuyan fag foyungan sabaliwas Dius sas fakamuagun. Ay kanya fagayu at fagsegan ay at fagfaningun ngay awatan way, abat ngate, Takawat, at matuyan tam fagfausegananun kabavn ban. Anud.

1 Pedru 1:18

Nasaful wam at nafalangfe ayu siginan at yud e tungkul fag ugali, tagsiginan ay ngay mangaguyang. At nafalangfe ayu bunwa takarasras ay takamin, kata sanbung salapi ay gintu,

At Nafasure 11:15

Ay at fafituk tagbarita nu nauyup at budyung, e nadungug au sik ngay aringang ayu daul siginans banwa te, “Fagmafagtainanun ste swa daga siwa tam Fun ay si tam Fun Isus. Kanya ban gfagtainan kabavn.”