Eremyas 16:18 - Fanawbuid tagsibaliwas Fakayabian

¹⁸ Nu katanya, namasud au anya fagayu duak kaksvn at fagmauriun ay at asalanan, siginan nu gfasuya ku talun ay siginan at ngay fagsegan at mauri ay at yud gleleg.”

Eremyas 16:18 ပူးပေါင်းရင်းမြစ်များ

Alubad. 106:38

Kanya fagayu nafasik masuya at talun, siginan nu gfabul at ngay sisian dewa yud e asalanan, laman at fon sa sangay taw Kanaan at ngay fagsegan.

Isayas 24:5

Ngay taw tagbanwan sas fagdaul daga nafauri wan at fagbanwanan, aroro wa nafaning Dius at ngay suguan ay wa nadungugan at ngay longan. Kanya fagayu nafamabo ebi at nasadian sas Dius te, namaning tua ban anya.

Isayas 40:2

Malukmei tua nu garingang am sa sangay taw Erusalem. Foyungi anya te, antabu wan at fagidapun, ay nafalyam kwan at ngay asalanan. Nafaurianan au anya fagayu maksvn aroro sat ngay asalanan.”

Isayas 61:7

Abat ngate ban am gafalingunan, ay gutluan ban duak kayu ay fagsegun, nu katanya, maksvn ban nu guseganan am. Ay kabavn ban manabayan tua nu gbanwan am.

Isayas 65:6

Yawi nalong yay fia te, “Dungugani! Nariruk wan ngay faurianan sa ku ngay taw. Kwa masine maragangan lang; namasud au anya fagayu nu se aksvn at ngay asalanan, ay at ngay mangaguyang at ngay asalanan. Aroro kanya fagayu nairug at ngay lune at mabebanglu ay nafadotama angku si sangay fungsu ay sa sangay buksul. Nu katanya, namasud au anya fagayu nu se aksvn at ngay nafakamulun.”

Eremyas 17:18

Falimui ay faplai fagayu tagfauri angku. Ay fadasugi sa anya fagayu fagmauriun laman umkamin wan. Dewa katanya, lag gfakamulun sa angku takatanya.

Eremyas 2:7

Ay nataban au ayu sat masine fag daga laman umke gutluan am, dewa katanya, fagnabanwan di am sanya, nafauri am ku nafili fag daga ay ansik mauri am.

Eremyas 3:9

Ngay taw Israel nafasuya at furuan siginan nu gseg tibak fagsegan at mawatan siginan gang ay kayu. Kanya wa nasalagan nu gseg tibak fagsegan.

Eremyas 44:4

Malayun oma nu gsugu au ku ngay fagsuguan fag ngay taglong laman namararang sa anya fagayu te, lag gfakamulun fagayu at mauri tagfadotama angku.

Eremyas 7:30

Yawi nalong te, “Ngay taw Uda nafakamulun at mauri. Ay kanya fagayu nafasakbo at masuya fag ngay fagsegan sa ku bale nu inda at fagnamauseganan angku, nu katanya, ansik masuya.

Esekyel 11:18

Ay nu nfoli ban am sanya, falyami wan tagsanya fag ngay fagsegan at maksvn nu mauri.

Esekyel 11:21

Dewa katanya, gfaurianan kban fagayu taw tagseg at ngay fagsegan at maksvn nu mauri, kaksvn at nafakamulun. Au, Fun Dius Yawi, taglong tuy.”

Esekyel 36:18

Nu katanya, nabusbus au ku dotama sanya fag ngay taw, aroro kanya fagayu nafamabul sit talun, ay nafasuya at talun siginan nu gseg tibak fagsegan.

Esekyel 5:11

Au, Fun Dius Yawi, gfatuyanan au te, kafanud nu gleleg au, namamin kban ayu, ay kwa ban kafanyu ya ayu, aroro nafasuya am ku bale siginan nu gseg am at yud matuyan fag ngay fagsegan ay siginan nu gfakamulun am nusnga setaw fag ngay fakamulun at maksvn nu mauri.

Usea 9:7

Ngay taw Israel, andasug wan nu gafaurianan am fag menit, ay kafag menit namasure ban ay nafakamulun. Sumaful wam te, andasug wa ngaro kafag menit, ay glong am te, ‘Kanya fag taglong kata nu yud mamatanganan.’ Makatu wayam glong takatanya, aroro ngayu wan ay ngay asalanan ay kadotama am angku.

Lebitiku 26:30

Nanrasras kwan ay ngay fagnansegan ay ay fagirugan famaebebanglu fag fanggalangun tagsi sangay buksul. Gukas kban ay ngay bilug sa ay ngay tungud fagsegan at yud gleleg, ay gaiyan kban ayu.

Mikas 2:10

Nu katanya, loi wan ste ginans talun Israel aroro wa ban am manabayan, aroro ay ngay asalanan nafasuya ay furuan. Tuy ban fag furuan umrasras ay wa ban e tungkul ya.

At Nafasure 18:6

Fakamuluni sa anya kata at nafakamulun sa ayu, ay nu setain at nafakamulun sa ayu, fasudi dua ginan. Nu seyuk taya mapnu at nafakamulun sa ayu at mauri, fasudi sa anya duak kayu nya.